Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Kristian Øvstebø suveren vinnar i Vika kraft-løpet.

05.05.2019
Klikk på bilete for full storleik
Vinnaren Kristian saman med dei andre premievinnarane i herreklassen
 
15 år gamle Kristian Øvstebø har allereie markert seg i motbakkeløp i fleire sesongar.  Laurdag vart den spreke og målbevisste ungguten suveren vinnar i herreklassen i Vika kraft-løpet i Åkra.  Løpet markerte 10 årsjubileum for kraftproduksjon ved Vika kraft, og arrangementet var eit samarbeid mellom Vika kraft og Matre idrettslag.
 
Klikk på bilete for full storleik
Bjørn Egil Haugland held forma godt ved like og er på veg mot 5.plass i herreklassen.
Løpet er på 3550 meter, og frå start til mål forserer løparane nær 400 høgdemeter.  Start er ved kraftstasjonen 40 moh, og mål er ved dammen 400 moh.  Løypa går på grusveg.  
 
Det var flotte premiar, og m.a. vart det delt ut pengepremiar på til saman 14.500,-.  For sigeren sin kunne Kristian Øvstebø innkassera fine 1.250 kroner.  I trimklassen utan tidtaking var det mange gåvepremiar i tillegg til at det vart trekt ut 3 vinnarar av 2000 kroner.  Frå deltakarane vart det uttrykt at dei ikkje kunne tru at det var så mange flotte premiar.
 
Premiane var sponsa av Vika kraft, Brødrene Dahl, BG Suldal, Småkraftforreninga og Sparebank1 Srbank.
 
 
 
Klikk på bilete for full storleik
Kristian Øvstebø i lette klyv mot siger.
 
Til saman 57 deltakarar fekk ein flott tur opp til inntaksdammen, og der vart dei møtt med gratis pølser og kaffi.  Småkraft-general Lars Emil Berge fortalde litt om Vika kraft og 10 årsjubileet før det var premieutdeling.
 
Deltakarar og resultat frå det svært vellukka løpet:

Konkurranseklassa herrer:
1. Kristian Øvstebø         (2004)                             Uskedalen                     21.30
2. Magne Årthun Bergane  (2001)                        Matre I.L.                      23.08
3. Vemund Hjelmeland     (1979)                          Omvikdalen                  23.20
4. Eirik Kjærstad Berge    (1995)                            Matre I.L.                     25.25
5. Bjørn Egil Haugland     (1963)                            Uskedalen                    25.37
6. Magnar Hillesdal         (1956)                             Stord                             26.40
7. Noah Lekva Hjelmeland    (2006)                     Omvikdalen                  27.13
8. Gisle Sellevold         (1951)                                 Klypetussen                 41.35
 
Konkurranseklassa damer:
1. Ruth Solveig Årthun Bergane   (1998)              Matre I.L.                    27.05
2. Ine Fu Di Farestveit     (2004)                                                                   33.36
3. Madeleine Berge        (2005)                              Matre I.L.                    34.36
4. Sigrid Lekva              (2006)                                 Uskedalen                   38.30
 
 
 
Trimklasse:
Reidar Tveit, Kari SynnøveTveit, Brit Torhild Tveit, Else Marie Vika, Evy Brekke, Håvard Brekke, Maria Severine Ø. Berge, Anne Grethe K. Berge, Maria Skarveland, Lars Emil Berge, Berit Berge, Edmund Berge, Håvard K. Berge.
 
Marit B. Endressen, Oddbjørn Sørheim, Reidun Sørheim, Erik Johan Furdal, Anna Sigrun Furdal, Marit Årthun, RuneDahle, Arild Kvame, Nils Gunnar Øvstebø, Bjørn Rune Bergane, Kurt ReidarJegteberg, Johan Hillesdal, Anne-Lise Hillesdal, Terje Tjelmeland, GunnlaugTjelmeland, Tage Berge, Marta Tjelmeland.
 
Oddrun Berge, Gyda Tungesvik, Marie T. Dahle, Tanja Eikemo, Silvia Nyland, Anne Ruth Lekva, Helge LekvaHjelmeland, Olve Lekva Hjelmeland, Vigdis Haugland, Jan Øvstebø, André Øvstebø, Claudia Øvstebø, Åse Farestveit, Birgitte Shan Qui Farestveit, Hagar Hassan.
 
 
Tekst og nett: Thor Inge Døssland
 
Foto: Håvard Kvalvik Berge
 
 

 
 
 
  Tilbake

 
Lesarbilete
Notisar
25.05.2019
Takk til alle som deltok på Hjertemarsjen.
Takk til alle som var med på Hjertemarsj med quiz i dag. Av 16 rette svar på quizen hadde mange 14 poeng. Etter loddtrekning fekk desse premie: Sekk: Kjell Tungesvik. Refleksvest: Kari Ljosnes.

Styret 
25.05.2019
Til topps i Ulriken Opp.
I år som i fjor vann Kristian Øvstebø frå UIL sin klasse i Ulriken Opp.  Med tida 28.32 forbetra han fjorårets vinnartid med imponerande 2 minutt og 29 sekund.  Norgeseliten i motbakkeløp var på plass, og Kristian plasserte seg som nr.24 totalt mot 46 i fjor.  Imponerande framgang sjølv om vi tar med i betraktning at løpet i fjor gjekk i svært sterk varme!! Løypa i Ulriken Opp er 3,6 km, og den går over 605 høgdemeter.

tid
25.05.2019
Sundagsmøte på Bedehuset, sundag kl. 11.
Det vert møte på Bedehuset i morgon, sundag 26. mai, kl. 11. Talar er Tormod Myklebust. Det er eit møte med nattverd.

kb
25.05.2019
Musikk ved butikken i dag.
Dersom veret held seg slik som no i morgontimane, spelar eit litt redusert Uskedal musikklag ved Spar Uskedalen frå ca. kl.12 i dag.  Spelinga er i samband med Spar-løpet som startar på Sandakaien kl.13 og Hjartemarsjen som Uskedal helselag arrangerer med start frå Sandakaien kl.12.

tid
24.05.2019
God påmelding til SPAR løpet i morgon.
Det er god påmelding til SPAR løpet, med start på Sandakaien i morgon kl. 13. Innan kl 22 i kveld er det påmeldt 50 deltakarar. Etterpåmelding må vera gjort minst ein time før start. Det er fire løypelengder, alt frå 350 meter til over 3000 meter. Alle får premiar frå SPAR. Det er påmelding frå mange bygder i Kvinnherad.

Arr.komiteen
22.05.2019
Nøkkel funnen på Kjærlandssido.
Ein nøkkel er funnen i vegkanten på Kjærlandssido.  Nøkkelen ser ny ut, og det kan sjå ut som den høyrer til ein sykkellås eller ein takboks.  Dei som saknar nøkkelen, kan få den att hos Haldis Aakra.

tid
22.05.2019
Sikringskurs for 12 deltakarar i Hallen.
Frå kl. 18 vert det gjennomført sikringskurs i klatregruppa i Uskedal Idrettslag. Kurset er ein del av utdanninga av 5 nye instruktørar. Instruktørane vil i dag ha sin eksamen og med dette er nye instruktøar klar for å vera med og vidareutvikla klatremiljøet i Uskedalen.

kb
22.05.2019
HV øving frå 22. til 27. mai.
Det vert gjennom HV øving i perioden 22. - 27. mai langs vegane i område Omvikdalen - Matre - Fjellhaugen. Det er som vanleg skytetrening på Midthølen. All militær aktivitet er varsla og skilta.Områdesjef er Tor Vidar Sæle frå Uskedalen.

kb
21.05.2019
Trening til SPAR løpet på onsdag kl. 17.30.
Det vert trening til SPAR løpet onsdag i denne veka kl 17.30 - 18.30. Frammøte på Sandakaien. Alle skal få springa sin løyper. SPAR løpet er på laurdag med start kl. 13. Påmelding på Uskedal Idrettslag si nettside.

kb



20.05.2019
Damejakke funnen på stien mot Solfjell.
Ei damejakke, storleik 46, vart i dag kl. 12 funnen på stien opp mot Solfjell. Jakka er lys/grå og har merke Endurance. Jakka er teken vare på og kan hentast hos Konstanse Tveit, mobil: 95195861.

kb
Siste Nyhende
25.05.2019
Andreas Kristoffersen debuterte og fekk beste tid i SPAR- løpet.
Andreas Kristoffersen hadde startnummer på brystet for fyrste gong i sitt liv. Han sprang i klassen Menn 35 - 39 år på tida 11,42 min i den vel 3 km lange løypa. Knut Olav Myklebust vart nr. 2. Kristoffersen var den store overraskinga. Han fortel til Uskedalen.no at han spring etter sauer i fjellet og trenar på tredemølle i perioden han er på arbeid på plattform i Nordsjøen. SPAR- løpet samla born og vaksne frå heile Kvinnherad. Best deltaking var det i aldersgruppene fram til fylte 10 år.
24.05.2019
Hjertemarsj i forkant av SPAR løpet i morgon.
Uskedal Helselag inviterer alle til å vera med på Hjertemarsj i morgon, laurdag 25. mai, kl. 12, i forkant av starten på SPAR løpet. Det er innlagd quiz med mange kjekke spørsmål. I helsemagasinet Hjerte og Hjerne les vi at mange helselag har gode rutinar på det å arrangera hjertemarsj. No er det Uskedalen sin tur.
23.05.2019
Prosjektkoordinatoren med oppvekst og slekt i Uskedalen.
Kristine Røyrvik med oppvekst og slekt i Uskedalen er prosjektkoordinator i Kvinnherad Næringsservice. Ho har vore primus motor bak Kvinnheradkonferansen med tema: Nettverk og samhald. Kristine vaks opp og gjekk på skule i Uskedalen. Familien med mor og far, Randi og Svein, flytta til Sunde i 1994.
23.05.2019
40 meter lang forstøtningsmur ved Kunstgrasbanen.
Fire mann frå Ersland Forskaling har den siste veka forskalt og gjort klart for støyping med det som vert ein 40 meter lang mur i eine hjørnet på Kunstgrasbanen. Øystein Ersland er dagleg leiar i firma, som har spesialisert seg på betongarbeid,- forskaling, jernbinding og støyping. Betongen vart i går levert frå Dimmelsvik Betong.
22.05.2019
Flaumfaren i Uskedalselva er kartlagd.
På Kvinnhead kommune si heimeside kan vi lesa om flaumfaren i Uskedalselva. Rapporten er laga av Norconsult AS  og utrekningane er gjort med bakgrunn i gjentaksintervall på 20, 200 og 1000 år. Klimaprofilen syner at det er venta store nedbørsmengder i framtida med meir styrtregn. Om Uskedalen les vi dette i utdrag:
21.05.2019
Ingvar Havnen talar på haustfesten i Ungdomslaget.

Tidlegare ambassadør Ingvar Havnen frå Rosendal har takka ja til å vera talar på haustfesten i Uskedal ungdomslag laurdag 19. oktober. Det er den femte haustfesten etter at ein gjenskapte det som var ein fast tradisjon i ungdomslaget i alle år. Ingvar Havnen, fødd 1951, vaks opp og gjekk på skule i Rosendal til ferdig realskule. Etter gymnaset bar det til Oslo som student.
21.05.2019
Unge lovande løparar frå Holmen i Uskedalen.
Viljar og Amund Berge-Soldal er brør og bur på Holmen. Amund er 12 år og har alt vore ein aktiv løpar nokre år. Viljar er berre 6 år og debuterte på Maileikane i Haugesund i helga som var. Amund vann sin klasse med ny stevnerektord på tida 5.00.5 minuttar.
19.05.2019
Ekstraordinært årsmøte i Uskedal Vassverk 27. mai.
På årsmøte i Uskedal Vassverk 8. mai vart det gjort vedtak om justering av vassavgiftene ved overgang til 8 ulike prisgrupper. Nye vassgifter er bestemt med vanleg fleirtal på årsmøte. Saka på ekstraordinært årsmøte gjeld vedtekstendring § 14. Sjå meir om innkalling og kva styret skriv:
18.05.2019
Grasrotandel til ni lag og organisasjonar i Uskedalen.
Norsk Tipping med Grasrotandelen overfører i desse dagar midlane for første 4 månadene i 2019 til frivillige lag og organisasjonar registrert i Brønnøysundregisteret, tilsaman kr. 860.000 til laga i Kvinnherad. Ni lag i Uskedalen er godkjend for løyving. For perioden 1.januar til 30. april 2019 utgjer summen rundt kr. 60.000,-. Uskedal Idrettslag toppar lista med kr. 32.35,- før Uskedal Skulemusikk med kr. 13.241,-
Sponsorar
Kvinnherad Energi AS
Eidsvik Eigedom AS
Spar
Ospelunden
Gros Blomster
Stord Lufthamn
Uskedal Båtlag
Auto 88
Kvinnherad Breiband
Kvinnherad Elektro
Brødrene Hjønnevåg AS
Elins Matgleder
Uskedal Røyr og Multiservice
Solheim Turiststajson
S. Rødsten Bilforretning A/S
kvinnheringen
Kvinnherad Vekstbedrift AS
Tysnes Sparebank
grenda
Kvinnherad Renhold service
Zjakk Frisørsalong
Sparebank 1 SR bank ASA
Byggeriet
iDrift AS
Kvinnherad Breiband
Utvikla av iDrift AS