Positiv utvikling for flyruta Stord - Oslo.

I september nytta 4.734 personar seg av Osloruta til DAT. Kabinfaktoren var på 72,5%. Pr. utgongen av september har til saman 38.207 personar nytta seg av Osloruta. Samanlikna med same periode i fjor utgjer dette ei auke på 13.931 personar eller 57,4%. Flyruta Stord-Oslo vart inkludert i dei statlege flyrutekjøpa i april 2024. Om ein samanliknar talet på reisande i september i år med same månad i fjor så er auken på 654 personar eller 16%.

Årsaka til den positive trafikkutviklinga er at flyruta Stord-Oslo no er inkludert i statens kjøp av flyruter på kortbanenettet. Flyruta har ein god tidtabell, konkurransedyktige billettprisar og god regularitet.

DAT er operatør av flyruta og flyturen frå Stord til OSL tek ca. 50 minutt. DAT nyttar flytypen ATR 42 med 48 passasjerseter.

DAT har interlineavtale med SAS, Widerøe, Finnair, Emirates og Qatar, i tillegg har dei ein bagasjeavtale med Atlantic Airways. I praksis betyr dette at du kan gå inn på heimesida til flyselskapa som DAT har interlineavtale med og bestilla flybilletten din med Stord lufthamn som start- eller sluttdestinasjon.

Vidare er DAT inkludert i Connecting Norway på OSL. Dette betyr at om du reiser frå utlandet og inn til OSL og er sjekka inn til Stord lufthamn som endeleg destinasjon med Widerøe, SAS, Emirates eller Atlantic Airways så slepp du foreta tollklarering på OSL og kan gå direkte til innlandsterminal for vidare reise til Stord lufthamn.  

Tekst: Pressemelding
Foto: Thomas A. Hjelmen
Nett: Kristian Bringedal