Klargjering til den store julegrantenninga komande fredag kl. 17.00

I dag var det faste pyntegjengen i aktivitet med klargjering til julegrantenning komande fredag kl. 17.00. Trioen Lars Myklebust, Knut Steinsletten og Ståle Eik fekk på plass både “stjerna” i toppen og lyslekkjene. Den rutinerte gjengen gjorde arbeidet kjapt og effektivt, og arbeidsfordelinga var slik dei har gjort mange gonger før.

Ståle Eik, som snart 82 år, var i toppen saman med 5 år yngre Knut Steinsletten medan Lars Myklebust hadde full kontroll som bakkemannskap. Julegrana i Uskedalen har lyst kvart år sidan 1963. Det blir såleis 63. jula den lyser opp til glede for oss i førjuls- og juletida.

Julemarknaden tek til kl. 16.00. Open mikrofon og Engleverkstad i kyrkja frå kl. 17.30. Børsdalsnissen prøver å finna fram til lystenninga kl. 17.00.

Tekst/foto/nett: Kristian Bringedal