Quiz i gamleskulen

Musikantane i Uskedal skulemusikk fekk søndag ein velfortjent pause mellom kalendarsal og innspurten før julekonsertane. I lag med foreldre og søsken var dei samla til quiz i Gamleskulen.

Søndag ettermiddag inviterte styret i Uskedal skulemusikk til quiz for alle musikantane med familie. I lag med noko å bita i, vart dette ei triveleg stund for store og små.

I ei travel tid med sal av kalendere og intensiv øving inn mot julekonsertane som skal være i Uskedalen fredag 22.november, og i Rosendal 23.november, var det godt å ha ei samling også utan instrumenter.

Det var god stemning rundt borda og styret ser at denne typen treff er viktig for miljøet i korspet. Vi ser fram til fleire kjekke stundar i lag, og vil også oppmoda nye barn og unge til å prøva seg i korpset. Her er det alltid rom for fleire!

Tekst/nett: Marianne Korsvold
Foto: Marianne Korsvold