Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Kvardagssoga vert fortald i Kvinnhersminne 2019.

11.10.2019
Klikk på bilete for full storleik
Skribentane frå Uskedalen i årets Kvinnhersminne. F.v: Audun Eik, Soleig Haugland og Bjørgulv Eik.
 
Frå det fyrste Kvinnhesminne i 1982 til no har det kome ut 19 lokale sogeskrift i regi av Kvinnherad Sogelag. Skriftstyret med Lars Jostein Rørvik som redaktør har medvitne halde på same format og bokbunad. Kvinnhersminne kjem ut 2. kvart år, nokre gonger som temahefte, andre gonger utan den raude tråden. Nytt med hefte i år er at ungdomen slepp til. Solveig Haugland ( 20 år ) har delt ei oppgåve ho skreiv frå utdanninga si, med tittelen Korleis vart kvardagslivet i Uskedalen prega av andre verdskrigen.
 

I innleiinga si til alle frammøtte på boksleppet i Gamleskulen i går sa Rørvik at tittelen på årets hefte kunne vore Frå vikingtid til vår tid, slik Hans Nerhus valde å kalla boka si om Gravdal skipsbyggeri i 1955. Om ein ser på dei 18 artiklane i boka, så spenner dei vidt, frå Skaare Skaala som skriv om Den første leidangen til Morten Nygård sin notidsartikkel frå Kjeldestøl, Nytt liv på gamal seter.

 

Uskedalen har fått ein sentral plass i dette sogeskriftet med heile fire artiklar frå tre bidragsytarar. I tillegg til Solveig Haugland har Audun Eik skrive om fiske med kjer i Uskedalselva. I samtale med onkel sin, Bjørgulv Eik, har han også skrive om tvangshogging av ved i krigsåra og om geitehald i 1940 åra.

 
Klikk på bilete for full storleik
Skriftstyrar Lars Jostein Rørvik fortel om arbeidet med sogeskriftet Kvinnhersminne.

Bygda Ølve er også godt representert i hefte med fire artiklar, skrivne av Eva Eide, Hans Bugge og Margaret Haugland. Mange vil lika og kjenna seg att i det Norvald Hauge fortel i samtale med Lars Jostein Rørvik om oppvekst i ei brytningstid, frå den tida aluminiumsindustrien kom til Husnes. Popgruppa The Boot Jacks dominerte dansemarkedet og var innom alle ungdomshusa i kommunen med sine låtar.

 
Klikk på bilete for full storleik
Eva Vikane Eide fortalde levande frå oppveksten i Nerigarden i Håvikjo i Ølve.

Utanom dette finne vi mellom anna interessanne artiklar frå Halsnøy, Sunde og Utåker.

Styret i Kvinnherad sogelag er skriftstyre. Lars Jostein Rørvik er skriftstyrar. Salikat design med Åslaug Snilstveit står for formgjeving. Bileta, som er amatørfoto, har på det jevne god kvalitet.

 

Kvinnhersminne nr. 19 er alt lagt ut for sal i Rosendal Bokhandel og på Libris, Husnes.

 
 

Tekst/nett: Kristian Bringedal

Foto: Kristian Hus

 
Klikk på bilete for full storleik
Uskedal Musikklag gledde alle med festleg og fengjande korpsmusikk.
 
 
  Tilbake

 
Lesarbilete
Notisar
17.10.2019
Familiegudsteneste med barnekor og utdeling av kyrkjebok.
Sundag 20. oktober kl. 17 vert det stor familiegudsteneste i Uskedal kyrkje. Med bakgrunn i trusopplæringsprogrammet vert det utdeling av kyrkjebok til 4-, 5- og 6 åringane. Singing Tweens, som er eit barne- og ungdomskor for 4. - 7. klasse, vert med på gudstenesta.

kb
16.10.2019
Søkjer ungdom til ein betalt jobb på haustfesten.
Dersom du er over 16 år og vil ta ein betalt jobb på haustfesten i ungdomslaget, så melder du frå til Rigmor Rasmussen ( 470 23 450 ). Arbeidsoppgåvene er å hjelpa til med servering, rydda matsalen, vaska opp og laga klart for kaffi og kakebord. Jobben er avgrensa til 2 - 3 timar laurdag kveld. Kan gjerne vera to jenter eller gutar i ei gruppe.

Ungdomslaget
15.10.2019
Kvinnherad 2050 - ope møte tysdag 22. oktober kl. 19
Uskedal Utvikling saman med Kvinnherad kommune skipar til ope møte i Gamleskulen, tysdag 22. oktober kl. 19. Tema er Kvinnherad 2050. Kom og ver med og gje innspel til samfunnsdelen og arealdelen i K.planen. Hildegunn Furdal frå Plankontoret vert med på møte. Meir informasjon kjem seinare.

Uskedal Utvikling
15.10.2019
Klara Døssland 102 år i dag.
Klara Døssland er 102 år i dag, tysdag 15. oktober. Alle med runde dagar og alle med ein alder over 100 år får namnet sitt i Grenda og i Bergens Tidende. I dag les vi om Klara i begge avisene. Uskedalen.no ynskjer Klara hjarteleg til lukka med dagen.

kb
12.10.2019
Berre 15 ledige billettar til haustfesten i ungdomslaget.
Det er uvanleg god påmelding til haustfesten i ungdomslaget neste laurdag. Ei veke før er det berre 15 ledige billettar. Alt ligg til rettes for ein kjempefest slik vi hugsar det frå glanstida i Uskedal Ungdomslag. Ver rask og send påmelding til Rigmor Rasmussen ( 470 23 450 ) eller Kristian Bringedal ( 915 31 487 ).

kb
12.10.2019
Kom og ver med som bøsseberar på TV aksjonen.
Helene Bjørnebøle er rodeleiar i år også. Innsamlinga går mellom kl. 16 og kl. 18, sundag 20. oktober. Meld frå om du kan vera bøsseberar på mobil: 971 56 309. Det er trong for 15 bøsseberarar. Frammøteplassen for bøsseberarane er Uskedal skule.

kb
10.10.2019
THK stifitnga med innsamling til Ukraina.
THK-stiftinga hjelper fattige i Ukraina. Stiftinga har eige lager i Uskedalen
Vi samlar kontinuerleg inn brukte klede, sko, sportsutstyr, sengkle, tepper, gardiner, leiker m.m. Det er for tida stor trong for sko til born og vaksne. Ring tlf nr 97147851 for avtale om levering. Kr. 50.- pr sekk i transportstøtte. Les meir på: WWW.thk.no

Tormod Myklebust
10.10.2019
Er du interessert i tur til Bayern, sept. 2020.
Det er 12 ledige plassar til 7 dagars turen frå Haugesund til Bayern i Tyskland, september 2020. Turen går mellom anna til heimplassen til Siggi Klemm, som mange kjenner frå mange år med turgrupper frå Tyskland til Uskedalen. Dersom du vil vita meir om turen, kan du ta kontakt med Tove Høgemark eller møta henne i Uskedalen i helga. Mobilen hennar er: 996 19 340.

kb
10.10.2019
Kreftkafe i Gamleskulen, tysdag 5. nov. kl. 18.
Uskedal Helselag inviterer til Kreftkafe i Gamleskulen tysdag 5. november kl. 18. Aud Sørheim Myklebust vert med og fortel frå sitt liv med kreft. Marit Sjøwangen frå Kvinnherad komunne svarar på spørsmål. Det vert tid til prat, kaffi og noko å bita i. Kreftkafeen er open for alle interesserte.

Styret
09.10.2019
Vassbrot i Korsneset Nord.
Vassverket melder om vassbrot i Korsneset Nord. Ein brukar er utan vatn. Vassbrotet er berre delvis lokalisert. Det vert iverksett arbeid med utbetring i morgon, torsdag 10. oktober.

kb
Siste Nyhende
17.10.2019
Regjeringa skrotar Nasjonal ramme for vindkraft på land.
Det er i dag gjord kjend at Regjeringa legg bort planen Nasjonal ramme for vindkraft på land. Med bakgrunn i massiv motstand vel altså Regjeringa å skrota planen. I høyringsfasen kom det inn over 5000 fråsegner, mellom anna frå 56 kommunar. Heile 53 kommunar, av dei Kvinnherad, sa eit klart nei til vindkraftutbygging. Det er uklart kva konsekvensar dette vedtaket har. Truleg er det no fritt til å søkja om konsesjon i kvart einskild prosjekt.
17.10.2019
Mange ville høyra Dag Lindebjerg fortelja om farty og fiskeri.
Det var eit rekordstort frammøte på det siste møte i Senioruniversitetet. Langt over hundre studentar kom for å høyra Dag Lindebjerg fortelja om det yrkesaktive livet i NRK med dei mange programma frå Vesterhavsøyane og om kysten, farty, fiskeri og fangstmetodar i innlandet og i elvane. Dei siste fem åra har Dag Lindebjerg vore turleiar for grupper på reise til Shetland, Orkenøyane, Færøyane og Hebridene.
16.10.2019
Dugnadsgruppa merkjer og forbetrar stien ned til Fjelly.
Dugnadsgruppa med Pål Haugland som leiar er godt i gang med arbeidet denne hausten. Torsdagen er den faste dugnadsdagen og kvar gong møtest 5 - 8 personar til nyttig arbeid som kjem allmenheten til gode. Det siste oppdraget er forbetring av stien på Hauglandsfjellet, frå toppen og ned lia til Mannsvatnet og Fjelly.
15.10.2019
Gjestebod - ny arbeidsmetode i K.planarbeidet er prøvd i Uskedalen.
Ein ny metode for så skapa interesse og medverknad i arbeidet med ny kommuneplan vert prøvd ut i desse dagar. Tre gjestebod er gjennomført i Uskedalen, mellom dei eit familiegjestebod. Eit anna gjestebod med 2 kvinner og 4 menn i alderen 50 til 80 år var lagt til Beinavikjo. Svara gruppa kom fram til på konkrete oppgåver er sendt plangruppa i kommunen. Tilsaman er det lagt opp til om lag 50 gjestebod i Kvinnherad kommune.
14.10.2019
God song av vakre salmar.
Uskedal sokneråd har siste åra arrangert i alle fall ein salmekveld i halvåret, og kantor Eva Meyesi har vore primus motor for desse saman med Kristian O. Bringedal. Til salmekvelden mandag hadde dei valt ut salmar som omhandla Guds stordom, Guds skaparverk og Guds omsorg.  Dei hadde gjort eit svært godt utval, og mange av salmane var nye for mange av dei frammøtte.
14.10.2019
Fallsikring på murkantane til Trelastlageret i Beinavikjo.
Kvinnherad Vekstbedrift har starta arbeidet med tilrettelegging for delvis nye aktivitetar i Uskedal Trelastlager sine bygg og anlegg i Beinavikjo. Deler av sjølve trelastlageret vert mellom anna  gjort klar for snikkarverkstad og vedproduksjon. Ute vert alle murkantar sikra med gjerde for å hindra fallskade. Dette vert gjort både med tanke på brukarane og kundane.
13.10.2019
Frå Petter Dass til Edvard Hoem - Salmekveld i Uskedal kyrkje.
Det vert ny salmekveld i Uskedal kyrkje i morgon, måndag 14. oktober kl. 19. Salmekvelden vert skipa til i regi av Uskedal sokneråd i samarbeid med kantor Eva Megyesi og kyrkjekoret Nordsaang. Overskrifta er Frå Petter Dass til Edvard Hoem, utvalde salmar frå ein tidsperiode på over 300 år.
12.10.2019
Aktivitetsdag i Hallen, sundag 27. oktober.
Ingunn Vikse er tilbake i Uskedalen sundag 27.oktober. Ho vil ha to timar aktivitetsprogram i Aktivitetshuset.Det blir aktivitetar med fokus på basic styrke og puls. Vi jobbar i par, på stasjonar og åleine. Det vert lagt opp til aktivitetar på tid og i rundar. Vikse sine øvingar høver for alle. 
11.10.2019
Kvardagssoga vert fortald i Kvinnhersminne 2019.
Frå det fyrste Kvinnhesminne i 1982 til no har det kome ut 19 lokale sogeskrift i regi av Kvinnherad Sogelag. Skriftstyret med Lars Jostein Rørvik som redaktør har medvitne halde på same format og bokbunad. Kvinnhersminne kjem ut 2. kvart år, nokre gonger som temahefte, andre gonger utan den raude tråden. Nytt med hefte i år er at ungdomen slepp til. Solveig Haugland ( 20 år ) har delt ei oppgåve ho skreiv frå utdanninga si, med tittelen Korleis vart kvardagslivet i Uskedalen prega av andre verdskrigen.
Sponsorar
Solheim Turiststajson
S. Rødsten Bilforretning A/S
Kvinnherad Vekstbedrift AS
 grenda
Ospelunden
Gros Blomster
Auto 88
Stord Lufthamn
Uskedal Båtlag
Kvinnherad Breiband
Kvinnherad Elektro
Eidsvik Eigedom AS
Spar
Byggeriet
Elins Matgleder
Uskedal Røyr og Multiservice
kvinnheringen
Kvinnherad Energi AS
Tysnes Sparebank
Brødrene Hjønnevåg AS
Kvinnherad Renhold service
Zjakk Frisørsalong
Sparebank 1 SR bank ASA
iDrift AS
Kvinnherad Breiband
Utvikla av iDrift AS