Innslag frå Uskedalen i Plassapodden i morgon, fredag 12. desember.

I morgon kjem Juleplassapodden. Uskedalen vil ha ein sentral rolle i sendinga. Innslaga vil handla om jul med vekt på det finaste juletreet i kommunen, pynta til høgtid og fest. Børsdalsnissen kjem på besøk.

For å toppa det heile får du møta Bjørgulv Eik. Ein frå grunnfjellet til Uskedalen, som har sett spor etter seg i bygda. Bjørgulv Eik er 93 år, men enno aktiv i musikklaget, der han har spelt kornett i 77 år.

Innslaga er henta og redigert frå Uskedal historielag si facebookside

Sist det var innslag frå Uskedalen i Plassapodden, var i august. Då var tema utvandring, mellom anna samtale med bokskrivar Torkel Stensletten om utvandrarprosjektet og boka Med von om ei betre framtid.

Det er sending i morgon midt på dagen, men du kan sjå Plassapodden når du ynskjer det på nettet.

Tekst/nett: Kristian Bringedal
Foto: Skjermdump frå opptaket/logo/ akrivfoto