Artikkel, Næringsliv, Nyhende, Stord Lufthamn

Sterk auke i trafikken over Stord Lufthamn, Sørstokken. Kan føra til auka setekapasitet.

Talet på reisande over Stord lufthamn, Sørstokken aukar framleis. I juni 2025 nytta 4.830 personar seg av DAT si Oslorute. Samanlikna med same månad i fjor utgjer dette ein auke på 900 personar eller 22,9%. Kabinfaktoren i juni var på heile 82,2%.






Vekst i trafikken kan føra til auka setekapasitet.





I fyrste halvår 2025 har 25.390 personar reist over Stord lufthamn, Sørstokken med DAT si Oslorute. Samanlikna med same periode i fjor er dette ein auke på 11.524 personar eller 83,1%.





Årsaka til den store trafikkveksten er at flyruta Stord-Oslo no er inkludert i dei statlege FOT-rutene. Dette betyr rimelege billettprisar, gode rutetider og god frekvens. Samstundes er det stor aktivitet på verftet til Aker Solutions og lokalt næringsliv i Sunnhordland.





For å ta hand om den sterkt aukande trafikken har lufthamnselskapet no bedt DAT om å vurdera å auka setekapasiteten på Osloruta.





Lufthamnsjefen Jan Morten Myklebust er frå Uskedalen. Selskapet er sponsor til uskedalen.no.










Tekst: Pressemelding
Foto: Thomas A. Hjelmen
Nett: Kristian Bringedal