Kvartetten Acoustic Edition markerer utvandrarjubileet med låtslepp på YouTube i morgon kl. 12.00.

Kvartetten Acoustic Edition med Atle Fredheim i ein sentral rolle har låtslepp med utvandrarsongen Malene på YouTube i morgon, fredag 8. august, kl. 12.00. Lanseringa har vore planlagd ei tid. I morgon kan alle høyra låten, også i Plassapodden straks etter. Bilete på topp syner f.v: Jan Arthur Kalsaas, Oddgeir Røssland, Halvard Torget Eriksen og Atle Fredheim

Utvandrarjubileet 200 år vert markert i Uskedalen med seminar, laurdag 30. august, og bokslepp i Helgheim, laurdag 18. oktober. I dag har filmskapar Merethe Offerdal Tveit og styreleiar Kristian Bringedal vore og gjort opptak for sending i Plassapodden fredag i denne veka frå kl. 12.30. På link er bokskrivar Torkel Stensletten med i sendinga.

Utvandrarsongen Malene er skriven av Yngvar Gjesdal ( død ) og arrangert av Oddgeir Røssland. Teksten handlar om utvandringa til Amerika. Det høver fint at gruppa hentar fram låten på nytt i 2025.

Uskedal historielag jobbar med å få Malene framført som ein del av jubileet. Det kan kanskje la seg gjera på boksleppet i oktober.

Tekst/nett: Kristian Bringedal
Foto: Jorun Larsen