Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Minnerik 87 års-markering for heilfrelst Viking-supportar!

12.11.2019
Klikk på bilete for full storleik
Viking gjorde stor stas på Bjørgulv Eik etter at han har vore supportaren deira i nesten 70 år.
 
Mandag fylte nestoren i Uskedal musikklag, Bjørgulv Eik, 87 år.  Tirsdag var det som vanleg øving i bandet, og då vart sjølvsagt åremålet markert.  Bjørgulv som er særdeles sportsinteressert, har vore ivrig tilhengar av fotbalklubben Viking i tett på 70 år.  At klubben set pris på dette, viste dei tydeleg på markeringa tirsdag.  Dei sette ein ekstra spiss på kvelden, ikkje berre for jubilanten, men også for resten av bandmedlemmene.
 
Klikk på bilete for full storleik
Bjarne Berntsen hadde ei flott personleg gratulasjonshelsing til Bjørgulv. Her framført via storskjerm.
Etter ei tre kvarters øvingsøkt samla bandmeldlemmene seg i eit klasserom.  Som seg hør og bør opna bandets benjamin, Thor Inge Døssland, denne delen med å helsa og gratulera Bjørgulv med vel overstått 87 årsdag.  Til slutt gav han ordet vidare til andre som ville bera fram helsingar, og då dukka tidlegare Idol-vinnar og no marknadssjef i Viking, Kjartan Salvesen, opp på storskjermen.  Han bar fram gratulasjonshelsing til 87-åringen og avslutta med å invitera han til storkampen mot Rosenborg 24. november.

-Vi har veldig lyst, alle oss i Viking, å invitera deg til storkamp mot Rosenborg 24.november. Der har me lyst til at du skal få sitta godt og se at Viking slår trønderane.  Så viss du vil, så komme du på kampen og til slutt vil eg sei, gratulere med den store dagen, Bjørgulv.

 
 
 
Lars Myklebust overrekkjer Vikingdrakt nr.87 til 87-åringen.
Og det stoppa ikkje med det.  Like etter dukka dagleg leiar i Viking Fotball, Eirik Henningsen, opp på skjermen med si helsing.  Deretter kom kjente Viking-fjes på rekkje og rad med sine personlege gratulasjonshelsingar til den spreke 87-åringen. Dei gamle storspelarane, Svein Fjælberg og Thomas Pereira, sistnemnde med heile 428 A-lagskampar for klubben, hadde gode ord til Bjørgulv før helsingssekvensen vart avslutta av hovudtrenar Bjarne Berntsen og kaptein Zlatko Tripic.  Ut frå det dei sa, var det tydeleg at dei alle kjende til denne store lagsmannen og Viking-supportaren.
 
 
 
 
Per Myklebust, Svein A. Sunde og Leif Matre syns Bjørgulv kler Vikingdrakta veldig godt.
Etter dette var det klart for endå meir!  Lars Myklebust overrekte ei Viking-drakt med autografar.  Sjølvsagt var namnet trygt plassert på ryggen, og dei hadde funne det naturleg å gje han spelar nummer 87.  Om overraskinga hadde brakt Bjørgulv til taushet først, kom no hans breiaste smil fram!
- Eg hadde veldig lyst å reisa til cupfinalen i Oslo, og var faktisk inne på tanken, men no vert dette ein kjempeerstatning, kommenterte mellom anna den trufaste supportaren.
 
Bjørgulv sitt kjærleiksforhold til Viking starta i 1950.  18 år gammal gjekk han då på Sunnhordland folkehøgskule, og han var då ein særs talentfull keeper.  Ein Vikingtrenar kom til Halsnøy og hadde nokre treningar med laget der.  Bjørgulv fekk vera med på desse.  Dermed vart det gjort! Etter det har han som kanskje er den mest sportsinteresserte i musikklaget, vore heilfrelst Viking-tilhengar.
 
Uskedelingen Lars Johan Myklebust jobbar no i Viking medan faren, Lars, er trombonist i musikklaget.  Dei to har vore heilt sentrale for å få til denne flotte markeringa for heidersmannen.  Det vart også ei særdeles kjekk stund for resten av musikkgjengen.  Vi er veldig takknemlege overfor Viking som fulgte opp idèen på ein så fantastisk måte.  
 
Heia Viking!!
 
Tekst, nett og foto: Thor Inge Døssland
 
 
 
 
  Tilbake

 
Lesarbilete
Notisar
14.12.2019
Uskedal skulemusikk sin adventskalendar 14.des. 2019
I dag er eigarane av kalendarane med nr. 350 og 444 dei heldige vinnarane.  Nr. 350 får eit gåvekort, verdi 300,-kr, frå Gros Blomster medan nr. 444 får ei trillebår for born, verdi 300,-kr, gjeven av Elins Matgleder.  Gratulasjonar til begge vinnarane!

Usm.
13.12.2019
Opningstider på Spar Uskedalen i helga.
Laurdag 14.12. skal Spar Uskedalen ha eit velfortent julebord, og derfor stenger dei ein time tidlegare enn vanleg.  Derimot vert butikken open denne søndagen.  Dei stenger altså kl.19 på laurdag medan opningstida søndag er kl.14 - 19.  Dei ønskjer alle kundar velkommen til kjekk julehandel!

tid
13.12.2019
Førjulsbesøk på Husnestunet måndag 16. desember kl. 16.
Rustne Menn legg opp til førjulsbesøk på Husnestunet måndag 16. desember kl. 16.00.Samlinga vert i dagstova i 2. høgda, det som var den sosiale samlingsplassen før ein fekk kantine. Reidar Myklebust, medlem i gruppa fram til han vart sjuk, ser fram til at det kjem gjester frå Uskedalen. Det er ope for andre til å vera med og delta i programmet.

kb
13.12.2019
Uskedal skulemusikk sin adventskalendar 13.des. 2019
To heldige vinnarar er trekt ut også i dag.  Gåvekort på 300,-kr hos Poon Tips er vunne av eigar av kalendar nr. 15, og Duffel bag (Helly Hansen), gjeven av Spar Uskedalen er vunnen av nr.222.  Vi gratulerer dei to heldige!

Usm.
12.12.2019
Utvida førjulsopning hos Gros Blomster.
Frå neste veke vert det utvida opningstid hos Gros Blomster.  Heile veka, også laurdag, vert opningstida kl. 9 - 18.  Søndag 22.12. er det ope frå kl. 14 - 18, veslejulaftan er opningstida kl. 9 - 18, medan det er ope frå kl. 9 til kl. 12 på julaftan.  Då eg var innom, var det vanvittig mykje fint i butikken, og produksjonen av fleire nydelege juledekorasjonar gjekk for fullt!

tid
12.12.2019
Ope møte i Senioruniversitetet i dag kl. 11.00.
Det er ope møte i Kvinnherad Senioruniversitet i dag, torsdag 12. desember, kl. 11 på Rosendal Fjordhotell. Førelesar er kunsthistorikar Gunnar Danbolt med tema Jula i kunsten. Uskedal musikklag spelar juletonar. 10 års jubileet vert markert. Tallerkenrett og kaffi. Inngang: kr. 150/100.

Styret
12.12.2019
Uskedal Bondelag 70 år i 2020.
På bondelagsmøte i går kveld i Gamleskulen vart det av leiar Lars Haugland informert om at Uskedal Bondelag er 70 år i 2020. Laget vart skipa 1. april 1950. Jubileet vert mellom anna markert med ein studietur til Jæren i mars månad.

kb
12.12.2019
Uskedal skulemusikk sin adventskalendar 12.des. 2019
På Uskedal skulemusikk sin adventskalendar deler vi ut eit skrujernsett (verdi: 249,-), gjeve av Farge og interiør - Lio sag og treforedling til den haldige vinnaren som har nr. 391.  Eigar av nr. 282 får gavekort på 300,-kr, gjeve av Brødskreppa og kan handla godsaker for det der.  Gratulasjonar til begge!

Usm.
11.12.2019
Gul kajakk funnen og sikra på Korsneset.
Det er funnen ein gul kajakk på utsida av Korsneset. Kajakken med to svarte lokk er sikra og dregen på land i stranda ved Marit Røssland sitt hus. For meir informasjon: Ta kontakt med Leif Jarle Bergstø på mobil 995 20 870.

kb
11.12.2019
Julemøte i Uskedal Bondelag i kveld, i Gamleskulen.
I kveld, onsdag 11. desember, er det julemøte i Uskedal Bondelag med graut og program. Hans Reidar Kjærland skal ha innlegg om tida si som salssjef i Harding, tidlegare Bjørke Båtbyggeri i Rosendal.

kb
Siste Nyhende
13.12.2019
Kjenner du til lokale tradisjonar knytta til Lucia 13. desember ?
Luciadagen vert som oftast markert i barnehagane med prosejon. Denne gongen vel Uskedalen.no ei anna løysing, nemleg å få fram bakgrunnen og tradisjonen med Lucia i Norden og i Sunnhordland. Knut Rage er tidlegare biblioteksjef på Tysnes, no aktiv i Tysnes Sogelag og med eigne lokalhistoriske artiklar. Knut Rage har sagt ja til at Uskedalen.no kan få bruka det han skriv på si Facebookside. Dersom du kjenner til historiar og seiemåtar om Luciadagen 13. desember, er redaksjonen takksam for ei tilbakemelding.
12.12.2019
Uskedal Musikklag skapte julestemning på møte i Senioruniversitetet.
Uskedal Musikklag skapte julestemning med sine tonar på Rosendal Fjordhotell då  meir enn 100 studentar møtte fram til det siste møte i Kvinnherad Senioruniversitet i 2019. Alle kom for å høyra kunsthistorikar Gunnar Danbolt si førelesing om det vi finn av kunst frå ulike tidsperiodar skapt med bakgrunn i Jesu fødsel. Kristen kunst i katakombene med heilagkongane, som leitar etter Jesus, går tilbake til 200 talet.
12.12.2019
Pris til LAB Entreprenør med driftssjef frå Uskedalen.

LAB Entreprenør AS i Bergen vart i går kåra til den beste riggansvarlege bedrift i 2019 i Bergensområde. Driftssjef er Vegard Eik ( f. 1976 ) frå Uskedalen, no busett i Bergen. LAB Entreprenør med 200 tilsette har mange store byggeprosjekt i Bergen, mellom anna på Haukeland sjukehus. I grunngjevinga for prisen vert det sagt at LAB Entreprenør ein aktør som syner ansvar og tilbyr arbeidarane gode brakkeforhold.
11.12.2019
Bok frå krigsåret 1940 med skildring av kampane i Uskedalen og Herøysundet.
Boka Hordaland i krig er skriven av den unge lokalhistorikaren Vegard Toska. Boka har undertittelen Krigsåret 1940 sett frå den tyske sida. Aprildagane i Herøysundet og Uskedalen er omtalt på fleire sider, dag for dag frå 18. til 20. april. Aldri før har krigshendingane vorte presentert så detaljert i ei bok med bakgrunn i tyske dagbøker og kjelder.
10.12.2019
Humlepungen Bryggjarlag i magasin ut til 50 000 lesarar.
Hardangerfjordmagasinet med ansvarleg redaktør Sigurd Vikøren kjem ut to gonger i år i eit opplag på 50 000, Distribusjonen går til kommunane i Sunnhordland og Hardanger, i tillegg til ferjer, snøggbåtar, turistkontor, båthamner, bensinstasjonar og overnattingsplassar i regionen. I ein lengre artikkel om jul og mattradisjonar finn vi ei heilside med bilete og informasjon om Humlepungen Bryggjarlag frå Uskedalen.
09.12.2019
Knoppsvaner på Fjellandsbøvatn, også på vinterstid.
Dei siste åra har det dukka opp svaner på Fjellandsbøvatn på vinteren. Det er ikkje vanleg. Svanene aukar i talet, men ein kjenner ikkje nøyaktig til kvifor arealet deira vert utvida. I fjor vinter vart der observert knoppsvaner på Fjellandsbø i flokkar på to til seks. På det jevne er det seks svaner der gjennom vinteren.
08.12.2019
Helselaget held på tradisjonen med julepakkar og juleblom.
Julepakkane og juleblomane er klar for levering i denne veka. Det er Uskedal Helselag som held oppe ein lang tradisjon med å gje julepakkar til Valen sjukehus og juleblom til alle frå Uskedalen som bur på sjukheim og til alle heimebuande over 90 år. Talet julepakkar i år er 50 og 24 mottek juleblom med helsing.
07.12.2019
Kunstførelesing og korpsmusikk på julemøte i Senioruniversitetet.
Kvinnherad Senioruniversitet inviterer til ope møte torsdag 12. desember kl. 11:00 på Rosendal Fjordhotell. Denne gongen er det kunsthistoriker Gunnar Danbolt som skal gje oss eit innblikk i kva jula har betydd for kunsten, og korleis dei same motiva har endra seg over tid. Det vert i forkant av førelesinga minikonsert med Uskedal Musikklag.
06.12.2019
Røysterettkonsert i regn og blest.
Og det regna! Og det bles! Riktig så hustre var det ute, og berre på den vesle turen frå bilen til kyrkjedøra vart eg våt, sjølv om eg gjekk i regnfrakk. Men inne? Her var det varmt og godt og koristane var kledde i raudt og svart, ei lun og god stemning. Me var altså i den vesle kyrkja i Uskedalen på konsert i går kveld, og det var Røysterett for Alle, bygda sitt eige kor, som gav oss den musikalske opplevinga - saman med to flinke småjenter som spelte julesongar på kornett.
Sponsorar
Solheim Turiststajson
S. Rødsten Bilforretning A/S
Kvinnherad Vekstbedrift AS
 grenda
Ospelunden
Gros Blomster
Auto 88
Stord Lufthamn
Uskedal Båtlag
Kvinnherad Breiband
Kvinnherad Elektro
Eidsvik Eigedom AS
Spar
Byggeriet
Elins Matgleder
Uskedal Røyr og Multiservice
kvinnheringen
Kvinnherad Energi AS
Tysnes Sparebank
Brødrene Hjønnevåg AS
Kvinnherad Renhold service
Zjakk Frisørsalong
Sparebank 1 SR bank ASA
iDrift AS
Kvinnherad Breiband
Utvikla av iDrift AS