Ordlyden til utsetjing i sin heilhet. Vedteke med 19 røyster.
Det har i samband med framlagt sak og rapport «Dokumentasjon av Brann- og redningstenesta i Kvinnherad 2024», kome fram stor usikkerheit kring ei rekke område i rapporten og i saksutgreiinga. Dette gjeld mellom anna i forhold til faktagrunnlag, definisjonar, handlingsrom for utforming av brannstasjonar og depot, arbeidsmiljø og kostnadar. For å sikra at sakshandsaminga i Kommunestyret vert gjort på eit grunnlag som gjev minst mogleg grunn til tvil, skal derfor saka utsetjast.
Ved framlegg av saka på nytt, skal følgjande punkt svarast ut i saksframstillinga:
1. Med utgangspunkt i noverande brannstasjonsstruktur skal det leggast fram følgjande:
a) Det skal gjerast ei økonomisk vurdering av kostnadane for å sikra at alle gjeldande brannstasjonar i Kvinnherad kommune oppfyller krava i arbeidsmiljøloven og relevante forskrifter for å sikra eit fullt ut forsvarleg arbeidsmiljø for alle tilsette ved Kvinnherad brann og redning. Ved vurdering av kostnadar skal det: 1. Det skal leggjast fram ei oversikt over naudsynte tiltak og estimerte kostnadar for å oppfylla krava per stasjon. 2. For stasjonar som i dag berre har «rein» sone, skal Kommunedirektøren førespørje Arbeidstilsynet for å få ei skriftleg vurdering om kva oppgraderingar og løysingar som er naudsynte for å få desse godkjente ved bruk av «urein» sone ved ein anna stasjon. 3. For Uskedalen stasjon skal det òg leggast fram kostnadar for oppgradering av eksisterande stasjon og estimerte kostnadar for bygging av ny stasjon i Uskedalen. 4. Det skal leggjast fram ei oversikt over driftsøkonomiske konsekvensar ved eventuelle endringar jamfør punkta over, i forhald til dagens driftssituasjon.
b. Kommunedirektøren får i oppgåve å vidare utgreia ei depotløysing for Åkra, Varaldsøy og Fjelberg stasjonar, plassert til eller nær kai med tilkomst for båt. Det skal sendast førespurnad til Arbeidstilsynet om skriftleg vurdering kring ulike løysingar som opnar for at det kan vera lokalt personell knytt til depotløysinga.
c. Kommunedirektøren skal gå i dialog med Helse Fonna for å greia ut behovet for og moglegheitene til helseoppdrag i Åkra, Fjelberg og Varaldsøy.
2. Evt. kjøp av båt må leggjast fram som ei eiga sak for kommunestyret. Denne skal innehalda analysar for behov, kostnader og driftsmodell. Det må her koma fram fordeling av kostnader mellom drift og sjølvkostområde.
3. Tal og statistikk:
a. Det skal leggjast fram ein statistikk med registrerte forspenningstider for samtlege stasjonar i Kvinnherad
b. Rekruttering. Det skal leggjast fram ei oversikt over alle vakante stillingar per stasjon. Oversikta skal og ta føre seg kor mange utlysingar som har vore på stasjonane dei siste 5 åra.
c. Det skal leggjast fram relevant talgrunnlag som syner ressursbruk til brann- og redningstenesta i Kvinnherad samanlikna med andre kommunar.
Redaksjonen: Så langt vi er kjende med, har Bjørn Olav Tveit ( Ap ) vore sentral i formuleringa av teksten som vart vedteken til utsetjing. Meir om dette kjem i seinare innlegg. ( Jfr. bilete på topp )
Tekst: Vedtaket om utsetjing Foto: Thor Inge Døssland Nett: Kristian Bringedal