" Nu solen går ned " kveldsbøner og kveldssongar er tema på salmekvelden i kyrkja i haust. Måndag 6. oktober kl. 18.00

“Nu solen går ned”- kveldsbøner og kveldssongar frå sunnhordland, Haugalandet og heile landet. Guri L. Ravatn, busett i Ølen, har dei siste åra samla inn kveldsbøner og -songar, nytta for meir enn 50 år sidan. Slike små bøner er viktige som trusuttrykk og som folkeminne. Dette er no blitt til boka “Nu solen går ned”. 

Saman med gitarist Kjell Ravatn, presenterer Guri innsamlingsarbeidet og boka. Det vert musikk, opplesing og allsang. Her vil alle kjenna att gode minne frå eigen barndom. Det vert høve til å kjøpa boka.

I tillegg til gjesteartistane Ravatn vil vi som vanleg på salmekveldane i Uskedalen opna opp for salmeynskje. Kantor Eva Megyesi og kyrkjekvartetten ÆRE vert også med.

Meir om salmekvelden 6. oktober kjem i veka føråt. Velkomen til ei triveleg stund med kveldsbøner og kveldssongar som tema.

Tekst/foto: Pressemeldig
Nett: Kristian Bringedal