Godt fiske i Uskedalselva sidan opninga 1. juli.

Uskedalselva er tilbake på sitt beste slik det var før nedstenginga i fjor. Fangstrapportane sidan opning 1. juli syner eit fiske på 23 fisk, om lag likt fordelt på laks og sjøaure. Den største fisken veg 7,1 kg. Den neste på lista veg 5, 6 kg. Av 11 vald skårar Haugland, øvre Døssland og Kjærland høgast på fiske så langt. Bilete på topp syner fiske på Kjærland – Leirholo.

Av fiskeredskapar er det makk som ligg på topp. Deretter kjem spinner, wobber og floge. Den 11 km lange Uskedalselva er delt inn i 11 vald. Valda er skilta og merka på heimesida.

Det er Uskedal Eleveforvalting som er ansvarleg for drift og utvikling av elva.

Dersom du som fiskar ha gode bilete vi kan bruka på uskedalen.no, send til uskedalen.no@gmail.com

Tekst/foto/nett: Kristian Bringedal