Stor interesse for tema Musikk og hjernen. Mange tilhøyrarar frå Uskedalen.

Heile 180 selde billettar på møte i Kvinnherad Senioruniversitet i dag. Tema Musikk – medisin for hjernen interesserte mange. Om lag 20 personar frå Uskedalen var med og fekk høyra Geir Olave Skeie førelesa om korleis musikk kan brukast i behandling for dei med nevrologiske lidingar. Det kan vera Parkinson, hjerneslag og hjerneskadar.

Skeie er overlege på Nevrologisk avdeling på Haukeland. Han er dessutan professor ved Griegakademiet der han er utdanna pianist. Utgangspunktet for ein time med Skeie var:

• Kva gjer hjernen med musikk
• Kva gjer musikk med hjernen
• Kan dette brukast til noko i behandlinga

Geir Olve Skeie engasjerte og gav tilhøyrarane motivasjon til å driva på med musikk – kor, korps, band og andre grupper med musikk og rytme. Nytteverdien er stor uansett om du er utøvar eller pasient.

Spørsmål frå salen handla for det meste om musikkterapi i kommunal omsorg og i psykiatrien.

Neste møte i Kvinnherad senioruniversitet er torsdag 12. februar kl. 11 på Husnes. Tema er Husnesområde del 2 – store endringar sidan utbygginga av SØRAL ( No: Norsk Hydro, Husnes ). Førelesar er Aasmund Kåre Rørvik

Tekst/foto/nett: Kristian Bringedal