Logopedane med viktig informasjon på møte i helselaget i denne veka.

Tre logopedar var med på møte i Uskedal Helselag tysdag i denne veka. Tema var logopedi. Arbeidsområda til logopeden er omfatande. Det gjeld alt frå taleflytvanskar, afasi, stemmevanskar til språk, tale- og kommunikasjonsvankar hos born. Under kan du lesa meir om kvart av desse områda:

Taleflytvanskar
• Karakteristiske trekk ved stamming og løpsk tale.
• Taleflytvanskane sine utviklingsmønster og psykologiske konsekvensar.

Afasi og andre erverva språk-, tale- og kommunikasjonsvanskar
• Afasi
• Kognitive kommunikasjonsvanskar
• Taleapraksi (motoriske vanskar)
• Dysfagi (svelgvanskar)
• Erverva lese- og skrivevanskar

Språk-, tale- og kommunikasjonsvanskar hjå born 
• Utviklingsmessige språkvanskar (vanskar knytt form, innhold og bruk av språk)
• Språklydsvanskar (med spesielt fokus på fonologiske vanskar, dysartri, dyspraksi, leppe-,
kjeve- ganespalte)
• Språkvanskar som konsekvens av ulike utviklingsforstyrringar
• I tillegg: språk- og hørselsvanskar, flerspråklege, samt alternativ og supplerande
kommunikasjon (ASK). 

Stemmevanskar
• Funksjonelle, organiske og nevrologiske stemmevanskar hjå born og vaksne.
• Differensialdiagnose av stemmevanskar.
• Stemmehygiene, førebygging og ulike tiltak.
• Utvikling av eiga stemme.

For dei fleste vanskane er det ei føremon å starta utgreiing, behandling og trening så snart som mogleg. I Kvinnherad kommune er det ikkje tilsett kommunal logoped, men kommunen har avtale med dei private logopedane Christin Sund, Malena S. Skaale og Elin Legland.

For ein del tilstandar og ved visse diagnosar vert kostnadene dekka av Helfo eller Kvinnherad kommune. Ein treng som regel tilvising frå lege før ein startar behandling og får dekka utgiftene ved logopedisk trening.

Møte på tysdag var eit temamøte. Helselaget vil halda fram med fleire slike tema i løpet av året 2025.

Tekst: Redigert frå manus
Foto: Jofrid Eik
Nett: Kristian Bringedal