Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Delte ut gåver på 6,2 mill. på vel halvannan time.

20.11.2019
Klikk på bilete for full storleik
Fornøgde gåvemottakarar frå Uskedalen. Janne Yri og Anette Sund tok mot gåva til Fjelly medan Kjell Yri var blant mottakarane til turlaget.
 
Uskedal Utvikling (190.000 kr) og Uskedal ungdomslag ved hytta Fjelly(25.000 kr) var dei to Uskedals-laga som mottok gåver då Sparebankstiftinga Kvinnherad hadde haustens store gåvedryss i Kulturhuset Husnes i kveld.  I tillegg vil uskedelingar ha glede av tildelingar til lag som ikkje er reine Uskedalslag.
 
Klikk på bilete for full storleik
Egil Myhre tar mot gåva til Uskedal utvikling av Gunnar Våge.
 
 
Styreleiar Svein Arne Eidsvik i Sparebankstiftinga kunne opplysa at dei hadde fått inn heile 182 søknader, og at det var 69 lag og organisasjonar som vart tildelt gåver i denne runden.  På Husnes var det 50 heldige mottakarar medan dei tidlegare hadde hatt utdelingar i Odda(9) og på Stord(10).
 
På Husnes vart det delt ut 6,2 mill, og saman med Odda og Stord vart det i denne runden delt ut 7 350 000 kroner.  Til no har stiftinga gjeve gåver på tilsaman 90 602 137 kroner etter første tildelinga i 2011.

 
Tildelinga til Uskedal Utvikling skal brukast til handicap-toalett i hovudetasjen i Gamleskulen, medan tildelinga til Fjelly skal gjera vedhogsten på hytta lettare.  Dei 25.000 kronene skal brukast til utstyr som motorsag og vedkløyvar.
 
Svein Arne Eidsvik sa også at stiftinga framover vil vurdera å gje støtte til lag som vil setja inn tiltak slik at kostnaden med aktivitetane ikkje skal hindra barn frå familiar med dårleg råd til å delta.  Han fortalde også at dei hadde tildelt Brøddamo 50.000 kr for at det skulle brukast til matkorger til familiar i Kvinnherad som treng det, i samband med jul og nyttår.
 
Desse vart tildelt gåver på 100.000 eller meir:
  • Hatlestrand og Ølve skyttarlag(Utstyr til skytetrening): 100.000
  • Kvinnherad frivilligsentral(BUO-utstyrsentral):  400.000
  • Kvinnherad turlag(Prosjekt Fonnabu): 200.000
  • Omvikdalen ungdomslag(Oppgradering av festsal oppe):  100.000
  • IL Ternen(Utskifting av ljos, ljosløype-Tveitedalen skisenter):  300.000
  • Herøysund idrettslag(Oppgradering av idrettsanlegg og klubbhus):  380.000
  • Intr.laget galeas Gurine(Restaureringsarbeidet, Gurine):  200.000
  • Rosendal rideklubb(ATV til slodding av ridebanar):  100.000
  • Omvikdalen ungdomslag(Tilrettelegging for handikappa):  150.000
  • Baroniet Rosendal DWR(Formidling av vengebåtar og vogner v Baroniet):  275.000
  • Kvinnherad golfklubb(Garasje for maskinar og utstyr):  400.000
  • Valedamene(Oppgradering av Valen bygdahus):  330.000
  • Rosendal Musikklag(Fornying av instrument): 120.000
  • IL Strand-Ulv(Styrkerom):  200.000
  • Halsnøy kulturhus velforening(Renovering av Halsnøy storstove):  450.000
  • Rosendalstiftinga(Garderobetilbygg i Steinparken):  350.000
  • HVØ-pensjonistlag(Nye bord og stolar):  125.000
  • Åkra bygdalag(Stolar til bygdahuset):  100.000
  • Strand-Ulv Hallen AS(Tak-reperasjon): 440.000
Mange store, fine og viktige gåver som vil skapa verdfull aktivitet.  Likevel synes vi varaordførar Hilde Enstad hadde gjort ein god observasjon. Då ho helsa frå kommunen sa ho mellom anna at ho hadde merkt seg gåva på 10.000 kroner som Omvikdalen bygdekvinnelag mottok til Jentehobbyklubben dei no har drive i fleire år.  Grethe Brundtland som mottok prisen kunne fortelja at 40-50 kvinner, ikkje alle på ein gong rett nok, og dei fleste med innvandrarbakgrunn hadde glede av dette arbeidet.  
-Det er ikkje alltid den store summen som skal til for å gjera den store forskjelen, sa varaordføraren om det framifrå tiltaket som altså fekk 10.000.
 
Det var styremedlemene i stiftinga som stod for overrekkinga av gåvene.  Mellom dei er Magnhild Haugland frå Uskedalen.
 
Klikk på bilete for full storleik
Desse blide damene er blant dei som gjer ein flott innsats for ungdomslagshytta Fjelly.
 
Avslutningsvis kunne Svein Arne Eidsvik fortelja at styret har att opptil 10 mill., og ein skulle ikkje sjå vekk frå at styret  ville gje ein eller fleire tildelingar før neste søknadsrunde til våren.  Han sa også at det er sansynleg at dei ville passera 100 mill. i gåver våren 2020.
 
 
 
 
Tekst, foto og nett: Thor inge Døssland.
 
 
 
 
  Tilbake

 
Lesarbilete
Notisar
14.12.2019
Uskedal skulemusikk sin adventskalendar 14.des. 2019
I dag er eigarane av kalendarane med nr. 350 og 444 dei heldige vinnarane.  Nr. 350 får eit gåvekort, verdi 300,-kr, frå Gros Blomster medan nr. 444 får ei trillebår for born, verdi 300,-kr, gjeven av Elins Matgleder.  Gratulasjonar til begge vinnarane!

Usm.
13.12.2019
Opningstider på Spar Uskedalen i helga.
Laurdag 14.12. skal Spar Uskedalen ha eit velfortent julebord, og derfor stenger dei ein time tidlegare enn vanleg.  Derimot vert butikken open denne søndagen.  Dei stenger altså kl.19 på laurdag medan opningstida søndag er kl.14 - 19.  Dei ønskjer alle kundar velkommen til kjekk julehandel!

tid
13.12.2019
Førjulsbesøk på Husnestunet måndag 16. desember kl. 16.
Rustne Menn legg opp til førjulsbesøk på Husnestunet måndag 16. desember kl. 16.00.Samlinga vert i dagstova i 2. høgda, det som var den sosiale samlingsplassen før ein fekk kantine. Reidar Myklebust, medlem i gruppa fram til han vart sjuk, ser fram til at det kjem gjester frå Uskedalen. Det er ope for andre til å vera med og delta i programmet.

kb
13.12.2019
Uskedal skulemusikk sin adventskalendar 13.des. 2019
To heldige vinnarar er trekt ut også i dag.  Gåvekort på 300,-kr hos Poon Tips er vunne av eigar av kalendar nr. 15, og Duffel bag (Helly Hansen), gjeven av Spar Uskedalen er vunnen av nr.222.  Vi gratulerer dei to heldige!

Usm.
12.12.2019
Utvida førjulsopning hos Gros Blomster.
Frå neste veke vert det utvida opningstid hos Gros Blomster.  Heile veka, også laurdag, vert opningstida kl. 9 - 18.  Søndag 22.12. er det ope frå kl. 14 - 18, veslejulaftan er opningstida kl. 9 - 18, medan det er ope frå kl. 9 til kl. 12 på julaftan.  Då eg var innom, var det vanvittig mykje fint i butikken, og produksjonen av fleire nydelege juledekorasjonar gjekk for fullt!

tid
12.12.2019
Ope møte i Senioruniversitetet i dag kl. 11.00.
Det er ope møte i Kvinnherad Senioruniversitet i dag, torsdag 12. desember, kl. 11 på Rosendal Fjordhotell. Førelesar er kunsthistorikar Gunnar Danbolt med tema Jula i kunsten. Uskedal musikklag spelar juletonar. 10 års jubileet vert markert. Tallerkenrett og kaffi. Inngang: kr. 150/100.

Styret
12.12.2019
Uskedal Bondelag 70 år i 2020.
På bondelagsmøte i går kveld i Gamleskulen vart det av leiar Lars Haugland informert om at Uskedal Bondelag er 70 år i 2020. Laget vart skipa 1. april 1950. Jubileet vert mellom anna markert med ein studietur til Jæren i mars månad.

kb
12.12.2019
Uskedal skulemusikk sin adventskalendar 12.des. 2019
På Uskedal skulemusikk sin adventskalendar deler vi ut eit skrujernsett (verdi: 249,-), gjeve av Farge og interiør - Lio sag og treforedling til den haldige vinnaren som har nr. 391.  Eigar av nr. 282 får gavekort på 300,-kr, gjeve av Brødskreppa og kan handla godsaker for det der.  Gratulasjonar til begge!

Usm.
11.12.2019
Gul kajakk funnen og sikra på Korsneset.
Det er funnen ein gul kajakk på utsida av Korsneset. Kajakken med to svarte lokk er sikra og dregen på land i stranda ved Marit Røssland sitt hus. For meir informasjon: Ta kontakt med Leif Jarle Bergstø på mobil 995 20 870.

kb
11.12.2019
Julemøte i Uskedal Bondelag i kveld, i Gamleskulen.
I kveld, onsdag 11. desember, er det julemøte i Uskedal Bondelag med graut og program. Hans Reidar Kjærland skal ha innlegg om tida si som salssjef i Harding, tidlegare Bjørke Båtbyggeri i Rosendal.

kb
Siste Nyhende
13.12.2019
Kjenner du til lokale tradisjonar knytta til Lucia 13. desember ?
Luciadagen vert som oftast markert i barnehagane med prosejon. Denne gongen vel Uskedalen.no ei anna løysing, nemleg å få fram bakgrunnen og tradisjonen med Lucia i Norden og i Sunnhordland. Knut Rage er tidlegare biblioteksjef på Tysnes, no aktiv i Tysnes Sogelag og med eigne lokalhistoriske artiklar. Knut Rage har sagt ja til at Uskedalen.no kan få bruka det han skriv på si Facebookside. Dersom du kjenner til historiar og seiemåtar om Luciadagen 13. desember, er redaksjonen takksam for ei tilbakemelding.
12.12.2019
Uskedal Musikklag skapte julestemning på møte i Senioruniversitetet.
Uskedal Musikklag skapte julestemning med sine tonar på Rosendal Fjordhotell då  meir enn 100 studentar møtte fram til det siste møte i Kvinnherad Senioruniversitet i 2019. Alle kom for å høyra kunsthistorikar Gunnar Danbolt si førelesing om det vi finn av kunst frå ulike tidsperiodar skapt med bakgrunn i Jesu fødsel. Kristen kunst i katakombene med heilagkongane, som leitar etter Jesus, går tilbake til 200 talet.
12.12.2019
Pris til LAB Entreprenør med driftssjef frå Uskedalen.

LAB Entreprenør AS i Bergen vart i går kåra til den beste riggansvarlege bedrift i 2019 i Bergensområde. Driftssjef er Vegard Eik ( f. 1976 ) frå Uskedalen, no busett i Bergen. LAB Entreprenør med 200 tilsette har mange store byggeprosjekt i Bergen, mellom anna på Haukeland sjukehus. I grunngjevinga for prisen vert det sagt at LAB Entreprenør ein aktør som syner ansvar og tilbyr arbeidarane gode brakkeforhold.
11.12.2019
Bok frå krigsåret 1940 med skildring av kampane i Uskedalen og Herøysundet.
Boka Hordaland i krig er skriven av den unge lokalhistorikaren Vegard Toska. Boka har undertittelen Krigsåret 1940 sett frå den tyske sida. Aprildagane i Herøysundet og Uskedalen er omtalt på fleire sider, dag for dag frå 18. til 20. april. Aldri før har krigshendingane vorte presentert så detaljert i ei bok med bakgrunn i tyske dagbøker og kjelder.
10.12.2019
Humlepungen Bryggjarlag i magasin ut til 50 000 lesarar.
Hardangerfjordmagasinet med ansvarleg redaktør Sigurd Vikøren kjem ut to gonger i år i eit opplag på 50 000, Distribusjonen går til kommunane i Sunnhordland og Hardanger, i tillegg til ferjer, snøggbåtar, turistkontor, båthamner, bensinstasjonar og overnattingsplassar i regionen. I ein lengre artikkel om jul og mattradisjonar finn vi ei heilside med bilete og informasjon om Humlepungen Bryggjarlag frå Uskedalen.
09.12.2019
Knoppsvaner på Fjellandsbøvatn, også på vinterstid.
Dei siste åra har det dukka opp svaner på Fjellandsbøvatn på vinteren. Det er ikkje vanleg. Svanene aukar i talet, men ein kjenner ikkje nøyaktig til kvifor arealet deira vert utvida. I fjor vinter vart der observert knoppsvaner på Fjellandsbø i flokkar på to til seks. På det jevne er det seks svaner der gjennom vinteren.
08.12.2019
Helselaget held på tradisjonen med julepakkar og juleblom.
Julepakkane og juleblomane er klar for levering i denne veka. Det er Uskedal Helselag som held oppe ein lang tradisjon med å gje julepakkar til Valen sjukehus og juleblom til alle frå Uskedalen som bur på sjukheim og til alle heimebuande over 90 år. Talet julepakkar i år er 50 og 24 mottek juleblom med helsing.
07.12.2019
Kunstførelesing og korpsmusikk på julemøte i Senioruniversitetet.
Kvinnherad Senioruniversitet inviterer til ope møte torsdag 12. desember kl. 11:00 på Rosendal Fjordhotell. Denne gongen er det kunsthistoriker Gunnar Danbolt som skal gje oss eit innblikk i kva jula har betydd for kunsten, og korleis dei same motiva har endra seg over tid. Det vert i forkant av førelesinga minikonsert med Uskedal Musikklag.
06.12.2019
Røysterettkonsert i regn og blest.
Og det regna! Og det bles! Riktig så hustre var det ute, og berre på den vesle turen frå bilen til kyrkjedøra vart eg våt, sjølv om eg gjekk i regnfrakk. Men inne? Her var det varmt og godt og koristane var kledde i raudt og svart, ei lun og god stemning. Me var altså i den vesle kyrkja i Uskedalen på konsert i går kveld, og det var Røysterett for Alle, bygda sitt eige kor, som gav oss den musikalske opplevinga - saman med to flinke småjenter som spelte julesongar på kornett.
Sponsorar
Solheim Turiststajson
S. Rødsten Bilforretning A/S
Kvinnherad Vekstbedrift AS
 grenda
Ospelunden
Gros Blomster
Auto 88
Stord Lufthamn
Uskedal Båtlag
Kvinnherad Breiband
Kvinnherad Elektro
Eidsvik Eigedom AS
Spar
Byggeriet
Elins Matgleder
Uskedal Røyr og Multiservice
kvinnheringen
Kvinnherad Energi AS
Tysnes Sparebank
Brødrene Hjønnevåg AS
Kvinnherad Renhold service
Zjakk Frisørsalong
Sparebank 1 SR bank ASA
iDrift AS
Kvinnherad Breiband
Utvikla av iDrift AS