Uskedal Historielag på Lokal bokmarknad på Husnes med utvandrarboka og årbøker, laurdag 15. nov.

I morgon, laurdag kl. 11 – 14, er det klart for den årlege bokmarknaden i regi av NORLI Husnes. Det er særleg lagt vekt på presentasjon og sal av lokale bøker. Uskedal Historielag har vore med sidan laget var skipa for fire år sidan. I år har Historielaget med utvandrarboka Med von om ei betre framtid og Den nære fortida, årbok 2 og 3. Bok 1 er utseld.

Innehavar av NORLI Husnes, Heidi Sande Gertz, har godt grep om marknaden. Ho let lag og organisasjonar få selja bøkene sine utan provisjon. Bokmessa på Husnes Storsenter i beste handletida på ein laurdag er godt eigna for profilering og merksemd.

Dersom du er på Husnes i morgon mellom kl. 11 og 14, kom innom Uskedal Historielag sin stand.

Tekst/nett: Kristian Bringedal
Foto: Arkivfoto - 2023/ Framsida av utvandrarboka