Rimelege flybillettar til Røros i perioden 3. mai til 30. september 2026.
Stord Lufthamn kan med glede kunngjera at i tett samarbeid med flyselskapet DAT og Røros Lufthavn, vert det lansert ein ny kampanjepris på flyreiser mellom Stord og Røros via Oslo lufthavn, Gardermoen. Dette er eit tiltak som skal gjera det endå enklare og rimelegare for reisande samt å knyta Sunnhordland og fjellregionen saman. I kampanjeperioden kan ein fly mellom Stord og Røros for kun kr 999,- ein veg (handbagasje
inkludert). Tilbodet gjeld for reiser som vert gjennomførte i tidsrommet 3. mai til 30. september 2026.
Jan Morten Myklebust ( sjå bilete på topp ) skriv i pressemelding til uskedalen.no at han er svært nøgd med å kunna tilby ei gunstig og føreseieleg løysing for reisande mellom regionane. Dette viser verdien av eit godt samarbeide mellom lufthamnene og flyselskapet, og han trur kampanjen vil skapa nye moglegheiter for både næringsliv og fritidsreisande.
Røros er ein unik fjellby og UNESCO verdsarvstad, kjend for sine fargerike trehusmiljø, rik gruvehistorie og ein levande kulturarv. Byen byr på flotte museumsopplevingar som Smelthytta og Olavsgruva, eit lokalt matkulturmiljø i særklasse, og nærleik til spektakulær natur i nasjonalparkane Femundsmarka og Forollhogna. Dette gjer Røros til ein attraktiv destinasjon for både kulturinteresserte og friluftsglade reisande seier Gudbrand Rognes, lufthavnsjef på Røros lufthavn.
DAT og Røros lufthavn deler entusiasmen for samarbeidet og trur at den nye kampanjeprisen vil bidra til auka trafikk og styrka regional tilknyting.
Billettar kan tingast på www.flydat.no eller på telefon 53 40 37 00 til Stord lufthamn.
For meir info. kontakt: Lufthamnsjef Jan Morten Myklebust, Stord lufthamn mobil 92665553 eller Lufthavnsjef Gudbrand Rognes, Røros lufthavn mobil 90977418. Markedssjef Ann Hartl, DAT +45 66442759.
Tekst/foto: Pressemelding Nett: Kristian Bringedal