ENGLAFJELL frå Eik

Start- og sluttpunkt

Parkeringsplassen ved Vassverket.

Parkering

Ta av frå Rv 48 ved brua over Eikelva 2 km frå sentrum, retning Husnes. Følg Eikevegen opp gjennom eit par krappe svingar og ta til venstre ved turskilt. Bratt grusveg til parkeringsplass ved Vassverket.

Merking

Informasjonstavle ved parkeringsplassen.

T-merka med skilt og vardar.

Gradering

Svart. Krevjande, fire støvlar etter DNT-systemet.

Høgdeforskjell

80 – 1200 moh.

Tidsbruk

7 timar t/r.

Gode råd

Siste delen av merkinga opp til Englafjell er bratt ur med ein del lause steinar, gå forsiktig både for eigen del og for turfylgjet sin del. Sjå også rutebeskrivelse for alternativ rute 'Englafjell frå Fet' som opnar for ein fin rundtur.

Omtale

Følg merking innover Eikedalen. Flåtene ligg 20 min. gange frå parkeringsplassen.

Vidare oppover mot Eikedalsskardet og til Jordsvatn 777 moh. Her er stidele og ein kan ta av til Manen 1014 moh. Siste delen av merkinga opp til Englafjell går i bratt ur med ein del lause steinar. Få stader har ein slik panoramautsikt til heile Kvinnherad som frå Englafjell.