40 kort og helsingar til Børsdalsnissen.

Sjå video frå då Børsdalsnissen henta postkassen sin.

Børsdalsnissen har det travelt i romjula med å lesa julehelsingar og sjå på teikningar og julekort laga av alle borna. På veg frå Rosendal var Børsdalsnissen oppom Skårhaug i kveld og henta Nissekassen. Han tok kassen med heim, inst inne i Børsdalen. Så lang vi kjenner til var det 40 brev og helsingar i kassen. Det er meir enn i fjor. Helsingane kjem frå klassar på skulen, men også frå mange familar som har lagt turen over Skårhaug med helsing

Uskedalen.no var så heldige at dei tilfeldigvis var på Skårhaugtoppen då Børsdalsnissen dukka opp. Det resulterte i denne videosnutten som de kan sjå her:

Det er mange juleynskje. Les her – eit lite utdrag:

• Lego, leiker, bamse, dokkehus, byggesett, tromme og bøker
• TV, sofa,
• Vottar, pysjamas
• Play Staion 4, Iphone 15, Key bord og slushmaskin
• Krosssykkel
• Hest med utstyr, hund og kattunge
• Smykke
• Høgtalar, ringeklokke
• Snop

Nokre har ynskje om å styra tida si sjølv. Aldersgruppa på dei som skriv, er frå 2 år til ferdig 5. klasse.

Takk til alle som engasjerte seg og var med på ein trivleg aktivitet før jul og i romjula. Sjå fram til neste jul med lystenning, lysmarsj og Nissekassen.

Tekst: Nissen
Foto: Thor Inge Døssland