Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Kanonkamp av G14, og G16 forsette sigersdansen.

01.08.2018
Klikk på bilete for full storleik
Uskedalspelarar saman med nokre av spelarane på motstandarlaget. Saman laga dei ein kjempekamp.
 
Uskedalen.no hadde to Oslo-busette observatørar på Ekebergsletta tirsdag då innleiingsspelet i Norway Cup vart avslutta.  Dei overvar to kampar  der uskedelingar var på eine banehalvdelen, og tilbakemeldingane frå dei fortel at dei var svært imponert over både G14 og G16 gutane sine prestasjonar.  I dag er sluttspelet i gang.
 
Klikk på bilete for full storleik
G14 laget var i toppform tirsdag kveld.
 
 
Våre observatørar fekk sjå G14 laget til UIL i deira klart beste kamp under Oslo-opphaldet.  Dei møtte Magnet Youth Sports Org frå Tanzania.  Dette laget har vore heilt suverene i dei tre føregåande kampane i turneringa med solide sigrar.  Utgangspunktet før kampen var ulikt for dei to laga.  Mandag fekk nemleg botnlaget Bokn sin einaste siger i ein jamn kamp mot UIL, men tirsdag viste laget seg frå ei heilt anna side.  Trenar Tommy Eidsvik har tidlegare uttalt at laget har eit svært godt toppnivå, men at prestasjonane frå kamp til kamp er for ujamne.  At det stemmer viser vel kampane mandag og tirsdag.
 
Rapportane frå våre observatørar fortel om imponerande pasningsspel der kombinasjonane sat godt og der spelarane sleppte ballen i rette øyeblikk.  Det var imponerande arbeidsinnsats.  Laget hadde mange gode einskildspelarar, men dei ville ikkje trekkja fram einskildspelarar då dei meinte det først og fremst var eit velsmurt lagmaskineri som førte fram til den imponerande lagsigeren.
 
Laget frå Afrika tok oppskriftsmessig leiinga 1-0, men uskedalsgutane ville det annleis og frå dei utlikna til 1-1 styrte dei kampen.  Dei nøytraliserte den store stjerna på motstandarlaget som hadde vore så god i tidlegare kampar, og ved å spela god og underhaldande fotball vart dei dei første som vann over Magnet Youth Sports Org. Sluttresultatet vart 6-3.  Mathias Børve(3), Olve Simonnes Tveit, Kristian Øvstebø og Mads Eidsvik scora måla.  Laget vart dermed nr.3 av dei 5 laga i pulja og dei går vidare til B-sluttspel sjølv om A-sluttspel var så nær, så nær!!  Tidlegare tirsdag vart det nemleg 0-3 tap for Nanset.
 
G16 laget til Rosendal/Uskedal kunne sjå tilbake på to sigrar då dei møtte Langhus IL i siste innleiingskampen.  Rapportane fortel om at dei spela svært godt.  Langhus gjekk riktignok opp til 1-0, men etter at R/U hadde utlikna var dei ingen tvil om kor sigeren ville hamna.  R/U var det klart beste laget og hadde full kontroll og spela god fotball.  Utlikninga til R/U var litt spesiell.  Laget sette ballen i mål, men dommaren bles likevel for straffe.  I uroa rundt dette heldt imidlertid Martin H. Arnesen hovudet iskaldt og scora sikkert på straffen.  Dei to siste måla vart sett inn av Jeppe Solheim Søllesvik og Kristian Klette Hansen.  Dermed var sigersrekkja i innleiingsspelet komplett, og no vert det fullt kjør med A-sluttspel.  Motstandarlaget Langhus IL kunne også jubla etter kampen.  Dei vart nemleg nr.2 i pulja og kom såleis også til A-sluttspelet.
 
To av målscorarane i den gode kampen. Mathias Børve og Olve S. Tveit.
 
 
Jentelaget til UIL gjorde ein ny god kamp.  Dessverre enda det med 2-4 tap for Vannylven FK.  Dermed vart det 3.plass i pulja etter tre jamne kampar som gav 1 siger og 2 tap etter flott innsats.  Dermed vert det B-sluttspel for jentene.
 
For dei andre laga enda det slik:
  • G13:  Rosendal - Vålerenga Fotball Bohemene 1965 2-0.  Dermed vart det A-sluttspel med eit plussmåls margin etter 1 siger, 1 uavgjort og 1 tap, 4 poeng og 2.plass.
  • G14:  Rosendal - Syril 2-5.  Dermed vart det B-sluttspel etter 1 siger, 2 tap og 3 poeng.
  • G15:  Snarøya - Rosendal 1-2. Dermed vart det 2 tap, 1 uavgjort og 1 poeng.  Det gav 4.plass i pulja og B-sluttspel.
  • J13:  Ull/Kisa - Rosendal 0-1.  Det gav 1 siger, 2 tap og 3 poeng.  Dermed vart det 3.plass i pulja og B-sluttspel.
  • J14:  Rosendal - Skarphedin  0-1.  Det gav 1 siger, 1 uavgjort, 1 tap og 4 poeng.  Det gav 2.plass i pulja og A-sluttspel med eitt plussmåls margin.
  • J 15/16:  Holum - Rosendal  0-4.  Det resulterte i 3 tap, 4.plass i pulja og B-sluttspel.
I dag startar altså sluttspelkampane.  Då er det cup slik at det er vinn eller forsvinn.  Vi håpar på mange spennande kampar med gode prestasjonar og mykje kjekt.  Elles fortel rapportane frå Oslo om mykje god stemning, mykje kjekt og viktigast av alt eksemplarisk oppførsel.
 
Tekst og nett:  Thor Inge Døssland
Foto: Jan Øvstebø og Vegard Døssland.
 
 
 
 
  Tilbake

 
Lesarbilete
Notisar
19.03.2019
Stig Framnes gjekk Skøytebirken på fredag.
Stig Framnes frå Uskedalen/Oslo gjekk Birkebeinarrennet på fredag. Det var den såkalla Skøytebirken, ikkje det ordinære skirennet vi kjenner frå før. Skilnaden er at ein skøytar og at rennet går dagen før hovudrennet. Traseen og lengda ( 54 km ) er den same. Så langt vi kjenner til, var Stig Framnes den einaste deltakaren frå Uskedalen i år.

kb
18.03.2019
Uskedal Trelastlager vert seld.
Det er i dag gjort kjend at den tradisjonsrike verksemda Uskedal Trelastlager vert lagt ut for sal. Uskedal Trelastlager med eigar Tørres Myklebust starta trelasthandel på Eikelandet i 1929. Uskedal Trelastlager har vore i samanhangande drift i ein og same familie over fire generasjonar. Finn Guddal er dagleg leiar i dag. Meir informasjon kjem seinare.

kb
18.03.2019
Sau og Geit møte i kveld kl 19.30 i Gamleskulen.
Kvinnherad Sau og Geit inviterer til møte i kveld, måndag 18. mars, kl. 19.30 i Gamleskulen. Arne Oftedal frå Mattilsynet vert med. Han vil orientera om ny dyrevelferdslov. Veterinær Svein Rimestad informerer om den føreståande lamminga. Det vert også innlegg av Janne Alsaker.

kb
17.03.2019
Sundags VG på døra - ring: 400 58 372
Ynskjer du å kjøpa sundags VG og få avisa levert på døra, ja, då kan du ta kontakt med Oliver Enes på mobil: 400 58 372. Han har 20 aviser og sel i sentrum og i Korsneset. Han brukar om lag 2 - 3 timar på jobben. Meir informasjon med bilete kjem i eige innlegg.

kb
17.03.2019
Uskedal Bondelag til Voss på studietur.
Neste helg skipar Uskedal Bondelag til studietur til Voss. På laurdagen vert det synfaring på Bjørke, på gardsbruket til Ragnhild Tennebekk Bjørke og Olav Hjetland Bringedal. Før avreise på sundagen er det lagt inn omvisning og ei læringsøkt på Voss Jordbruksskule. Om lag 30 personar deltek på turen. Nortura og Felleskjøpet sponsar med m.a. mat for grilling i tunet på Bjørke.

kb
15.03.2019
Strandryddedagen vert 4. mai i år.
Den årlege strandryddedagen er lagt til laurdag 4. mai. Friluftsrådet Vest i samarbeid med SIM er ansvarleg. Det er løyvd midlar over statsbudsjettet til ryddinga. Uskedal Båtlag og Uskedal utvikling har vore engasjert før. Det same har Lerøy Sjøtroll vore med si rydding av marint søppel i område rundt Skorpo. Meir informasjon kjem når ein veit meir om den lokale organiseringa.

kb
14.03.2019
Ospelunden AS kjøper resten av tomtene frå Grunneigarlaget.
Ospelunden AS kjøper tilsaman 7 tomter av Grunneigarlaget i byggefeltet. 6 av tomtene har ein pris mellom kr.60.000,- og kr. 90.000,-. Eit større areal har ein kostnad på  2,6 mill, kr. Med dette har utbyggjar løyst ut alle tomtene med tilhøyrande areal i byggefeltet.

kb
14.03.2019
Karneval i Helgheim, tysdag 19. mars.
Fotballaget G14 ( Uskedal/Rosendal ) skipar til karneval i Helgheim tysdag 19. mars. Det er frammøte i to grupper: 1. - 4. kl.: kl. 17.00 - 18.30. 5. - 7. klasse: kl. 19.00 - 20.30. Det vert kåring av beste kreative kostyme. Elles vert det disco, limbo, konkurransar og sal av kaker, snacks og drikke. All inntekt går til kostnader med å delta på Norway Cup. Inngang: kr. 50,-

kb



13.03.2019
Årsmøte i Idrettslaget, tysdag 19. mars i Gamleskulen.
Det vert årsmøte i Idrettslaget tysdag 19. mars kl. 20 i Gamleskulen. Det vert årsmøtsaker med årsmeldingar frå styret og frå alle aktivitetsgruppene. Noverande styre tek attval. Det same gjer andre valde medlemer i idrettslaget.

Dagsorden 

Årsmelding 2018

kb/hoø
13.03.2019
Kjerpeseth er søkjar til leiarstilling i Kvinnherad Energi.
Sven Ove Kjerpeseth (f. 1973) frå Uskedalen er ein av fleire søkjarar til leiarjobben i Kvinnherad Energi. Fire namn ligg ute, to har bedd om å vera anonyme. Kjerpeseth er elektroinstallatør i Vassnes Power AS.

kb
Siste Nyhende
19.03.2019
Flink ungdom sel VG og tener sine eigne pengar.
Oliver Enes og Fredrik Simensen Haugland, begge snart 14 år, ligg ikkje på latsida i helgane. Dei ynskjer å spara og tena sine eigne pengar. Det vert gjort slik at Fredrik sel VG på laurdagane, Oliver på sundagane. Det er lausal og avisa vert levert på døra til dei som melder frå. Restopplaget vert selde til dei ein går på døra til. Oliver har alt vore aktiv ei tid. Fredrik fekk innsyn i jobben sist sundag. Han reknar med å vera klar innan kort tid.
19.03.2019
Vonheim - ein av 160 søkjarar til Sparebank 1 midlar.
Det er innan fristen 12. mars søkt midlar frå Sparebank 1- stiftinga Kvinnherad for 30 mill. kr. Talet søkjarar på sju år er tredobla. Snittet på tildelte gåver har auka frå 120.000,- til 180.000,- pr. søkjar. Disponerte midlar på 7,5 mill. kr i år rekk til 25 % av søknadsmassen. Styret for forsamlingshuset Vonheim har søkt om støtte til innlagt vatn og nytt toalett- og sanitæranlegg.
18.03.2019
SELSTAD treng fleire notbøtarar i Uskedalen.
SELSTAD søkjer etter nobøtarar til sin avdeling i Uskedalen. Det er erstatning for tilsette som har vald å gå over i anna jobb. Totalt har SELSTAD 8 tilsette i Uskedalen. Egil Pile er driftsleiar på SELSTAD sin serviceavdeling i lokala til Eidsvik Skipsbyggeri AS. Å vera notbøtar er eit eige fag og all opplæring vert gjort ved hovudkontoret i Måløy.
17.03.2019
Krafttak mot kreft med russen som bøsseberarar.
Den årlege kreftaksjonen Krefttak mot kreft vart gjennomført i heile Kvinnherad  dag. Russen var bøsseberarar og i Uskedalen var 10 ungdomar engasjerte i innsamlinga. Sju av ti overlever kreftsjukdomen i dag, men statistikken bak tala fortel kva kreft som enno har låg overleving. Innsamla midlar i år går difor til forsking og behandling av kreft der få overlever.
16.03.2019
Vi varmar opp til konsert!!
Neste søndag, 24.mars kl.18, vert det ein flott konsert i Uskedalen.   Det er dei dyktige kulturskulelærarane Kirill Zimin, Yuko Shuto og Dmitrii Kuzmin som skal opptre saman med gjestene Artur Zimin(7 år) og Avrora Zimina(5 år).  Medan vi ventar på konserten, kan vi kosa oss to opptak med kulturskulerektor Kirill frå ein stor konsert i St. Petersburg der han var solist i 2017.
15.03.2019
Røysterett for Alle med eit variert vårprogram.
32 aktive medlemer - god musikalsk leiar - brukande fordeling på stemmene - eit godt styre - god stemning. Kva meir kan blandakoret Røysterett for Alle ynskja seg. Det må vea ein ideell situasjon for eit kor å møta og lovprisa våren når bakgrunnen er så god. Røysterett for Alle har fire viktige oppdrag i tida fram til Nasjonaldagen 17. mai.
15.03.2019
Kummane på Kjærlandssido er fornya og sikra.
Arbeidet med oppgradering av vegkummane vert sluttført i denne veka. Berre noko finpussing og borkøyring av overskotsmassar stå att. Med dette er det reinska, justert og støypt rundt tilsaman 25 kummar frå Uskedal bru til Haugland. Entreprenør Hauge Forskaling har utført jobben på oppdrag frå Kvinnherad kommune.
14.03.2019
Kvinnherad Breiband legg fiber til Holmen.
Det vert i denne veka ført fiber fram til Holmen. Uskedalen.no fekk i går vera med på kabelstrekk som både går i jord og i luft. Til no er det ein kunde som har tinga fiber på Holmen. Kabelen har kapasitet til å dekka 12 abonnentar. Kabelstrekket går over 750 meter og startar i ny nodestasjon ved Uskedal skule og går fram til eit koplingspunkt på Holmen. Kvinnherad Breiband brukar same taseen som for straum. Lågspenten til Holmen vart fornya for eit år sidan.
13.03.2019
God lyd i nye korpskometar!
Det var god lyd i skulen tirsdag då Uskedal skulemusikk inviterte til prøveblås for komande aspirantar.  Seks unge, lovande og forhåpentlegvis framtidige musikarar kom til samlinga, og alle saman fekk flott lyd i instrumenta.  Skulle det vera einkvan som av ein eller annan grunn gjekk glipp av samlinga, har dei framleis mulighet til å verta aspirantar den komande sesongen.
Sponsorar
Ospelunden
S. Rødsten Bilforretning A/S
Spar
Kvinnherad Vekstbedrift AS
Brødrene Hjønnevåg AS
Gros Blomster
Stord Lufthamn
Uskedal Båtlag
Auto 88
Kvinnherad Breiband
Kvinnherad Elektro
Zjakk Frisørsalong
Elins Matgleder
Uskedal Røyr og Multiservice
Solheim Turiststajson
kvinnheringen
Byggeriet
Kvinnherad Energi AS
Tysnes Sparebank
iDrift AS
grenda
Kvinnherad Renhold service
Sparebank 1 SR bank ASA
Kvinnherad Breiband
Utvikla av iDrift AS