Det går mot ei løysing med utfasing av gummigranulat på kunstgrasbanar.

Regjeringa har lagt fram ein plan for utfasing av gummigranulat på kunstgrasbanar. Ordninga gjeld i fyrste omgang for tre år framover. Lag og klubbar kan søkja midlar. Tilskotet dekkar inntil 45% av kostnadene. 1500 norske kunstgrasbanar må byta dagens fyll til eit meir miljøvenleg alternativ. Det er ikkje sagt kva banefyll ein skal gå over til.

Kunstgrasbanen i Uskedalen vert rekna som eit privat anlegg. Alt frå 1. juli 2023 kom det nye reglar for korleis ein skal hindra at gummigranulat kjem på avvegar, mellom anna med fysiske barrierar og oppsamlingskummar. Kvinnherad kommune har gjennomført synfaring på sine banar og laga ein tiltaksplan. Eit anna moment er at eit EU krav om forbod mot mikroplast gjeld frå 2031.

Pålegga om sikring og oppsamling har sin bakgrunn i forskrift om forureining. Dei fire private banane er pålagt dei same krava til oppsamling som for dei kommunale. Baneeigar kan søkja statlege tilskot til dette arbeidet. Nye banar som t.d. Erslandsparken vart bygd utan bruk av gummigranulat.

Gjer merksam på at bilete er henta frå arkiv, slik det såg ut på banen i Uskedalen for fem år sidan. Det ser langt betre ut i dag.

Tekst/nett: Kristian Bringedal
Foto: Arkivfoto