Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Vi minnest Asbjørn Eik (Brulsen) som døydde i denne veka.

28.11.2019
Klikk på bilete for full storleik
Asbjørn Eik, til dagleg kalla Bruslen, døydde på Jondal Sjukeheim i denne veka.
 
Asbjørn Eik, som i det daglege vart kalla Brulsen, døydde på Jondal Sjukeheim i denne veka. Han var ein eventyrar, reiste jorda rundt og fekk oppleva mykje andre berre kan drøyma om. Før han fylte 40 hadde han vore sjømann i mange år, bygd sin eigen seglbåt på 40 fot, vore i Australia på opalleiting, arbeidd på ammunisjonsfabrikk i Vietnam og i Syd Amerika prøvde han seg som bilseljar. I samråd med dotter hans, Gro Heidi Åsen, legg Uskedalen.no ut minneorda hennar som vert lesne ved båra i Uskedal kyrkje i dag, 29. november.
 

19.mars 1945 kom Asbjørn til verda. Han var yngst av to brør, og vaks opp på Eik. Faren og mora skilde etter kvart lag, og dei to brørne vart buande på Eik saman med faren medan mora reiste til Oslo. Mange gonger har han fortalt om den frie og fine barndommen dei hadde. 
 
 

Asbjørn har hatt kallenamnet Brulsen heilt frå barndomen. Han var ikkje noko A4-menneske, og hadde tidleg bestemt seg for å reisa til sjøs. 14 år gamal stilte han klar til å reisa, men det vart oppdaga at han prøvde å lyga på seg eit år, og dei sende han difor heimatt. I neste forsøk, som 15-åring og dermed gamal nok, fekk han mønstra på.
 

Asbjørn har reist over heile verda. Han har levd draumen sin, og opplevd meir enn vi andre kan drøyma om. Det han har snakka mest om til meg er Syd-Amerikalinja, Grekenland, Golfen - og ikkje minst favorittstaden hans: Australia. Dit har han lengta mykje tilbake, til både folkeslaget, kulturen og klimaet. 
 

Han elska livet som sjømann; alle folka og kulturane han møtte, og stadane han fekk oppleva. Men etter ei tid var det ei lita jente som drog han tilbake til Uskedalen. Han tok på seg foreldreansvar, og sjøfarten vart litt etter litt erstatta med bygging av leikehytte, demning, badedam, fiskedam, husfiksing på Nesttun, pianospeling, kjøring til trening, sykkelreparasjonar og turar i inn- og utland. Båtbygging vart det og, alt med Heidi på slep. MS Havlengsel til dømes - den rustraude jernbåten, var eit landemerke på Eikelandet i mange år.
 

Kallenamna var fleire. Brulsen er vel det mest kjende, men han levde også opp til tilnamnet Skrubben. Han var alltid møkk skitten, og kjeledressane kunne stå av seg sjølv. Sjølv kunne han ikkje brydd seg mindre om nett det. 
 

Asbjørn hadde så mange gode eigenskapar. Omsorgsfull og snill, rettferdig, hadde alltid god tid og hjelpte til så godt han kunne. Alle problem kunne løysast. Det var viktig å læra seg til ting tidleg, meinte han. 12 år var til dømes passande alder for Heidi å læra seg å køyra bil. Og då ho fylte 15 var det nødvendig å læra seg å skifta bremseskiver. Kanskje ikkje verdas mest nyttige ting å læra då, men moralen var ein nyttig reiskap å få. Det blei folk av henne og. Som han sjølv ville sagt det  i english-lesson med Isabella: You did a good job. 


 

I slutten av 90-åra valte han å reisa frå heimbygda etter samlivsbrot. I Vats fann han tumleplass for hobbyen han hadde drive med nokre år; kopar. Og i Rutledal fann han tilbake til eit gamalt venskap med Klara, som han tidlegare hadde reist mykje til sjøs med. Etter nokre år døydde Klara av kreft, og Asbjørn fekk ein skikkeleg nedtur. No måtte han ha noko å gjera på, han vart endå meir rastlaus. Han la ned kopargeskjeften og reiste mykje, utan at nokon visste heilt kvar han tok vegen.  


 
Brulsen var ein god formidlar og fortalde levande frå opplevingane sine. I bakgrunnen: Seglbåten bygd i stål, 40 fot lang. Faksimile frå avisa til Uskedalsdagane 1986.

Han reiste ofte langt utanfor allfarveg, der det ikkje fanst andre turistar. På ei av reisene hans ville vi melda han sakna. Han hadde sagt han skulle til Burma, og lova å ringa heim jamnleg. Etter fire veker utan livsteikn bad vi politiet om å få han etterlyst internasjonalt. Det var bortkasta. Han ringte heim same dag etterlysninga skulle sendast ut, og fekk seg ein god latter. Det var jo sjølvsagt ikkje noko gale, berre ikkje noko telefon å oppdriva. Men etter dette skjedde det faktisk ein liten revolusjon: han fekk seg mobiltelefon. 
 

Den seinare tid har han hatt mange fine år i Vindafjord, møtt gode kameratar å løysa verdsproblem med. Men i november 2012 kom det fram at det var noko alvorleg gale med helsa hans. Det første hjarteinfarktet avdekka alvorleg hjartefeil, og han måtte ha ny hjarteklaff - to gonger. Pacemaker og stent kom på plass, men helsa byrja verkeleg å skranta. Dette irriterte han voldsomt, han syns det var urettferdig at dette skulle ramma han. 
 

Det var likevel ikkje aktuelt å trappa ned på arbeidsmengda. Å ta omsyn til helsa si var eit ukjend uttrykk i hans øyrer (han høyrde jo forresten ikkje heller.) Han jobba på i same duren, fiksa på bilar, bygde verkstad - og det mest fy-fy ein kunne gjera i hans tilstand: sveisa.  


I åra som følgde tok helseplagene nærast over livet hans. Han reiste oftare til Jondal, og fann glede i å vera med barnebarna Adrian, Sigurd og Isabella. Opp gjennom åra har han vore med på Sabeltann-show og dyreparkbesøk, lært dei å sykla, vore lærar på lese-og skrivetrening før skulestart, stilt som frisørmodell og leikekamerat. Assebessen har alltid vore der, med sine high-five, kaptein-helsingar og historier. 


 

Alle stadar han har vore, har han fått nye bekjentskapar. Jovisst var han ein original, men han var godt likt likevel. Han var hjelpsam, og ikkje redd for å ta i eit tak. Det vart difor ein heilt uvant situasjon for han då han vart avhengig av medisinar, og endå verre då det var han som måtte ha hjelp for å koma seg gjennom kvardagen. Å bli sengeliggande vart reine pinsla for han, vi kunne sjå at gnisten gradvis forsvann. 

 

Det var godt du fekk kvila no. Du har hjelpt oss fram i livet, no vil vi hjelpa deg til siste kvilestad. Vi er rike på minne, men sit likevel litt tomme att. Som det står i dødsannonsa: 
 


 

Ein eventyrar sitt hjarta  

har slutta å slå. 

Vi unnar deg kvilen,  

men saknar deg så. 


 

Kvil i fred og takk for den du var.
 
Heidi
 
 
Tekst: Heidi Åsen
Foto: Privat/faksimile frå Uskedalsavisa 1986
Nett: Kristian Bringedal
 
 
 
 
  Tilbake

 
Lesarbilete
Notisar
14.12.2019
Uskedal skulemusikk sin adventskalendar 14.des. 2019
I dag er eigarane av kalendarane med nr. 350 og 444 dei heldige vinnarane.  Nr. 350 får eit gåvekort, verdi 300,-kr, frå Gros Blomster medan nr. 444 får ei trillebår for born, verdi 300,-kr, gjeven av Elins Matgleder.  Gratulasjonar til begge vinnarane!

Usm.
13.12.2019
Opningstider på Spar Uskedalen i helga.
Laurdag 14.12. skal Spar Uskedalen ha eit velfortent julebord, og derfor stenger dei ein time tidlegare enn vanleg.  Derimot vert butikken open denne søndagen.  Dei stenger altså kl.19 på laurdag medan opningstida søndag er kl.14 - 19.  Dei ønskjer alle kundar velkommen til kjekk julehandel!

tid
13.12.2019
Førjulsbesøk på Husnestunet måndag 16. desember kl. 16.
Rustne Menn legg opp til førjulsbesøk på Husnestunet måndag 16. desember kl. 16.00.Samlinga vert i dagstova i 2. høgda, det som var den sosiale samlingsplassen før ein fekk kantine. Reidar Myklebust, medlem i gruppa fram til han vart sjuk, ser fram til at det kjem gjester frå Uskedalen. Det er ope for andre til å vera med og delta i programmet.

kb
13.12.2019
Uskedal skulemusikk sin adventskalendar 13.des. 2019
To heldige vinnarar er trekt ut også i dag.  Gåvekort på 300,-kr hos Poon Tips er vunne av eigar av kalendar nr. 15, og Duffel bag (Helly Hansen), gjeven av Spar Uskedalen er vunnen av nr.222.  Vi gratulerer dei to heldige!

Usm.
12.12.2019
Utvida førjulsopning hos Gros Blomster.
Frå neste veke vert det utvida opningstid hos Gros Blomster.  Heile veka, også laurdag, vert opningstida kl. 9 - 18.  Søndag 22.12. er det ope frå kl. 14 - 18, veslejulaftan er opningstida kl. 9 - 18, medan det er ope frå kl. 9 til kl. 12 på julaftan.  Då eg var innom, var det vanvittig mykje fint i butikken, og produksjonen av fleire nydelege juledekorasjonar gjekk for fullt!

tid
12.12.2019
Ope møte i Senioruniversitetet i dag kl. 11.00.
Det er ope møte i Kvinnherad Senioruniversitet i dag, torsdag 12. desember, kl. 11 på Rosendal Fjordhotell. Førelesar er kunsthistorikar Gunnar Danbolt med tema Jula i kunsten. Uskedal musikklag spelar juletonar. 10 års jubileet vert markert. Tallerkenrett og kaffi. Inngang: kr. 150/100.

Styret
12.12.2019
Uskedal Bondelag 70 år i 2020.
På bondelagsmøte i går kveld i Gamleskulen vart det av leiar Lars Haugland informert om at Uskedal Bondelag er 70 år i 2020. Laget vart skipa 1. april 1950. Jubileet vert mellom anna markert med ein studietur til Jæren i mars månad.

kb
12.12.2019
Uskedal skulemusikk sin adventskalendar 12.des. 2019
På Uskedal skulemusikk sin adventskalendar deler vi ut eit skrujernsett (verdi: 249,-), gjeve av Farge og interiør - Lio sag og treforedling til den haldige vinnaren som har nr. 391.  Eigar av nr. 282 får gavekort på 300,-kr, gjeve av Brødskreppa og kan handla godsaker for det der.  Gratulasjonar til begge!

Usm.
11.12.2019
Gul kajakk funnen og sikra på Korsneset.
Det er funnen ein gul kajakk på utsida av Korsneset. Kajakken med to svarte lokk er sikra og dregen på land i stranda ved Marit Røssland sitt hus. For meir informasjon: Ta kontakt med Leif Jarle Bergstø på mobil 995 20 870.

kb
11.12.2019
Julemøte i Uskedal Bondelag i kveld, i Gamleskulen.
I kveld, onsdag 11. desember, er det julemøte i Uskedal Bondelag med graut og program. Hans Reidar Kjærland skal ha innlegg om tida si som salssjef i Harding, tidlegare Bjørke Båtbyggeri i Rosendal.

kb
Siste Nyhende
13.12.2019
Kjenner du til lokale tradisjonar knytta til Lucia 13. desember ?
Luciadagen vert som oftast markert i barnehagane med prosejon. Denne gongen vel Uskedalen.no ei anna løysing, nemleg å få fram bakgrunnen og tradisjonen med Lucia i Norden og i Sunnhordland. Knut Rage er tidlegare biblioteksjef på Tysnes, no aktiv i Tysnes Sogelag og med eigne lokalhistoriske artiklar. Knut Rage har sagt ja til at Uskedalen.no kan få bruka det han skriv på si Facebookside. Dersom du kjenner til historiar og seiemåtar om Luciadagen 13. desember, er redaksjonen takksam for ei tilbakemelding.
12.12.2019
Uskedal Musikklag skapte julestemning på møte i Senioruniversitetet.
Uskedal Musikklag skapte julestemning med sine tonar på Rosendal Fjordhotell då  meir enn 100 studentar møtte fram til det siste møte i Kvinnherad Senioruniversitet i 2019. Alle kom for å høyra kunsthistorikar Gunnar Danbolt si førelesing om det vi finn av kunst frå ulike tidsperiodar skapt med bakgrunn i Jesu fødsel. Kristen kunst i katakombene med heilagkongane, som leitar etter Jesus, går tilbake til 200 talet.
12.12.2019
Pris til LAB Entreprenør med driftssjef frå Uskedalen.

LAB Entreprenør AS i Bergen vart i går kåra til den beste riggansvarlege bedrift i 2019 i Bergensområde. Driftssjef er Vegard Eik ( f. 1976 ) frå Uskedalen, no busett i Bergen. LAB Entreprenør med 200 tilsette har mange store byggeprosjekt i Bergen, mellom anna på Haukeland sjukehus. I grunngjevinga for prisen vert det sagt at LAB Entreprenør ein aktør som syner ansvar og tilbyr arbeidarane gode brakkeforhold.
11.12.2019
Bok frå krigsåret 1940 med skildring av kampane i Uskedalen og Herøysundet.
Boka Hordaland i krig er skriven av den unge lokalhistorikaren Vegard Toska. Boka har undertittelen Krigsåret 1940 sett frå den tyske sida. Aprildagane i Herøysundet og Uskedalen er omtalt på fleire sider, dag for dag frå 18. til 20. april. Aldri før har krigshendingane vorte presentert så detaljert i ei bok med bakgrunn i tyske dagbøker og kjelder.
10.12.2019
Humlepungen Bryggjarlag i magasin ut til 50 000 lesarar.
Hardangerfjordmagasinet med ansvarleg redaktør Sigurd Vikøren kjem ut to gonger i år i eit opplag på 50 000, Distribusjonen går til kommunane i Sunnhordland og Hardanger, i tillegg til ferjer, snøggbåtar, turistkontor, båthamner, bensinstasjonar og overnattingsplassar i regionen. I ein lengre artikkel om jul og mattradisjonar finn vi ei heilside med bilete og informasjon om Humlepungen Bryggjarlag frå Uskedalen.
09.12.2019
Knoppsvaner på Fjellandsbøvatn, også på vinterstid.
Dei siste åra har det dukka opp svaner på Fjellandsbøvatn på vinteren. Det er ikkje vanleg. Svanene aukar i talet, men ein kjenner ikkje nøyaktig til kvifor arealet deira vert utvida. I fjor vinter vart der observert knoppsvaner på Fjellandsbø i flokkar på to til seks. På det jevne er det seks svaner der gjennom vinteren.
08.12.2019
Helselaget held på tradisjonen med julepakkar og juleblom.
Julepakkane og juleblomane er klar for levering i denne veka. Det er Uskedal Helselag som held oppe ein lang tradisjon med å gje julepakkar til Valen sjukehus og juleblom til alle frå Uskedalen som bur på sjukheim og til alle heimebuande over 90 år. Talet julepakkar i år er 50 og 24 mottek juleblom med helsing.
07.12.2019
Kunstførelesing og korpsmusikk på julemøte i Senioruniversitetet.
Kvinnherad Senioruniversitet inviterer til ope møte torsdag 12. desember kl. 11:00 på Rosendal Fjordhotell. Denne gongen er det kunsthistoriker Gunnar Danbolt som skal gje oss eit innblikk i kva jula har betydd for kunsten, og korleis dei same motiva har endra seg over tid. Det vert i forkant av førelesinga minikonsert med Uskedal Musikklag.
06.12.2019
Røysterettkonsert i regn og blest.
Og det regna! Og det bles! Riktig så hustre var det ute, og berre på den vesle turen frå bilen til kyrkjedøra vart eg våt, sjølv om eg gjekk i regnfrakk. Men inne? Her var det varmt og godt og koristane var kledde i raudt og svart, ei lun og god stemning. Me var altså i den vesle kyrkja i Uskedalen på konsert i går kveld, og det var Røysterett for Alle, bygda sitt eige kor, som gav oss den musikalske opplevinga - saman med to flinke småjenter som spelte julesongar på kornett.
Sponsorar
Solheim Turiststajson
S. Rødsten Bilforretning A/S
Kvinnherad Vekstbedrift AS
 grenda
Ospelunden
Gros Blomster
Auto 88
Stord Lufthamn
Uskedal Båtlag
Kvinnherad Breiband
Kvinnherad Elektro
Eidsvik Eigedom AS
Spar
Byggeriet
Elins Matgleder
Uskedal Røyr og Multiservice
kvinnheringen
Kvinnherad Energi AS
Tysnes Sparebank
Brødrene Hjønnevåg AS
Kvinnherad Renhold service
Zjakk Frisørsalong
Sparebank 1 SR bank ASA
iDrift AS
Kvinnherad Breiband
Utvikla av iDrift AS