Trio Taffel og Rustne Menn i samarbeid om arrangement framover.

Trio Taffel og Rustne Menn er to musikkgrupper med redusert bemanning for tida. Då kjem det vel med at ein finn fram til eit samarbeid dette vårhalvåret. I dag stod gruppa fram med allsongprogram slik det plar vera på Kafe Tiaren den siste tysdagen i månaden.

Tor Bjelland frå Halsnøy er kjend for mange, frå tidlegare yrkesliv og særleg som bassist i uike bandgrupper gjennom mange år. I skuletida si i Øystse på 1960 talet var han bassist i dansebandet Jubelgutta frå Uskedalen. Hans Gertz kjenner vi frå arbeidet som urmakar og optikar på Husnes. Mange har dessutan merka seg Hans som ein god forteljar og formidlar.

Den ” nye” gruppa prøver å finna ei musikkform som fungerer. Det tek litt tid, men ut frå øvinga og framføringa i dag, lovar det godt. Desse er med:

• Tor Bjelland: Bass
• Hans Gertz: Munnspel
• Svein Rimestad: Gitar/vokaL
• Kristian Bringedal: Trekkspel/vokal

Det er fast øving i gruppa kvar tysdag. Neste oppdrag er Halsnøytunet 12. mars.

Tekst/nett: Kristian Bringedal
Foto: Thor Inge Døssland