Artikkel, Idrett, Kultur, Nyhende

Kjekk og lærerik sommarleir på Fjelly

Vi hadde ein veldig kjekk sommarleir på Fjelly. Tre deltakerar måtte dessverre melda avbud i siste liten. Dermed vart vi berre 9 deltakarar. Ein kjempeflott gjeng med nyskjerrige og søte 5.-7.klassingar. Trass i ca. 100 mm med nedbør på tysdagen, var gjengen fleire turar i område. ( Sjå bilete på topp )

I dårleg ver er lagshytta Fjelly ein god stad å vera.

Vi hadde tur inn til Vatnastøl i staden for turen til Solfjell. Nokon tøffingar tok òg fleire bad i i regnvèret. Inne på hytta fekk vi fordjupa oss i kart og kompass. Vi fortalde òg lokalhistoriar frå krigen i Kvinnherad, om dei som vart gøymde ved Mannsvatnet.

Kartlære og bruk av kompass høyrer med når ein er i fjellet.

Fjelly er ei heilt super hytte til sommarleir. Ekstra fint å ha ei hytte i dette vèret. 

Vi kosa oss.

Det er berre å hiva seg uti.
Tekst/foto: Frøya, Veslemøy og Solveig
Nett: Kristian Bringedal