Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Berre glede framfor opninga

29.11.2012
Klikk på bilete for full storleik
Gaute Haugland har vore fantastisk flink, tykkjer Elin
 
Elins Matgleder ved Elin sjølv er prega av berre glede framfor
opningsfesten mellom klokka 12 og 14 laurdag. Det blir ingen
snorklypping ved ordføraren og heller ingen tunge taler
men ein meir humoristisk
vri ved Arne Torget, som har alle fullmakter. Det opplysar Elin til
uskedalen.no medan ho produserer julebakst i det nye huset
som kan ha kosta 3 millionar.
Det har vorte dyrare enn planlagt, innrømmer Elin. Men så er det
da også av høg standard.
Nede er det 100 kvadratmeter produksjonslokale og utsal
og oppe selskapslokale med stolar til 40.
 
Klikk på bilete for full storleik
Kakeproduksjonen er godt igang..
Elin kan presentera den siste løyva, som gjeld avkøyrsle, og dermed at
alt det formelle er på plass.
Ho har møtt berre velvilje både i kommunen
og hjå andre og har ingenting å klage på. Det einaste ho har mangla er tid.
Men den største rosen spanderar ho på mannen Geir som har lagt ned ein
enorm eigeninnsats og vore arbeidsleiar og ekspert på ymse felt.
Huset har vorte justert noko under marsjen og Elin meiner det ikkje
kunne bli finare og meir funksjonelt.
 
- Er det ein ungdomsdraum som no er oppfylt?
- Eg har likt å laga mat heilt sidan eg var  5 år. Då stod eg åleine på
kjøkenet og steika fisk. No har eg ei jente på 4 som er lik meg i så
måte. Så er det slik at eg likar å skapa min eigen kvardag og vera
min eigen sjef. Det blir innfridd no.
 
Prosjektet har hatt fleire fasar, mellom anna at det skulle vera eit
påbygg. Men vi fann at det var ei betre løysing å byggja eit nytt hus.
Her kan eg lage mat på bestilling men satsa på sal i meir rolege periodar.
Eg kan til dømes bake ferskt julebrød hvis det blir gjeve beskjed på
førehand. Faste varer kjem eg ikkje til å satsa så mykje på.
 
-Vert det aktuelt å tilsetta fleire?
-Det kan i alle fall verta aktuelt å leiga inn svigermor frå tid til annan.
Ho er god å ha og har jobba med slikt i mange år. Ikkje minst er
ho ein god støttespelar når det skal lagast tradisjonell mat.
Så får vi etter kvart vurdera om det er aktuelt å kopla inn
fleire. Det kjem jo til å gå litt i rykk og napp....

-Og kva skal du servera laurdag?
-Eg set fram tapas og kaker og noko søtt til ungane,
så får folk forsyna seg sjølve.
Det er ikkje lett å veta kor mange som kjem. Dei som gjer det
vil også få ein konsert - ved det gamle og gode musikklaget,
fortel Elin.
Ho har fått ein frisk medvind frå start med prosjektet
sitt - ikkje minst på grunn av at ho vart med i kokkelauget til Hellstrøm.
 
Tekst og foto: Ola Matti Mathisen
 
 
 
  Tilbake

 
Lesarbilete
Notisar
25.10.2020
Du kan gje di støtte til Bedehusbasaren digitalt.
Bedehusbasaren, som er tenkt gjennomført laurdag 31. oktober, samlar alltid mykje folk. I koronatider må ein tenkja alternativ der ein kan gje si støtte digitalt slik: Send SMS til Anja Njøten Leite på mobil 97505276 med namn og antal lodd. Lodd kostar kr. 10,- pr stk. Betal på VIPPS nr. 557669 eller søk opp Uskedalen Bedehus. Velg basar og antal lodd. Alle lodd er med i trekninga av alle gevinstane.

Styret 
24.10.2020
Lisbeth Nilsen Stensletten - styreleiar i Husnes Næringspark AS.
Lisbeth Nilsen Stensletten ( 32 år ) frå Uskedalen er styreleiar i det nyskipa Husnes Næringspark AS. Selskapet har planar om eit næringsbygg til utleige for verksemder som vil etablera seg på Husnes. Med seg i styret er: Bjørne Stensletten, Evelyn Høyland Rein og Helge Roald Rein. Lisbeth har til vanleg arbeidet sitt i Husnes Sandblåsing og sprøytemaling AS.

kb
23.10.2020
Møteveke på Bedehuset 28. okt - 01. nov.
Uskedal Bedehusforsamling inviterer til møteveke på Bedehuset i neste veke. Møtedagane er: Onsdag - fredag: kl. 19.00. Laurdag: kl. 16.00 ( familiemøte ). Sundag: kl. 11.00. Talar er Roald Evensen frå Indremisjonsforbundet. Alle er velkomne.

Styret
21.10.2020
Planstrategi utan at Gang- og sykkelveg til Steinsletto er omtalt.
Rullering av Planstrategi er sak i kommunestyret i morgon, torsdag 22. oktober. Det er ei årleg sak om kommunen sine prioriteringar i høve til plan fram til 2024. Gang- og sykkelveg Uskedal bru - Steinsletto er ikkje omtalt i planen. Det vert til vanleg rekna eit på 2 - 3 år frå oppstart reguleringsplan til arbeid i felten. Det er med andre ord lang tid fram til ei løysing.

kb
19.10.2020
Mange tok influensavaksine alt fyrste dagen.
Mange frå Uskedalen nytta høve til vaksinering i Rosendal alt fyrste dagen. Måndagen var delt i to med frammøte i alfabetisk rekkjefylgje ut frå etternamn. Tysdag 20. oktober er det ope for alle uansett etternamn. Vaksineringa var godt organisert og kjapt gjennomført. I neste  veke er det vaksinering på Husnes.

kb
18.10.2020
Til dei som ønskjer å ta idrettsmerke.
Hei!  Dersom nokon ønskjer å ta idrettsmerke i år, så er det framleis høve for det.  Ver snill å ta kontakt med Kjersti, tlf. 415 67 095 så ordnar vi det.

mvh Kjersti Bråtun.
18.10.2020
Melding til OLIVITA-brukarar.
Mange kjøper Olivita på Rabben, og i ein periode framover kan dei kontakta Åse M. Neset(413 67 330) eller Thor Inge Døssland(932 88 237) når dei treng meir olje eller kapslar.

tid.
17.10.2020
På landsmøte i Noregs Mållag - digitalt.
Gaute Lund og Kristian Bringedal er Kvinnherad Mållag sine utsendingar på landsmøte i Noregs mållag, ikkje på Sola slik det var planlagd, men digitalt. Det tyder at begge sit i sine stover og er kopla opp til landsmøte. Begge kan melda seg til innlegg og replikk. All røysting går digitalt. Øystein Skjæveland frå Herøysundet er utsending frå Hordaland Mållag.

kb
17.10.2020
Feil telefonnummer i sak om adventskalendar.
For nokre dagar sidan hadde vi ei sak om at skulemusikken håpar at nokon kan bidra med gevinstar til den populære adventskalendaren deira.(Les HER). Dessverre var det feil telefonnummer på Monica Hermann.  Rett nummer er: 906 35 493.
tid
17.10.2020
Koronakafe kvar tysdag frå kl. 11.00.
Det vert Koronakafe kvar tysdag framover i Gamleskulen mellom kl. 11.00 og kl. 14.00. Tiltaket har etter søknad motteke støtte frå DAM stiftinga. Nasjonalforeningen for folkehelsen har merka seg kva Uskedal helselag har fått til, både med den gode søknaden og den praktiske gjennomføringa.

kb
Siste Nyhende
24.10.2020
Stian og Helene i Senkveld var med på linjearbeid på Skorpo.
Laurdag 29. august var BKK i arbeid med linje og stolpearbeid på Skorpo. Nokre undra seg på kvifor dette arbeidet vart gjort på ein laurdag. Det var endå til eit smell frå sprenging. Uskedalen.no var informert om at det var opptak for Senkveld på TV2 der programleiarane Stian Blipp og Helene Olafsen fekk vera med på kabelstrekk og montering av master. Hendinga skulle ikkje ut før det nærma seg sending, som var i går kveld.
23.10.2020
Hundeband med sele funne i skogsvegen på Haugland.
Det som truleg er eit hundeband med sele, er funne i skogsvegen på Haugland. Plassen var ved velte- og snuplassen for tømmer, nokre hundre meter frå svingen med skilt Mannsvatnet mot Muslandslio. Hundebandet er hengt opp på skiltet og kan hentast der.


Tekst/foto/nett: Kristian Bringedal
22.10.2020
Framlegg om større fridom til bruk av strandsona til næring, naust og fritidshus.
Lokal strandsoneforvaltning har vore tema i mange år. Dagens planretningsliner for bygging i 100 metersbeltet går tilbake til 2011. No legg Regjeringa opp til ei meir differensiert forvaltning med større handlefridom, særleg i kommunar som ikkje vert definerte som pressområde. Bygg- og plansak i strandsona i Uskedalen er og ha vore tema mange gonger, mellom anna på Rød, Kleivadalen, Beinavikjo, Stølavikjo, Eikelandet og på Holmen.
22.10.2020
Innhaldsrikt hus med panoramautsikt vert vurdert seld i Halsabrotet.
Eit stort og innhaldsrikt hus med panoramautsikt vert vurdert seld i Uskedalen. Tomta, som ligg i byggefeltet Halsabrotet, er på heile 1113 rutemeter. Det er panoramautsikt mot Storsund, Skorpo og Hardangerfjorden. I vest ligg dei ruvande fjella Ulvanoso, Englafjell og Manen. Det er kort veg til sentrale sentrumsfunksjonar, badestrand og merka turvegar og stiar til utmark og fjell.
21.10.2020
Småbarnstreff i Lavvoen på Fjellandsbø onsdag 28. oktober.
No er det lenge sidan vi har møttest på Småbarnstreff. Vi har snakka på nytt med
kommuneoverlegen. Han tilrår framleis at vi ikkje har samlingar inne på Bedehuset
med så mange barn og vaksne, der vi blandar barn frå ulike aldersgrupper og ulike
bygder. Men vi kan vera ute. Kommuneoverlegen har gitt klarsignal til det.
19.10.2020
Jubileumsboka Heia TRIO med kulturhistorisk stoff frå Uskedalen.
Jubileumsboka Heia TRIO er lansert, med over 250 sider historisk stoff med bilete og statstikk. Bakgrunnen er at på nyåret 2021 er det 75 år sidan idrettslaget TRIO vart skipa, ei samanslåing av to fotballag og eit idrettslag i område Husnes, Sunde og Valen. Skriftnemnda med Ivar Vaage som redaktør har samla laget si soge mellom to permar i ei praktbok. Samarbeidet med Uskedalen og Rosendal kjem også fram, mellom anna om Ivar B. Arnesen som trenar for A laget på 1980 og 90 talet.
19.10.2020
Humlepungen Bryggjarlag held oppe tradisjonen med julebrygget.
Tidleg laurdag morgon rauk det frå pipa på Dønhaug. Humlepungen Bryggjarlag var klar  for brygging av juleølet. Starten var faktisk for 22 år sidan, i eldhuset på bruk nr. 9 på Myklebust. Ole Jakob Albrethson frå Omvikdalen var med som instruktør. Seinare har bryggjarlaget vore aktive med fleire bryggingar kvart år. Bryggjarlaget i Uskedalen held seg til folketradisjonen med bryggjing som ein del av førebuinga til jul.
18.10.2020
Klepp på Hauglandsfjellet - eit nytt turmål i Uskedalen.
Klepp med sine to store steinar er alt eit nytt turmål i Uskedalen. Dugnadsgruppa er snart klar med den andre gapahuken og alt no finn mange turen både til Flåtene i Eikedalen og til Klepp på Hauglandsfjellet. Dersom det vert brukande arbeidsver på torsdag i denne veka, er prosjektet på det næraste fullført. Uskedalen.no kjem tilbake med innlegg og bilete av dugnadsgruppa og frå arbeidsprosessen. No handlar det mest om stien fram til Klepp.
17.10.2020
Markerte støtte til Aksnes-innsamlinga.
Veteranbandet i UML markerte i dag si støtte til innsamlinga som skal sikra at nakkeskadde og ME-sjuke Eirik Aksnes skal få ein nødvendig og viktig operasjon i Tyskland.  Dette gjorde dei ved å halda konsert ved inngangen til Spar Uskedalen. I tillegg delte dei ut kort med informasjon om korleis ein kan støtta innsamlingsaksjonen.
Sponsorar
Rabben feriesenter
Eidsvik Eigedom AS
Kvinnherad Vekstbedrift AS
Kvinnherad Elektro
Uskedal Båtlag
Spar
Gros Blomster
Solheim Turiststajson
Kvinnherad Renhold service
Uskedal Røyr og Multiservice
Auto 88
Ospelunden
Brødrene Hjønnevåg AS
Kvinnherad Energi AS
S. Rødsten Bilforretning A/S
Kvinnherad Breiband
Stord Lufthamn
Zjakk Frisørsalong
kvinnheringen
Sparebank 1 SR bank ASA
Grenda
Tysnes Sparebank
iDrift AS
Kvinnherad Breiband
Utvikla av iDrift AS