Traktor frå Uskedalen i Jon Almaas sitt program på TV Norge

Visste du at traktoren til Jon Almaas i programmet hans på TV Norge har ein forhistorie i Uskedalen. Arne Johannes Haugland kjøpte og fekk traktoren nyregistrert 20. januar 2003. Haugland hadde traktoren fram til byte og overgang til den fyrste 6 sylindra traktoren i 2006. Då var John Deere traktoren gått om lag 3500 timar.

Tor Ove Haugland fortel til uskedalen.no at timetalet no er om lag 7000 timar. Traktoen har med andre ord hatt eit roleg liv etter tida i Uskedalen. Etter å ha stått hjå FKRA ei stund, kjøpte Tore Musland traktoren. Han hadde traktoren fram til 2008, året då den for austover til eigaren som dreiv garden på Romerike før Jon Almaas. Almaas saman med kona Ellen kjøpte garden for eit år sidan. Jon Almaas er TV kjendis. I perioden 1999 – 2016 var han progamleiar for Nytt på Nytt. No er han programskapar på TV Norge.

Traktoren er ein 6420S, 125 hk 4 sylindra, ein modell som kom i sal i 2002. Tor Ove legg til at den traktoren dei bytta inn den gongen, er den same som Lisbeth og Roy Døssland har på Mykelbust i dag, ein 96 modell 6300.

Tekst/ntt: Kristian Bringedal
Foto: Privat