Kvinnherad Ettersøkslag bryt samarbeidet med Kvinnherad Jeger og Sportsfiskarlag.

Kvinnherad Ettersøkslag har valt å skilja lag med Kvinnherad Jeger og Sportsfiskarlag og vert med dette eit sjølvstendig og frittståande lag. Bakgrunnen for lausrivinga, er grunnleggjande usemje om driftsform og økonomisk kontroll. Medlemmene, hundane, avtalebetingelsane og det kjende tilbodet til jegrar og jaktlag, er dei same, men me har nytt kontonummer og formular for ettersøksavtale.

Kvinnherad ettersøkslag har framleis ansvar for kommunale fallviltoppdrag og vakttelefonane våre er som før. Opplysingar om nytt kontonummer er påført årets formular for ettersøksavtale, som er ettersendt til alle valdkontaktane.

Eiga nettside og info på Facebook kjem på plass litt om senn.

Me bed om at jegrar og valdleiarar merkar seg dette og vonar at me beheld våre gode kundar også i 2025.

På vegne av styret i Kvinnherad Ettersøkslag

Klara Bakke

Tekst: Pressemelding
Foto: Jan Ottar Fosså
Nett: Kristian Bringedal