Bilverkstaden vert lagt ned på Auto 88 - drivstoffsal, vask og bilberging held fram som før.

Det er i dag gjort kjend at eigar av Auto 88, Thord Paulsen i Odda, legg ned verkstaden i Uskedalen. Dei andre tenestene som er vask, bilberging og drivstoffsal, held fram som før. Paulsen kjøpte både eigedomsselskapet og driftselskapet då han overtok for nokre år sidan. Med dette er det truleg slutt på bilverkstad i Uskedalen. I neste Årbok – Uskedalen i den nære fortida vil det koma ein artikkel om Auto 88, om Sigurd Myklebust og oppstarten i 1965. Bygginga av stasjonen tok til året før.

Tekst/nett: Kristian Bringedal