Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
Vidar Haugland
Tlf nr:488 91 464
Hans Ordin Østebø
Tlf nr:907 56 032
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Cheercamp i Uskedalen denne sommaren også

11.04.2018
Klikk på bilete for full storleik
Mange er nok glade for at det vert Cheercamp i sommar også.(Foto: Lars Martin Teigen)
 
I fjor var det eit nytt, godt og spennande ferietilbod i Uskedalen.  Uskedalen Cheercamp 2017 samla barn og ungdom frå heile Kvinnherad i tillegg til tilreisande til særdeles vellukka treningsdagar.  22.-26.juni er Stian Løvik og den dyktige instruktørgjengen tilbake, og mange gleder seg heilt sikkert til fem kjekke dagar.
 
Samlinga i fjor vart særdeles vellukka, og den vart avslutta med eit flott cheerleading-show i Aktivitetshuset.  Deltakarane kosa seg gjennom eit imponerande program, og i amfiet sat publikum og applauderte storleg imponert.  Det var stor glede då instruktørane lova å koma tilbake dette året.  Og instruktørane har halde lovnaden!!  Dei kjem tilbake med ei utvida og vidareutvikla utgåve av fjorårets camp.
 
I år deler dei utøvarane inn i 2 kategoriar, peewee og junior. Peewee er frå 6-11 år og junior er frå 12-17 år.  I løpet av dei 5 dagane campen varer vil peewee trena 13 timar medan juniorgruppa vil få 20 timar trening.  I tillegg vert det oppvisningshow avslutningsdagen.  
 
Klikk på bilete for full storleik
Frå avslutningsshowet i fjor.(Foto:Audun P. Torseth)
I år er det lagt opp til ein fantastisk mulighet for dei som ønskjer å læra seg endå meir under campen.  Dei tilbyr privattimar som deltakarane kan melda seg på i tillegg.   Dei følgjer også opp eit ønskje frå foreldra i fjor.  Det vert eit gratis spotterkurs i turn for foreldre som ønskjer å hjelpa barna å  utvikla turnferdighetene sine! 
 
Underteikna følgte campen i fjor og var veldig imponert over den gode organiseringa.  Det var eit supert tilbod dei unge instruktørane frå cheerleading-miljøet i Bergen, stod for.  Dette er verkeleg eit rimeleg og godt tilbod.  Kursavgifta er 750 kr for peewee og 900 kr for junior.  Inkludert i prisane er: 5 dagar med trening, oppvisning, T-skjorte, cheerleading-sløyfe, sosialkveld 23. juni og lunsj alle dagane.
 
Påmeldingsskjema HER.
 
Etter avslutningshowet i fjor fekk dei som var interessert i årets camp, skriva seg på liste.  Desse har no fått førsterett til å melda seg på årets camp, men det vert mange fleire plasser.  
 
Klikk på bilete for full storleik
Instruktørane ser fram til kjekke dagar på Cheercamp Uskedalen 2018(Foto: Lars Martin Teigen)
Her kan de sjå Karl Petter Vårdal sin video frå avslutningsshowet i fjor.  Klikk HER.
Les kva uskedalen.no skreiv om avslutningsshowet i fjor HER.
 
Sjå Lars Martin Teigen sine fantastiske bilde av dei dyktige instruktørane i fjor HER.
 
Tekst og nett: Thor Inge Døssland
Foto: Lars Martin Teigen og  Audun P. Torseth
 
 
 
 
 
  Tilbake

 
Lesarbilete
Notisar
26.04.2018
Soknerådet inviterer til dugnad, torsdag 3. mai.
Det vert dugnad ved kyrkja torsdag 3. mai kl. 18. Det er utearbeid som måling. vasking, luking, raking og rydding som skal gjerast. Kaffi og noko å bita i høyrer med.
Møt fram og ver med på dugnad for kyrkja.

kb
24.04.2018
Knallsterkt av Kristian Øvstebø!!
Då motbakkeløpet Kaldestadåsen Opp vart arrangert for andre gong sist søndag, imponerte 14 år gamle Kristian Øvstebø kollosalt.  Han vart nr. 2 i herreklassen, og nådde toppen på sterke 13.31 berre 3 sek. bak den tidlegare løyperekorden.  Det var den sterke maratonløparen Erlend Nymark Jensen frå Bergen løpeklubb som vann på ny løyperekord, men Kristian var klart føre(14 sek.) ein så sterk løpar som Johannes Heien frå Ternen.

tid
24.04.2018
Allsong på Kafe Tiaren i dag, tysdag.
Siste tysdagen i månaden og det er Allsong på Kafe Tiaren. Song- og musikkgruppa er fulltalige og klar for ei ny økt med allsong mellom kl. 12 og 12.30. Alle er velkomne.

kb
23.04.2018
Alle plassene fylt opp på Cheercamp Uskedalen 2018.
Cheercamp Uskedalen 2018 er populær.  På mindre enn ei veke vart alle plassene fylt opp.  På facebook-sida melder arrangørane: «Da var alle plassene fyllt opp! Utrolig kjekt at så mange vil være med på campen! Det endte opp med nesten 60 utøvere. Alle som har meldt seg på, skal nå ha fått bekreftelse og faktura på mail. Dersom dere ikke har mottat det - send oss en melding så ordner vi det. Påmelding er nå stengt»

tid
22.04.2018
Ukraina trailaren til Uskedalen måndag 30. april.
THK traileren med innsamling til Korosten i Ukraina kjem til Uskedalen neste måndag, 30. april. Tormod Myklebust og Leif Jarle Bergstø deler på køyringa. Transporten skal vera framme i Korosten alt laurdag i den same veka. Med denne kunngjeringa kan alle rydda og finna fram klede og andre høvande gåver.

kb
21.04.2018
Heldt opningstalen på UKM-festivalen.
UKM-festivalen for Hordaland vert arrangert i Kulturhuset Husnes heile denne helga. På storarrangementet med 89 sceneinnslag, 26 bildekunstinnslag og 6 filminnslag var det Anna Elisabeth Øyrehagen Akselvoll som hadde fått den ærefulle oppgåva å halde opningstale.  Det gjorde ho på ein framifrå måte.  Ho er dotter til uskedelingen Jørn Øyrehagen Sunde.  Dermed kan vi trygt seie at eplet har ikkje falle langt frå stamma.

tid.
21.04.2018
Gudsteneste v/ Reidar Ådnanes.
I morgon, sundag 22. april kl. 11, er det gudsteneste i Uskedal kyrkje v/ soknepresten i Husnes, Reidar Ådnanes. Ved orgelet sit kantor Eva Megyesi. I kyrkjeåret er ein komen fram til 4. sundag i påsketida. Gudstenesta inneheld også dåp og nattverd.

kb
21.04.2018
Årsmøte i Kvinnherad sogelag i dag, laurdag.
Det er årsmøte i Kvinnherad sogelag i dag, laurdag, kl. 13 på DILL, Sæbøvik. Audun Eik er styremedlem. Han vart i fjor vald for to år og er difor ikkje på val i år. Tema på møte er Skottehandelen i Sunnhordland på 16- 1700 talet. Det er lagt inn tur til Høylandsbygd der Johannes G. Eide vil syna Radioholo og og den private steinsamlinga han har i heimen sin.

kb
19.04.2018
MATHILDE sine leirskuletokter er i gang.
I denne veka la hardangerjakta MATHILDE turen til Uskedalen med den fyrste leirskuleklassen i vår. Etter dusjing og proviantering i Uskedalen la skuta til kai på Skorpevågen i går kveld. Det var avgang midt på dagen i dag, torsdag. Kvar onsdag/torsdag i veka fram til skuleferien kan vi rekna med skute- og klassebesøk i Uskedalen.

kb
19.04.2018
Rektor for tre skular.
Bjørn Olav Tveit vert rektor for tre skular,- Malmanger, Mauranger og ungdomsskulen i Rosendal. Det er eit prøveprosjekt over fire år. På kvar skule vert det avdelingsleiarar. Tveit vil ha det overordna ansvaret.

kb
Siste Nyhende
26.04.2018
Gull av Grus - opningsfest 1. mai.

Gull av Grus med alle sine aktivitetar vert offisielt opna tysdag 1. mai. I forkant av sjølve opninga vert det frå kl. 10 sykkelrebus rundt dalen. Start og mål er på Uskedal skule. Så må alle vera på plass kl. 12 då Uskedal musikklag spelar og straks etter er sjølve opninga av prosjektet ved representant frå Sparebank1-stiftinga, Kvinnherad.
26.04.2018
Rosendal Event kjem til møte i Uskedal utvikling.
Laila og Sjur Langesæter i Rosendal Event kjem til møte i Uskedal utvikling onsdag 2. mai kl. 19 i Gamleskulen. Møte er ope for alle og det er særleg aktuelt for alle som driv næring med eit natur- og kulturbasert innhald. På møte vert det mellom anna lagt vekt på kva Kvinnherad og Uskedalen har å by på av naturopplevingar.
25.04.2018
Ferdigstilling av arbeidet med kraftline frå Matre.
Haugland Kraft melder frå om at arbeidet med oppgragering 66 kV frå Opstveit til Uskedalen held fram. Alt arbeidet ein ikkje fekk gjort i vinter, vert no ferdigstillt. Arbeidet tek til i denne veka og er rekna å vera ferdig i juli månad. I denne tida vert det brukt helikopter og såkalla eksplosjonsarmatur, sprengskjøt på lina.
25.04.2018
Bytte fotballtreninga ut med strandrydding.
11 gutar og jenter frå foballlaga G14 og G14 valde strandrydding i staden for fotballtening i går ettermiddag. Trenarane deira gav dei valet, anten fotballtrening eller strandsrydding. Mange valde å gjera eit samfunnsnyttig arbeid for miljøet i nærområde. Audun Eik og Kristian Bringedal hadde båt og var med på ryddinga.
25.04.2018
På landstoppen i mjølkeavdrått
Kvart år kjem bladet Buskap ut med ein oversikt over dei 50 mest høgtytande besetningane i landet. Det er tredje året på rad at Hans Reidar Kjærland er på denne lista. I sin klasse er han på 4. plass av 3500 produsentar. I dag møtte kunderådgjevar i Fiskå Mølle, Etne, Audun Økland fram på Kjærland med diplom og blomehelsing for å heidra denne prestasjonen.
24.04.2018
Imponert over musikklæraren sin!
Mellom publikum på den flotte konserten som Husnes og Holmedal sokneråd arrangerte i samarbeid med Høyåker musikklag i Valen kyrkje i kveld, var det også i underkant av 10 fornøgde uskedelingar.  Ein av dei var den lovande skulekorpsmusikanten Nils Rainer Strüter Vågen(14).  Han likte konserten svært godt, og var nok ekstra imponert av spelet til kulturskulelæren sin, Linas Dakinevicius.
23.04.2018
Kom og ver med på plastrydding.
Uskedal uvikling oppmodar alle om å ta del i plast- og bosrydding. Det kan gjerast så enkelt at alle ryddar sine private område og felles areal i nærmiljøet. Alt i morgon startar den fyrste delen av strandryddinga. Seinare kjem Elveeigarlaget på banen med rydding av plast langs elva. På årsmøte vart det sett av kr. 10.000,- på budsjettet til dette føremålet.
22.04.2018
Sauelembinga er i full gang.
Sauelembinga er i full gang. I fjor valde Uskedalen.no å skriva om Kjærland gard med moderne sauedrift. I år tok vi turen til Berit Harriet og Ivar Kåre Døssland som driv meir på gamlemåten med sau, geit, ammekyr og ein jaktande katt etter rotte og mus. Med gode kunnskapar frå Snåsamannen la Ivar Kåre opp til sein lembing i år, eit godt val då våren let venta på seg.
22.04.2018
Siger til Rosendal/Trio damene
Årets første heimekamp for Rosendal/Trio (R/T) var mot Askøy. Det vart ein trillar av ein kamp der R/T først eit minutt på overtid i 2. omgang klarte å sette ballen i mål til sluttresultat 2-1.
Sponsorar
S. Rødsten Bilforretning A/S
Tysnes Sparebank
Brødrene Hjønnevåg AS
iDrift AS
grenda
Kvinnherad Breiband
Spar
Stord Lufthamn
Uskedal Båtlag
Elins Matgleder
Kvinnherad Elektro
Sparebank 1 SR bank ASA
kvinnheringen
Gros Blomster
Auto 88
Kvinnherad Renhold service
Zjakk Frisørsalong
Byggeriet
Kvinnherad Energi AS
Kvinnherad Vekstbedrift AS
Solheim Turiststajson
Uskedal Røyr og Multiservice
Kvinnherad Breiband
Utvikla av iDrift AS