Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Thor Inge Døssland
Tlf nr:932 88 237
Kristian Bringedal
Tlf nr:915 31 487
Reidar Myklebust
Tlf nr:477 56 944
- - - - - - - - - - - - - - - - - - -
Kontakt Uskedal Utvikling
E-post
Kontonr: 1503 39 82329
Last ned giro
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Bli med på orreleiken!

02.05.2012
Klikk på bilete for full storleik
 
Etter mange netter på orreleik og tiurleik er det ikkje vanskeleg å
slå fast at dette er ein av dei mest fascinerande naturopplevingane
ein kan ha. Og no om dagen utfaldar skodespelet seg att - ikkje lenger unna
enn på Storhaug!

 

Vil du oppleva det kan du bli med Barnas Turlag
på overnatting i lavvo frå laurdag til sundag. Men då må du ringa
til Knut Berge Eik og melda deg på - nummeret er 959 67 811.
 
Han skal vera turleiar saman med Bjørn Olav Tveit og fortel
onsdag føremiddag til uskedalen.no at 10-12 førebels har meldt seg på. Ein ynskjer
at foreldre med born i skulealder vert med og har ei grense på
25 deltakarar. og 6 år som aldersgrense..
 
Prisen er berre 100 kroner pr. familie og føresetnaden er
at ein skal ta med mat sjølve.  Lavvoen sørger turlaget for og det blir
leik og bålkos i ventetida fram til orreleiken startar, grytidleg morgon.
 
Vi veit at det i fleire dagar har vore stor aktivitet av fuglar i området og
bileta her understrekar det. Dei er tekne av fotograf Atle Helland
som plar å fotografera på leiken kvart år. Men i år ettterlyser han
hønene, som glimra med sitt fråver Kanskje kjem dei til helga?
 
Deltakarane skal møta ved Grano klokka 14 laurdag og
køyrer i eigne'bilar så langt det går opp skogsvegen før dei går den
siste biten fram til teltplassen.
 
FAKTA OM ORRFUGL
* Høyrer til hønsefuglfamilien, orrhanen er vel 50
centimeter og orrhøna vel 40. Hanen er svart med
blålege fjær på brystet, høna er brunspraglete
 
* Samlast på faste spelplasser om våren, hekkar til
juni med 8-10 egg på bakken,
 
*  Hanane er eit syn når dei spelar i oppreist stilling
og utspilt stjert. Den boblande lyden kan høyrast
langt og særleg den kraftige sjoinga 'tsjoo-yysch'.
Høna kaklar 'kakakaeeæ'.
 
* Orrfuglen et knoppar både av lauvtre og bartre
og også blad og bær samt insekter.
 
Av Ola Matti Mathisen
 
 
 
 
Klikk på bilete for full storleik
 
 
  Tilbake

 
Lesarbilete
Notisar
24.09.2016
Demensaksjonen i Uskedalen.
Uskedal helselag organiserer demensaksjonen, og dei melder at dei kjem rundt med bøsser og samlar inn pengar til saka frå kl.17 mandag 26.09.  Dei melder også at dei ikkje kan ta mot gåver via Vipps e.l.
Vi håpar dei får god mottaking, og at det vert eit godt innsamlingsresultat til dette viktige arbeidet.

tid
24.09.2016
Tid for å søkja om gåve hos Kvinnheradstiftinga.
SpareBank 1-stiftinga Kvinnherad har no lyst ut at lag og organisasjonar kan søkja gåve til ulike prosjekt.  Søknadsfristen er 10. oktober så det er tid for å førebu søknaden. Sknadsskjema finn de på stiftinga si heimeside.

tid
23.09.2016
Gevinstar til skulemusikkbasaren.
Uskedal skulemusikk melder at dei er i gang med førebuingane til skulemusikkbasaren i slutten av november.  Dei seier at dei har vore svært heldige før om åra og har fått flotte heimestrikka plagg og andre kjekke gevinster frå folk som vil støtte skulemusikken.  Viss nokon har gevinstar dei vil gje i år så ta kontakt med Hege Lekva 98807713 i basarnemnda.

tid
19.09.2016
Påmelding til Haustfesten 22. oktober
Det er alt god påmelding til haustfesten i ungdomslaget laurdag 22. oktober. Programmet er på plass. Av det som ikkje er kunngjort før, kan ei melda frå om at Møyfrid Kristoffersen skriv og les Daltrekk. Meld dykk til: rigmor@knett.no eller bodilgbj@online.no

kb
19.09.2016
Vardebrenning på Skorpo 30. september
Med atterhald om løyve vert det vardebrenning på Skorpefjellet fredag 30. sept. Det er ei landsdekkande markering mot Regjeringa sitt framlegg om å redusera Heimevernet sin funksjon i Forsvaret. Yngve Roseth Eik er lokal kontaktperson i Uskedalen. Uskedalen.no vil skriva meir om dette dagane før markeringa.

kb
17.09.2016
Gullivergjengen og Tårnagentane har møte på måndag.
Måndag 19.september kl.17 er det møte for Tårnagentane og Gullivergjengen i bedehuset.  Gullivergjengen er frå 3 år til 1.klasse, og Tårnagentane er frå 2.klasse til 4. klasse.  Dei har felles møte frå kl.17 til 18.15.
Velkommen til alle!

tid
15.09.2016
Dei Kreative er avlyst i dag
Dei Kreative i Bedehuset kl.17  i dag, onsdag, er avlyst.

tid
12.09.2016
Gjester frå Guatemala
I morgon, tysdag, er det Guatemalabesøk på Bygdetunet Rød. Saman med venskapsgruppa i Kvinnherad vil ein ha ei gild stund på Bøkkerkaien med kystmat,- lubbesild, poteta og flatbrød. Det er tradisjon at våre gjester frå San Lucas Toliman legg inn eit stopp på Bøkkerverkstaden.

kb
11.09.2016
Sterkt løp av Kristian Øvstebø.
12 år gamle Kristian Øvstebø gjorde eit svært sterkt løp då han kom på 12.plass i konkurranseklassen i Søralløpet i dag.  Han fekk tida 24.40.  Han var beste uskedeling.  Erlend Jensen vann 35s føre Sindre Omvik.  Kurt Haugland og Jostein Saghaug vart nr.18 og 19.  Ingen uskedelingar deltok i dameklassen.
Komplett resultatliste her.

tid.
09.09.2016
Gudsteneste med konfirmantpresentasjon.
Søndag 11. september kl.11 er det gudsteneste i Uskedal kyrkje,  Preika er ved sokneprest Lina Håland.  Det vert konfirmantpresentasjon, utdeling av bøker til 4 og 6 åringar og DVD til 5 åringar.  Det er også dåp.
Velkomne!

tid
Siste Nyhende
24.09.2016
Med hjelp av gode naboar.
I dag tidleg sette eigartrioen på Spar Uskedalen kursen mot Malaga.  Der skal dei nyta det sydlandske livet saman med ektemennene i ei lita veke.  I denne tida er det dei andre tilsette som syt for gode driftsdagar i butikken.  I tillegg har dei fått god og viktig hjelp frå naboen Spar Ådland på Stord.
24.09.2016
Carsten Tank-Nielsen - i farfaren sine fotspor.

Rapportar og kjelder frå Hardanger Sjøforsvarsavnitt om krigshendingane april 1940 syner at Uskedalen hadde ein langt meir sentral plass i det tyske overfallet enn det som har vore kjend før. Herøysundet og Uskedalen er viktige bygder for dei som søkjer detaljkunnskap og vil sjå plassane fysisk. Seinast i går kom Carsten Tank-Nielsen, barnebarn til kontreadmiralen med same namn, til Uskedalen og hadde møte og synfaring.
24.09.2016
Stig Børsheim i stor vandreteaterførestilling.
Den utflytta uskedelingen Stig Børsheim som det siste halvåret har fått mykje ros for CDen sin med Olav H. Hauge-dikt, var i slutten av august ein av dei sentrale skodespelarane i ei stor vandreteater-oppsetjing i Oslo.  Neste fredag er Børsheim på Oska her i Uskedalen med eit Olav H. Hauge-program.  Det ser vi verkeleg fram til.
23.09.2016
Brannvernveka i Uskedal barnehage.
Små og store i Uskedalen barnehage har dei siste åra delteke på den Nasjonale barannvernveka i september. Men kva er brannvernveka? Brannvernveka er ei Nasjonal satsing på brannvern, sett i verk av Norsk brannvernforening, If Skadeforsikring og Direktoratet for samfunnssikkerhet og beredskap, med målsetting om å skape kunnskap, og førebygge.
23.09.2016
Hane på tilvenning.
Det er tilvenningstid rundt om i barnehagane no. «Nye og gamle barn og vaksne» skal bli kjente med kvarandre og finna ut av barnehagekvardagen.
22.09.2016
Tilsyn og vedlikehald i busskura
Dei fem busskura i Uskedalen treng tilsyn og vedlikehald. Det vert gjort til faste tider av tilsynsansvarleg frå Mesta. I dag vart bakveggen i det eine busskuret i Korsneset flikka og målt innvendig, dette på grunn av tagging.
22.09.2016
Song om Eikedalen.
Frå Elisabeth Stuland Mehl har vi motteke ein song om Eikedalen.  Songen er skriven av bestemor til Elisabeth, Engel Stensletten (1896-1974).  Elisabeth fortel at det ikkje har lukkast å finna ut av kva tone songen er skriven til, men ho har høyrt at det skal vera eit stev eller ein folketone.  Kanskje nokon kan hjelpa til med det, og tar kontakt med henne?
22.09.2016
Tryskjeverket flytta frå Rød til løe på Leite.
I dag vart eit klenodie av ein redskap, Tryskjeverket, flytta frå Rød til den gamle løa på Leite. Uskedal Trøskjelag vart oppløyst i 1990 og tryskjeverket vart overdrege til Bygdetunet Rød,- som eit grunnlag for ei redskapssamling i Uskedalen.
22.09.2016
J14 med solid siger!
Søndag fekk vi besøk av tabellnabo Sotra til haustens fjerde kamp i 1. divisjon.  I likhet med oss rykka dei opp frå 2. divisjon etter vårsesongen, og stod som Rosendal/Uskedal med 1 siger og 2 tap etter dei 3 første kampane.  Alt låg med andre ord til rette for ein tett og jamn kamp på ei flott grasmatte i Rosendal.
Sponsorar
Kvinnherad Elektro
Spar
Solheim Turiststajson
Smakifråoska
Uskedal Røyr og Multiservice
Gros Blomster
Uskedal Båtlag
kvinnheringen
Auto 88
Zjakk Frisørsalong
Elins Matgleder
grenda
Stord Lufthamn
Kvinnherad Vekstbedrift AS
Byggeriet
Kvinnherad Energi AS
Harding
Kvinnherad Breiband
Brødrene Hjønnevåg AS
Sparebank 1 SR bank ASA
iDrift AS
Kvinnherad Breiband
Utvikla av iDrift AS