Nytt frå Ungdomslaget

Styre i Ungdomlaget og Fjelly arbeidar aktivt med å halde liv i hus og hytte. Utleiga av Fjelly har vært svært bra dette året. Leige av Helgheim har og tatt seg opp utover hausten. På planen er det 3 arrangement fram mot nyttår.

Fjelly har fått ny fargepalett i stove og kjøkken del, resultatet er blitt svært bra. Fjelly gjengen arbeidar med fleire idear for vidare oppussing.

I Helgheim er det 3 arrangement på planen, først ut er det grautsal i Helgheim kjellaren ved gran tenninga som blir arrangert fredag 29.november.

Har du fått med deg TV serien om Søringen og Samen? Laurdag 30. november har vi fått avtale med Søringen (Anders Kråkevik) om å halda føredrag frå serien om Søringen og Samen i Helgheimssalen. Det vil også bli førpremiere på ein episode av den nye sesongen av Søringen og Samen. Den nye sesongen har premiere på TV, 6. februar neste år.

Det tredje arrangementet er julefest fredag 27. desember, der vi lagar til fest etter mal frå fjorårets suksessfest. Marker datoen i kalendaren og bli med på ein triveleg og uhøgtidleg julefest i Helgheim.

Foto: Uskedal Ungdomslag
Tekst/Nett: Hans Ordin Østebø