Svært god påmelding til Utvandrarseminar neste laurdag. Nokre ledige plassar - ver rask med påmelding.

Utvandrarseminaret laurdag 30. august kl. 10 – 15 går etter oppsett plan. Påmeldinga er god med vel 50 deltakarar. Maks tal i Gamleskulen er kring 60. Matøkta vert i Helgheimskjellaren. Dersom du har ynskje om å vera med, ring Ståle Eik ( 975 02 565 ).

Ordførar Vegard Bjørnevik vil stå for opninga. Han ser fram til samlinga i Uskedalen og fortel at han prøver å få fram ei helsing frå ordføraren i venskapskommunen Stor City i staten Iowa.

Innleiarane er:

• Torkel Stensletten – bokskrivar
• Merethe Offerdal Tveit – filmskapar
• Julie Walker – journalist frå staten Montana
• Arne Sunde – norsklektor med reise til Midtvesten og artiklar om utvandring
• Tormod Myklebust – om utvandring frå bruk 14 på Myklebust

Seminaret vert krydra med emigrantviser framført av Svein Rimestad og Kistian Bringedal.

Tekst/nett: Kristian Bringedal
Foto: Arkivfoto