Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Stor interesse for planarbeidet på Børnes Næringsområde.

28.08.2019
Klikk på bilete for full storleik
Anne Lise Næs er leiar for planarbeidet på Børnes.
 
Om lag 50 menneske møtte fram til ope møte om detaljregulering for Børnes Nærigsområde. Kvinnherad kommune var sterkt representert med verksemdleiar, planleggjar, prosjektleiar, eigedomsanvarleg og andre tilsette frå område samfunnsutvikling. Anne Lise Næs leia møte på ein trygg og tillitsfull måte.Turid Verdal og Terje Vikestrand frå konsulentfirma ABO hadde innleiing og svara på spørsmål. Alle skal høyrast med innspel og merknader.
 
Klikk på bilete for full storleik
Arealet i dag med tildelte tomter.

Uskedalen.no har før skrive om planprosessen. Fase 1 er oppstart, varsling og invitasjon til å koma med innsspel før sjølve planarbeidet tek til. Eksisterande tomteeigarar, naboar, alle med naust og fritidseigedomar og eigarane av to bustadhus i område vert oppmoda om å senda merknader innan fristen 30. september. Seinare vert det høve til koma med fråsegner til planen. Uskedal utvikling var medarrangør og er med i referansegruppa.

Klikk på bilete for full storleik
Konsulentfirma ABO med tilsette på Stord og på Os har fått oppdraget med å utforma planen, i tett samarbeid med prosjektgruppa og alle involverte partar. F.v: Turid Verdal og Terje Vikestrand.

Frå drøftinga i kveld tek vi med nokre merkander:

  • Ragnvald Vaage frå Skogeigarlaget bad om at ein i planarbeidet måtte ta med areal for utviding av tømmerkaien. Kvinnherad har mykje skog som skal til sag eller ut av landet.
  • Frå grunneigar Ofelia Stensletten vart det spurt om ei evt. busslomme på hennar eigedom der det i dag er avtale om lagrinsplass for stillas. Dersom busslomma kjem, er det snakk om innløysing med økonomisk vederlag.
  • Liv Astrid Myhre hadde ordet som nabo til næringsområde,- om støy og støv frå knuseverket ved planering. Ho og fleire snakka varmt for å ta vare på og gjenskapa Klubben og leggja til rette for tilkomst med stiar og turvegar.
 
Klikk på bilete for full storleik
Roar Musland, Tore Musland og Svein Arne Eidsvik frå nokre av dei 13 tomteeigarane på Børnes i dag.
  • Marit Hjønnevåg driv næring på Børnes. Ho bad om at det vert teke omsyn til at det lenge har vore fiskematproduksjon på Børnes. Hjønnevåg bed om at gang og sykkelvegen til Steinsletto vert prioritert.
  • Roar og Tore Musland frå Musland Maskin driv næring på Børnes. Dei ynskjer å få tilgang til meir areal. Roar Musland spurde korleis det kunne ha seg at det no etter at tomtene er kjøpte, vert stillt krav til og lagt føringar for bruken.
  • Ove Myhre synte til Mørkevågen med 12 bruksnummer. Berre ein av nausteigarane har eigen parkeringsplass. Det er med andre ord trong for parkeringsareal og framføring av vatn og straum til alle med naust eller nausttomter i Mørkevågen.
  • Bjørn Inge Gjerde ynskjer ikkje innløysing av det huset han nyleg har kjøpt i område. Litt støy og evt. støv er ikkje noko problem for han.
  • Svein Arne Eidsvik frå Eidsvik Eigedom representerte alle tomteeigarane på Børnes i dag. Tomteeigarane ville ha eige møte med kommunen. Han informerte om at Eidsvik Eigedom vil planera sitt areal på to ulike koter, 2,5 til 3 meter og 8 til 9 meter. Dessutan skal deira areal ryddast og forskjønnast.
  • Svanhill Haugland ynskjer parkering og betre tilgang til deira hus i svingen. Dessutan har dei nausttomt i Mørkevågen.
  • Geir Inge Myklebust er nabo og ynskjer plankrav til dette med støy på natta.
  • Kristian Helgesen, folkehelsekoordinator og idrettskonsulent, ville vita meir om friluftsinteressene i område. Han bad om innspel til dette med Klubben.
  • Frank Søllesvik eig tre tomter oppe ved fylkesvegen. Tomtene er byggemeldt og bruken er ikkje til sjenanse for nokon.
 
Naboane til Børnes var godt representert og var aktive i drøftingane. F.v: Wenche Stensletten Nummedal, Knut Stensletten, Inger Anne Leite, Liv Astrid Myhre og Ove Magne Myhre.

Alle synspunkta vart loggført og teke med i referatet frå møte. Detaljreguleringsplanen er venta å vera ferdig og vedteken våren 2020.

 
 

Tekst/foto/nett: Kristian Bringedal

 
 
Klikk på bilete for full storleik
Det var stor interesse og godt frammøte til det opne møte i går kveld i Helgheim.
 
 
  Tilbake

 
Lesarbilete
Notisar
26.09.2020
Saknar du katten din - kontakt Karianne Foss på øvre Fet.

Ein ukjend, ung og svart katt er teken hand om på øvre Fet. Saknar du katten din, ta kontakt med Karianne N. Foss på mobil 454.29.558.


Siste: Eigaren har meldt seg og er svært glad og takksam for at Karianne tok ansvar for katten. Alle er nøgde.

kb
25.09.2020
Har du salmeynskje - kom på Salmekveld onsdag 14. oktober kl. 18.00.
Soknerådet saman med kantor Eva Megyesi skipar til ny salmekveld onsdag 14. oktober kl. 18.00. Dersom du har salmeynskje, meld frå til Kristian Bringedal på e-posten: kristian.bringedal@gmail.com. Eller mobil: 915 31 487. Kyrkjekoret Nordsaang og kvartetten ÆRE syng. Eva Megyesi på orgel og klaver.

kb
24.09.2020
Fylkesmannen stadfestar vedtak om avslag i vegsak på Flatholm.
Karl Otto Gravdal klaga på vedtak i Forvaltningsutvalet i møte 11.03.20, sak 2020/21, om å sei nei i søknad om dispensasjon frå LNF krava for å laga tilkomstveg til fritidsbustad på Flatholm, gbnr.123/109. Fylkesmannen stadfestar vedtaket i Kvinnherad kommune, og seier med dette nei til søknad om dispensasjon. Fylkesmannen sitt vedtak er endeleg og kan ikkje klagast på. 

kb
24.09.2020
Maria Malmsten har nokre ledige songtimar på torsdagar.
Det er nokre ledige songtimar på torsdagar etter kl. 13.00. Maria Malmsten er songpedagog. Dette songtilbodet er for alle, ikkje berre for dei som syng i kor. Undervisninga er i Gamleskulen, i den perioden møterommet på Stemneplassen vert renovert. Interesserte: Ta kontakt på mobil 976 99 887.

kb
21.09.2020
Varsel om politiøving i Uskedalen.
I området Uskedalen vil det bli gjennomført ei øving for politiet onsdag 23. september. Øvinga vil vera synleg i sentrum, både med kjøretøy og personell. Trafikken vil stort sett gå som normalt. Grunnen til at øvvinga er lagt til Uskedalen, er tilgang til eigna øvingsobjekt.

Knut Olav Myklebust - koordinator for operativ trening, Vest Politidistrikt.
20.09.2020
Ny bokbuss - stopp ved Grano i morgon, måndag kl. 17.05
Den nye bokbussen er på plass. Bussen har alt vore på Uskedal skule med bokutlån til elevane. I morgon, måndag 21. september, er det lagt inn stopp i sentrum, ved Grano, mellom kl. 17.05 og kl. 17.30. Møt fram. Lån bøker. Lever inn bøker eller du kan tinga bøker for lån. Bruk bokbussen.

kb
18.09.2020
Jan Morten Myklebust - gjest i sofapraten i Nysæter kyrkje.
Nysæter kyrkje på Stord har eit fast innslag dei kallar I sofakroken. Tidlegare prest i Kvinnherad, Reidar Ådnanes, inviterer utvalde personar til prat om viktige spørsmål i livet. Tittelen i møte med flyhamnsef Jan Morten Myklebust ( frå Uskedalen ), er: Høgt og lågt - i medvind og motvind. Samtalen vil mellom anna handla om det å takla ulukker. Nysæter kyrkje - tysdag 29. september.

kb
17.09.2020
Anja Njøten Leite - nytilsett lærar på Uskedal skule.
Anja Njøten Leite er tilsett i den ledige stillingen på Uskedal skule. Det var stor interesse. Heile 15 personar var på søkjarlista. Anja har takk ja og vil ta til i den nye jobben med det fyrste. Det er rektor, Odd Steinar Arnesen, som fortel dette til Uskedalen.no.

kb
17.09.2020
Søk gåve frå SpareBank 1-stiftinga Kvinnherad innnan 13. oktober.
Det er fram til fristen 13. oktober høve til å søkja om gåve frå SpareBank 1-stiftinga Kvinnherad. Midlane skal gå til ålmennyttige føremål. Alle søknader skal fyllast ut og sendast elektronisk. Meir informasjon finn du på stiftinga si heimeside. www.kvinnheradstiftinga.no

kb
17.09.2020
Fornying av nettsida uskedalen.no.
Ei gruppe i Uskedal Utvikling gjer førebuande arbeid til ei fornying av nettsida Uskedalen.no. Bakgrunnen er ei kommunal løyving på kr. 30.000,- til profilering av Uskedalen. iDrift har det tekniske driftsansvaret og vil uansett fasa ut dagens modell, noko som gjer at ein må finna fram til ny modul med meir fleksible løysingar. Meir informasjon kjem i oktober.

Red.
Siste Nyhende
26.09.2020
Busstreiken er eit faktum - ingen ruter gjennom Uskedalen.
Frå kl. 06.00 i dag er busstreiken eit faktum. Ingen bussar i ordinær trafikk vert å sjå i Uskedalen. Det gjeld all busstrafikk, også skulerutene. Krava til sjåførane går på løn, arbeidstid og sikkerhet. I Skyss sitt rutehefte les vi at Uskedalen har 11 avgangar i kvar retning måndag til fredag. I tillegg kjem skuleskyssen til og frå Steinsletto, Rød og Musland.
25.09.2020
Gapahuken på Flåtene er klar til bruk.
Dugnadsgruppa med Pål Haugland som leiar er i innspurten på arbeidet med gapahuken på Flåtene i Eikedalen. Berre noko lite står att. Det er lagt ned eit stort arbeid, nøye gjennomtenkt i materialval, utføring og plassering. Arbeidet med gapahuken på Klepp på Hauglandsfjellet er i full gang.
24.09.2020
Reguleringsplan - fyrste steget fram mot eit ferdig prosjekt.
Det er varsla oppstart av arbeidet med reguleringsplan for eit utvida aktivitetshus med klatrehall. Uskedal Idrettslag ved Klatregruppa inviterte til eit to timars informasjonsmøte, organisert som som stand, i går. Alt kl. 19.00 var naboar og andre intereresserte møtte fram for å få vita meir om innhaldet og prosessen. Det er rekna fire steg i sjølve prosjekteringa. Fase ein er reguleringsplan.
23.09.2020
Skonnerten IDEAL av Kristiansund i Storsund i dag.
Det var ei staseleg skute som i 15 tida i dag, onsdag 23, september, kom inn Storsund på sin seglas til Rosendal. IDEAL er kopi av skonnerten ROSENHEIM, bygd på Skaaluren Skibsbyggeri 1910. Det vart bygd fire farty av denne typen tidleg på 1900 talet. Originale teikningar frå perioden 1903 - 1910 er lagt til grunn, men bygginga er tilpassa dagens krav til styrke og passasjersertifikat.
23.09.2020
Melding om oppstart - invitasjon til møte om detaljregulering for Aktivitetshuset.
Uskedal Idrettslag, konsulentfirma Civitas og arkitekt frå Lala Tøyen inviterer til oppstartmøte/stand i kveld, onsdag 23. september kl. 19 - 21, som gjeld detaljregulering knytta til utbygginga av Aktivitetshuset i sentrum av Uskedalen. Det vel 10 dekar store planområde omfattar både offentleg og privat areal. Uskedal Idrettslag er forslagsstillar. Civitas AS er plankonsulent. Lala Tøyen er arkitekt og landskapsarkitekt.
22.09.2020
Ny bokbuss med tre stopp i Uskedalen.
Den nye bokbussen i Kvinnherad er på plass og har starta køyreruta for hausten. Uskedalen er lagt inn med tre plassar for stopp. Det er Uskedal skule, sentrum v/ Gamleskulen/Grano og Dønhaug Gardsbarnehage. Bussen er svenskbygd, frå Fellvings i Billesholm. Det er ei lita verksemd som har spesialisert seg på bussar for mobile tenestetilbod, som blodbankbuss, tannlegebuss og bokbuss.
22.09.2020
Gode helsingar til Carsten Mrusek - ny sokneprest i Uskedalen.
Carsten Mrusek er tilsett som sokneprest i Uskedalen, Ænes og Åkra sokn, førebels for eit år. På innsetjingsgudstenesta sist sundag vart det sagt fram helsingar med gode ynskje for den tenesta han skal gjera i vår norske kyrkje. Soknerådsleiar, Sigmund Myklebust, las brevet frå biskopen  Bjørgvin, Halvor Nordhaug. Prosten i Sunnhordland, Svein Arne Theodorsen, henta orda frå 1. mosebok, kap. 32 om å leva i nåden og dela Guds ord med alle.
21.09.2020
Bruk 1,B på Skorpo - innspel til Kulturminneplan.
Ei gruppe på fem medlemer, som har arbeidd etter metoden Gjestebod, har sendt innspel til ny kulturminneplan i Kvinnherad kommune. Gruppa har samla seg om bruk 1, B på Skorpo, det som ofte vert kalla Tunet i det blå, etter tittelen på Herbrand Lavik sin roman på John Griegs forlag 1945. Arbeidsgruppa har vurdert den kulturhistoriske verdien ved å ta vare på gardsbruket etter at den siste eigaren, Johannes Hauge, døydde i 2019.
21.09.2020
Konfirmantåret startar med felles sykkeltur og samling på Varaldsøy.
Ni konfirmantar 2021, ikkje 10 slik vi har skrive før, vart presentert på gudstenesta i kyrkja i går. Alle, saman med foreldra, møtte fram. Namna vart lesne og kvar einskild fekk Bibelen i gåve frå Den norske Kyrkja. Etter gudstenesta var det orientering. Nytt er det at soknepresten i Kvinnherad, Kjersti B. Boge, tek konfirmantane med på sykkeltur frå Ølve til Varaldsøy med overnatting og undervisning i Hestviken på Varaldsøy.
Sponsorar
Rabben feriesenter
Eidsvik Eigedom AS
Kvinnherad Vekstbedrift AS
Kvinnherad Elektro
Uskedal Båtlag
Spar
Gros Blomster
Solheim Turiststajson
Kvinnherad Renhold service
Uskedal Røyr og Multiservice
Auto 88
Ospelunden
Brødrene Hjønnevåg AS
Kvinnherad Energi AS
S. Rødsten Bilforretning A/S
Kvinnherad Breiband
Stord Lufthamn
Zjakk Frisørsalong
kvinnheringen
Sparebank 1 SR bank ASA
Grenda
Tysnes Sparebank
iDrift AS
Kvinnherad Breiband
Utvikla av iDrift AS