Kyrkjelydsblad med framsidebilete av Nina Rød Eidsvik.

Julenummeret av kyrkjelydsbladet er ute til alle innbyggjarane i Kvinnherad. Framsidebilete av Uskedal kyrkje i skodde er teke av Nina Rød Eidsvik. Ho bur i Skårhaug og har panoramautsikt til kyrkja dag og natt og i altslags ver. Nina er ein dyktig fotograf. Det same er mannen hennar, Knut Inge Eidsvik. Han har mange vakre fjell- og naturmotiv.

På side 7 i Kyrkjelydsbladet finn vi eit innlegg om Marit Langballe som er frivillig på sjømannskyrkja på Gran Canaria. Ho har særleg ansvaret for julebasaren og strikkegruppene. Den siste basaren gav ei inntekt til kyrkja pålydande kr. 250 000,-. Det er den mest besøkte av alle sjømannskyrkjene. På julekonserten, som er lagt til Den katolske kyrkja, er det eit frammøte på 600 personar.

Elles er det informasjon om at Uskedal kyrkje er stengd. Årsaka er byggtekniske skader, særleg etter stormen Amy tidlegare i haust. Helgheim vert inntil vidare brukt til kyrkjelege tenester.

I bladet er det også intervju med prestevikaren Astrid Elisabeth Wilborn som skal vera fungerande sokneprest i Enæs og Uskedal sokner. Det er også samtale med nytilsett organist, Andre Eide.

Dersom du ikkje har motteke Kyrkjelydsbladet, meld frå til soknerådet. På Julegudstenesta i Helgheim vil bladet vera utlagt.

Tekst/nett: Kristian Bringedal
Foto: Nina Rød Eidsvik/ Kristian Bringedal