Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Jubeldag for jentelaget i Norway Cup.

01.08.2018
Klikk på bilete for full storleik
Jentelaget til UIL er klare for kvartfinale etter to kjempekampar i dag.
 
Onsdagen fekk ein flott start på Ekebergsletta då Uskedalen sitt J14 lag slo til med ein klar 5-1 siger over Nesodden IF i 16-delsfinalen i B-sluttspelet i Norway Cup. Utover dagen skulle det bli meir å jubla for for dette laget medan det vart slutt på cup-eventyret for fleire av dei andre laga. Men alle kunne sjå tilbake på flotte sommaropplevingar i hovudstaden.
 
Jentelaget til UIL fekk to kampar  onsdag.  Etter den gode kampen mot Nesodden gjekk dei vidare til 8-delsfinalen.  I 5-1 sigeren mot Nesodden var første målet sjølvmål, medan Åsne Hjelmeland Arnesen, Emma Myklebust Ripel(2) og Ruth Maria Myklebust sette inn resten av måla.  Kl.17.15 var det klart for 8-delsfinale.  Då møtte dei Kviteseid IL, og jentene fortsette det gode spelet.  Dei var klart best og vann fortent heile 5-0.  Måla vart sett inn av desse spelarane i denne rekkefølgje, Ruth Maria Myklebust, Saima K. Lomheim Døssland, Selma Ovidia Tarberg Guddal, Emma Myklebust Ripel og til slutt fastsette Anna Elisabeth Samland Eik sluttresultatet med ei nydeleg heading.  Vår gode kontaktmann Odd Steinar Arnesen fortel at jentene speler kjempebra og jobbar med topp innsats!  I kvartfinalen torsdag kl.12 møter dei MSIL som i dag vann 3-0 over Haugar.  Vi heiar og gratulerer!!
 
Klikk på bilete for full storleik
Frå J14-laget sin kamp mot Kviteseid i dag.
 
 
Gutelaget til Uskedal IL som leverte så imponerande kamp på tirsdag, møtte KFUM kam. Oslo i 16-delsfinalen i B-sluttspelet.  Det viste seg å vera knalltøff motstand.  Sluttresultatet vart eit heiderleg 1-3 tap, og gutane har absolutt vist at dei kan spela fotball under Oslo-opphaldet.
 
G-16 laget til Rosendal/Uskedalen møtte også svært gode motstandarar frå Nordstrand IF1, og kampen enda med 1-4 tap.  Trenar Odd Steinar Arnesen melder at dei tapte for eit betre lag, men han er svært godt nøgd med det laget har prestert i turneringa.  Han seier han er stolt over det dei har prestert både på og utanfor banen.
 
J16 laget har også svært mange spelarar frå Uskedalen.  Etter å ha gått gjennom innleiingskampane med tre tap, slo dei til med heile 9-0 mot Sauland.  Måla vart sett inn av May Beathe Brakstad, Lene Furdal, Lisa Jonetta Ølvestveit, Thea S. Taranger, Hanna Tvilde(2) og Guro Leganger(3).  Dermed vart det 16-delsfinale mot Årvoll IL seinare på dagen.  Etter ein spennande kamp der Ida Marie K. Eidsvik scora Rosendal sitt mål, var det uavgjort både etter ordinær tid og etter ekstraomgangar. Straffesparkkonkurransen vart ein skikkeleg thriller, og først etter 9 straffar til kvart lag, måtte Rosendalslaget gje tapt, og dermed var eventyret slutt for denne gangen.
 
For dei andre laga gjekk det slik:
  • G13:  KFUM-kam. Oslo1 - Rosendal 8-4, og dermed vart Rosendal slått ut i 64-delsfinalen i A-sluttspelet.
  • G14:  Rosendal - Nordstrand IF Tigers 3-1 i 16-delsfinale i B-sluttspel.  Om Uskedal hadde vunne sin kamp, hadde det artige skjedd at Uskedal og Rosendal hadde møttest i 8-delsfinalen, to lag som kan sjå tilbake på mange kampar mot kvarandre.  I staden møtte Rosendal UIL sine overmenn KFUM-kam. Oslo, og i ein relativt jamn kamp var heile tida Oslo-laget strået kvassare.  Dei vann også fortent 5-2 til slutt, og dermed var sette dei også ein stoppar for vidare cup-eventyr for rosendelingane.
  • G15:  Rosendal - Ballangen 4-3 etter sudden death i ekstraomgangar, og gjekk dermed vidare til 16-delsfinale i B-sluttspelet der dei møtte eit godt lag frå Klemetsrud IL.  Keeper Kristoffer Hauge frå Uskedalen spelte glimrande, og trass i einvegskøyring i første omgang, var det berre 2-0 ved pause.  I 2.omgang var Rosendal langt meir med, samtidig som keeperen fortsette storspelet og reduserte tidleg til 1-2.  Kampen vart uhyre spennande.  Då ca.10 min gjestod gjorde trenaren eit offensivt byte.  Han skifta keeper, og Kristoffer Hauge gjekk fram som spiss.  I kampens siste minutt var han tilbake i mål då Klemetsrud fekk straffe.  Den gjekk over mål, og dermed enda kampen 3-3 og gjekk til ekstraomgangar.  Då dei vart mållause, vart spenninga toppa med straffesparkkonkuranse.  Sjølv om nemnde Kristoffer redda 2, vann Klemetsrud den 3-2.  Kampens store spelar var utvilsamt det nemnde keepertalentet.  Og Uskedalen er godt rusta når det gjeld keeprar.  Karsten H. Bjørnebøle har imponert med solid spel på G14 laget gjennom heile turneringa.
  • J13:  Rosendal - Jerusalem Girls 16-delsfinale i B-sluttspelet vert spela torsdag sidan RT fekk walk over i 32-delsfinale.
  • J14:  Fagernes - Rosendal16-delsfinale i A-sluttspelet vert spela torsdag sidan RT fekk w.o. i 32-delsfinalen.
Det vart altså mange svært spennande kampar i dag.  For mange vart det også slutten på dette eventyret, men det vert spennande også i morgon.  Ekstra spennande for  oss vert det å følgja med J14-laget til UIL som no ser ut til å vera inne i ei god flytsone.  Kjekt vert det og å følgja med dei to gjenverande Rosendalslaga, J13 og J14, som hadde spelefri i dag.
 
Tekst og nett:  Thor Inge Døssland
Foto: Espen Eik.
 
 
 
  Tilbake

 
Lesarbilete
Notisar
19.03.2019
Stig Framnes gjekk Skøytebirken på fredag.
Stig Framnes frå Uskedalen/Oslo gjekk Birkebeinarrennet på fredag. Det var den såkalla Skøytebirken, ikkje det ordinære skirennet vi kjenner frå før. Skilnaden er at ein skøytar og at rennet går dagen før hovudrennet. Traseen og lengda ( 54 km ) er den same. Så langt vi kjenner til, var Stig Framnes den einaste deltakaren frå Uskedalen i år.

kb
18.03.2019
Uskedal Trelastlager vert seld.
Det er i dag gjort kjend at den tradisjonsrike verksemda Uskedal Trelastlager vert lagt ut for sal. Uskedal Trelastlager med eigar Tørres Myklebust starta trelasthandel på Eikelandet i 1929. Uskedal Trelastlager har vore i samanhangande drift i ein og same familie over fire generasjonar. Finn Guddal er dagleg leiar i dag. Meir informasjon kjem seinare.

kb
18.03.2019
Sau og Geit møte i kveld kl 19.30 i Gamleskulen.
Kvinnherad Sau og Geit inviterer til møte i kveld, måndag 18. mars, kl. 19.30 i Gamleskulen. Arne Oftedal frå Mattilsynet vert med. Han vil orientera om ny dyrevelferdslov. Veterinær Svein Rimestad informerer om den føreståande lamminga. Det vert også innlegg av Janne Alsaker.

kb
17.03.2019
Sundags VG på døra - ring: 400 58 372
Ynskjer du å kjøpa sundags VG og få avisa levert på døra, ja, då kan du ta kontakt med Oliver Enes på mobil: 400 58 372. Han har 20 aviser og sel i sentrum og i Korsneset. Han brukar om lag 2 - 3 timar på jobben. Meir informasjon med bilete kjem i eige innlegg.

kb
17.03.2019
Uskedal Bondelag til Voss på studietur.
Neste helg skipar Uskedal Bondelag til studietur til Voss. På laurdagen vert det synfaring på Bjørke, på gardsbruket til Ragnhild Tennebekk Bjørke og Olav Hjetland Bringedal. Før avreise på sundagen er det lagt inn omvisning og ei læringsøkt på Voss Jordbruksskule. Om lag 30 personar deltek på turen. Nortura og Felleskjøpet sponsar med m.a. mat for grilling i tunet på Bjørke.

kb
15.03.2019
Strandryddedagen vert 4. mai i år.
Den årlege strandryddedagen er lagt til laurdag 4. mai. Friluftsrådet Vest i samarbeid med SIM er ansvarleg. Det er løyvd midlar over statsbudsjettet til ryddinga. Uskedal Båtlag og Uskedal utvikling har vore engasjert før. Det same har Lerøy Sjøtroll vore med si rydding av marint søppel i område rundt Skorpo. Meir informasjon kjem når ein veit meir om den lokale organiseringa.

kb
14.03.2019
Ospelunden AS kjøper resten av tomtene frå Grunneigarlaget.
Ospelunden AS kjøper tilsaman 7 tomter av Grunneigarlaget i byggefeltet. 6 av tomtene har ein pris mellom kr.60.000,- og kr. 90.000,-. Eit større areal har ein kostnad på  2,6 mill, kr. Med dette har utbyggjar løyst ut alle tomtene med tilhøyrande areal i byggefeltet.

kb
14.03.2019
Karneval i Helgheim, tysdag 19. mars.
Fotballaget G14 ( Uskedal/Rosendal ) skipar til karneval i Helgheim tysdag 19. mars. Det er frammøte i to grupper: 1. - 4. kl.: kl. 17.00 - 18.30. 5. - 7. klasse: kl. 19.00 - 20.30. Det vert kåring av beste kreative kostyme. Elles vert det disco, limbo, konkurransar og sal av kaker, snacks og drikke. All inntekt går til kostnader med å delta på Norway Cup. Inngang: kr. 50,-

kb



13.03.2019
Årsmøte i Idrettslaget, tysdag 19. mars i Gamleskulen.
Det vert årsmøte i Idrettslaget tysdag 19. mars kl. 20 i Gamleskulen. Det vert årsmøtsaker med årsmeldingar frå styret og frå alle aktivitetsgruppene. Noverande styre tek attval. Det same gjer andre valde medlemer i idrettslaget.

Dagsorden 

Årsmelding 2018

kb/hoø
13.03.2019
Kjerpeseth er søkjar til leiarstilling i Kvinnherad Energi.
Sven Ove Kjerpeseth (f. 1973) frå Uskedalen er ein av fleire søkjarar til leiarjobben i Kvinnherad Energi. Fire namn ligg ute, to har bedd om å vera anonyme. Kjerpeseth er elektroinstallatør i Vassnes Power AS.

kb
Siste Nyhende
20.03.2019
Søndag vert det ei skikkeleg flott konsertoppleving i Uskedalen!
Det ligg an til ei særdeles flott musikkstund når Kirill Zimin, Yuko Shuto og Dmitrii Kuzmin held konsert saman med to svært unge, men musikalske gjester, i Uskedal kyrkje komande søndagskveld.  Etter å ha fått med meg glimt frå øvingane, kan eg lova topp innslag både frå dei tre professjonelle musikarane og frå dei to usedvanleg flinke og sjarmerande barna.
19.03.2019
Flink ungdom sel VG og tener sine eigne pengar.
Oliver Enes og Fredrik Simensen Haugland, begge snart 14 år, ligg ikkje på latsida i helgane. Dei ynskjer å spara og tena sine eigne pengar. Det vert gjort slik at Fredrik sel VG på laurdagane, Oliver på sundagane. Det er lausal og avisa vert levert på døra til dei som melder frå. Restopplaget vert selde til dei ein går på døra til. Oliver har alt vore aktiv ei tid. Fredrik fekk innsyn i jobben sist sundag. Han reknar med å vera klar innan kort tid.
19.03.2019
Vonheim - ein av 160 søkjarar til Sparebank 1 midlar.
Det er innan fristen 12. mars søkt midlar frå Sparebank 1- stiftinga Kvinnherad for 30 mill. kr. Talet søkjarar på sju år er tredobla. Snittet på tildelte gåver har auka frå 120.000,- til 180.000,- pr. søkjar. Disponerte midlar på 7,5 mill. kr i år rekk til 25 % av søknadsmassen. Styret for forsamlingshuset Vonheim har søkt om støtte til innlagt vatn og nytt toalett- og sanitæranlegg.
18.03.2019
SELSTAD treng fleire notbøtarar i Uskedalen.
SELSTAD søkjer etter nobøtarar til sin avdeling i Uskedalen. Det er erstatning for tilsette som har vald å gå over i anna jobb. Totalt har SELSTAD 8 tilsette i Uskedalen. Egil Pile er driftsleiar på SELSTAD sin serviceavdeling i lokala til Eidsvik Skipsbyggeri AS. Å vera notbøtar er eit eige fag og all opplæring vert gjort ved hovudkontoret i Måløy.
17.03.2019
Krafttak mot kreft med russen som bøsseberarar.
Den årlege kreftaksjonen Krefttak mot kreft vart gjennomført i heile Kvinnherad  dag. Russen var bøsseberarar og i Uskedalen var 10 ungdomar engasjerte i innsamlinga. Sju av ti overlever kreftsjukdomen i dag, men statistikken bak tala fortel kva kreft som enno har låg overleving. Innsamla midlar i år går difor til forsking og behandling av kreft der få overlever.
16.03.2019
Vi varmar opp til konsert!!
Neste søndag, 24.mars kl.18, vert det ein flott konsert i Uskedalen.   Det er dei dyktige kulturskulelærarane Kirill Zimin, Yuko Shuto og Dmitrii Kuzmin som skal opptre saman med gjestene Artur Zimin(7 år) og Avrora Zimina(5 år).  Medan vi ventar på konserten, kan vi kosa oss to opptak med kulturskulerektor Kirill frå ein stor konsert i St. Petersburg der han var solist i 2017.
15.03.2019
Røysterett for Alle med eit variert vårprogram.
32 aktive medlemer - god musikalsk leiar - brukande fordeling på stemmene - eit godt styre - god stemning. Kva meir kan blandakoret Røysterett for Alle ynskja seg. Det må vea ein ideell situasjon for eit kor å møta og lovprisa våren når bakgrunnen er så god. Røysterett for Alle har fire viktige oppdrag i tida fram til Nasjonaldagen 17. mai.
15.03.2019
Kummane på Kjærlandssido er fornya og sikra.
Arbeidet med oppgradering av vegkummane vert sluttført i denne veka. Berre noko finpussing og borkøyring av overskotsmassar stå att. Med dette er det reinska, justert og støypt rundt tilsaman 25 kummar frå Uskedal bru til Haugland. Entreprenør Hauge Forskaling har utført jobben på oppdrag frå Kvinnherad kommune.
14.03.2019
Kvinnherad Breiband legg fiber til Holmen.
Det vert i denne veka ført fiber fram til Holmen. Uskedalen.no fekk i går vera med på kabelstrekk som både går i jord og i luft. Til no er det ein kunde som har tinga fiber på Holmen. Kabelen har kapasitet til å dekka 12 abonnentar. Kabelstrekket går over 750 meter og startar i ny nodestasjon ved Uskedal skule og går fram til eit koplingspunkt på Holmen. Kvinnherad Breiband brukar same taseen som for straum. Lågspenten til Holmen vart fornya for eit år sidan.
Sponsorar
Ospelunden
S. Rødsten Bilforretning A/S
Spar
Kvinnherad Vekstbedrift AS
Brødrene Hjønnevåg AS
Gros Blomster
Stord Lufthamn
Uskedal Båtlag
Auto 88
Kvinnherad Breiband
Kvinnherad Elektro
Zjakk Frisørsalong
Elins Matgleder
Uskedal Røyr og Multiservice
Solheim Turiststajson
kvinnheringen
Byggeriet
Kvinnherad Energi AS
Tysnes Sparebank
iDrift AS
grenda
Kvinnherad Renhold service
Sparebank 1 SR bank ASA
Kvinnherad Breiband
Utvikla av iDrift AS