Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
Vidar Haugland
Tlf nr:488 91 464
Hans Ordin Østebø
Tlf nr:907 56 032
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Imponert over musikklæraren sin!

23.04.2018
Klikk på bilete for full storleik
Nils Rainer Vågen har hatt flott utvikling dei siste åra med Linas Dankinevicius som dyktig lærar. Linas har også hatt aspirantane i skulemusikken.
 
Mellom publikum på den flotte konserten som Husnes og Holmedal sokneråd arrangerte i samarbeid med Høyåker musikklag i Valen kyrkje i kveld, var det også i underkant av 10 fornøgde uskedelingar.  Ein av dei var den lovande skulekorpsmusikanten Nils Rainer Strüter Vågen(14).  Han likte konserten svært godt, og var nok ekstra imponert av spelet til kulturskulelæren sin, Linas Dakinevicius.
 
Klikk på bilete for full storleik
Nydeleg var samspelet mellom Linas og Eva.
 
Det var eit variert, krevjande og godt samansett program arrangørane i Høyåker musikklag hadde sett saman i lag med dirigenten sin, Linas Dakinevicius, og kantor Eva Megyesi.  Korpset viser at samarbeid på tvers av bygdegrenser gjev svært godt resultat når dei har ein så dyktig musikalsk leiar som Linas.  Det starta med eit samarbeid mellom Utåker og Høylandsbygd, og det har vore særdeles vellukka.  No er det eit svært så oppegåande korps med medlemmer frå Etne og Skånevik i tillegg til Halsnøy og strekningen Valen til Utåker.  Dei er i overkant av 20 medlemmer.  For ikkje lenge sidan presenterte dei eit forrykande Blues Brothers-show, og i kveld fulgte dei opp med ein svært variert og god konsert som innheldt alt frå tyngre klassiske stykke via humoristisk musikk til frisk irsk dans.
 
I tillegg hadde dei to verkelege 'rosiner i pølsa' i dirigent Linas Dakinevicius og kantor Eva Megyesi.  Linas er den dyktige messinglæraren som har vore i kulturskulen siste åra.  Han framførte to stykke på instrumentet sitt, valthorn, først Elegie av Rachmaninov akkomppanert av Eva på piano.   Seinare i konserten spelte Eva orgel til då Linas framførte J. S. Bach sin Chorale frå Cantata nr.147.  Valthorn er heilt nydeleg når vi får høyre det av ein som verkeleg beherskar det krevjande blåseinstrumentet, og det fekk vi til fulle høyre i kveld.  Det er ikkje utan grunn at Linas har spelt på mange store scenar i Europa.  Eg håpar vi kan få oppleva han i Uskedal kyrkje og!!
 
Nok ein gong var Eva Megyesi sentral i konserten.  I tilegg til å oppleva henne som akkompagnatør for Linas fekk vi oppleva ho i to flotte solostykke på orgel, og i samspel med musikkorpset.  Saman spela dei to stykke, og vi fekk høyra både kammermusikk av Händel og ein fransk dans. 
 
Det var godt med publikum i Valen kyrkje denne mandagskvelden, og eg hadde inntrykk av at alle var fornøgde då dei gjekk ut kyrkjedøra.  Den gode kjemien mellom Eva, Linas og korpset smitta også over på publikum og resulterte i svært god stemning.
 
 
 
 
Klikk på bilete for full storleik
Høyåker er eit svært godt resultat av samarbeid over bygdegrenser.
Tekst, foto og nett:  Thor Inge Døssland
 
 
 
 
  Tilbake

 
Lesarbilete
Notisar
13.08.2018
Vasslekkasjen er lokalisert.
Vasslekkasjen er lokalisert til tett ved Eikebrua på utsida, i område der Roald Eik har verkstaden sin. 2 - 3 husstandar er omfatta av skaden. Eikelandet Brygge er på eigen ledning og har difor vatn. Det vert vurdert i morgon kva tiltak ein iverkset for å utbetra skaden.

kb
13.08.2018
Røysterett for Alle startar øvingane på torsdag kl. 19.
Blandakoret Røysterett for Alle byrjar øvingane frå og med torsdag 16.08.
Koret har øvingane i Helgheim, frå kl. 19.00-21.30, og har torsdag som fast øvingsdag. Nye medlemer er alltid velkomne!

Svein Rimestad
13.08.2018
Skulestart torsdag 16. august.
Skuleåret startar torsdag i denne veka, torsdag 16. august. 2. 7. klasse møter som vanleg kl. 08.20.1. klasse møter kl. 09.30. Det er 10 elevar i 1. klasse i år.

kb
12.08.2018
Ny lekkasje på nettet til Vassverket.
Uskedal Vassverk melder om ein større lekkasje på nettet. Lekkasjen er like stor som heile forbruket. Leiar, Hans Reidar Kjærland, bed om tilbakemelding dersom nokon ser vatn som renn ut. Om ikkje lekkasjen vert funnen, må Vassverket stengja ned deler av område for på den måten finna skaden. Meld frå til Hans Reidar Kjærland på mobil 997 01 819.

Vassverket.
11.08.2018
Sætre signerer bok på Libris Husnes i dag.
Harald Sætre kjem til Libris Husnes i dag, laurdag, kl. 12 for å signera den siste boka
61 VETERANBÅTAR PÅ VESTLANDET. Boka vart lansert på Hamnadagane i Haugesund og likeins promotert på Fjordsteam festivalen i Bergen sist helg.

kb
10.08.2018
Idrettsmerketaking måndag 13. august.
Det vert idrettsmerketaking for medlemer i Uskedal Idrettslag på Heio måndag 13. august kl. 17.30.  Alle er velkomne, både tidlegare og nye merketakarar.

Idrettslaget
09.08.2018
Orgeltonar og mannsgruppe i kyrkja 20. august.
Det vert sommarkonsert i kyrkja måndag 20. august. kl. 19. Kantor Eva Megyesi spelar mellom anna Handel og Bach på orgel. Mannsgruppa Bakmennene og musikkgruppa Rustne Menn er ein del av programmet. Bakmennene, som denne kvelden står fram som kvartett, syng to salmar tostemt. Meir informasjon kjem.

kb
08.08.2018
Styrketreninga for vaksne startar måndag 10. sept.
Uskedal Helselag melder at styrketreninga for vaksne startar måndag 10. september kl. 11 i Gamleskulen.Trimmen er gratis for alle som er medlemer i Helselaget. Andre må rekna ei lita avgift. Tilbodet er ope for alle, uansett alder.

kb
08.08.2018
Ei tofte til ein robåt på rek.
Dersom nokon finn eller har funne ei tjørebreidd tofte til ein robåt, er vi takksame om de melder frå til Kristian Bringedal på mobil 915 31 487. Tofta var på rek frå Beinavikjo mot Korsnes/ Rød.

kb
07.08.2018
Tekst av Ruben Aksnes og Dreamarcher i Tjerand Aske-boka.
I haust kjem Kristian Hus ut med ny bok.  Den er om bygdeoriginalen Tjerand Aske frå Fjelberg.  I mars i år gav Ruben Aksnes, som vi skreiv om i går, og bandet hans Dreamarcher ut albumet Harding med fokus på heimstaden.  Ein av songane på albumet er inspirert av Tjerand Aske sine opplevingar.  Som eit artig samantreff nemner vi at teksten til denne songen er gjengitt, med løyve frå Ruben Aksnes, i boka til Kristian Hus som kjem ut om nokre veker.

tid
Siste Nyhende
13.08.2018
450 billettar vert selde til Låvedansen på laurdag.
Det er ikkje berre Tysnesfest, Country Festivalen i Seljord og andre store festivalar som får vitjing av Gunslingers.  Laurdag 25. august kjem dei til Dønhaug i Uskedalen for sjette  gang for å stå for musikken.  På Dønhaug har dei samla full låve kvar gong dei har vore her. Det vert seld 450 billettar, alt på nettet via billetto.no. Det vert ikkje sal av billettar lokalt eller ved inngangen.
13.08.2018
Frå Minnesota for å finna plassen der oldefaren kom frå.
Peggy og Berge Johnson kom like frå Minnesota i USA for å finna plassen på Fjellandsbøle der oldefaren kom frå. Saman med eit barnebarn, Anders, har dei vore to veker på Rød, hos Anlaug Rød. Turen gjekk også til Hjelmeland i Ryfylke og like fram til bygda Fundingsland der oldefar til Peggy kom frå. Gjestene frå Minnesota kan sjå tilbake på minnerike dagar i Kvinnherad med dagsturar i område og i møte med norsk kultur.
11.08.2018
Spreke uskedelingar i Folgefonna Opp.
I dag vart det flotte motbakkeløpet Folgefonna Opp arrangert for 7. gong.  Løparane kjem i mål ved Fonnabu, og då har løparane lagt bak seg 11km og 1400 høgdemeter.  Det er litt av ein kraftprestasjon, men med veret som var i dag, var det heilt sikkert ei kjempeoppleving for sprekingar, og nokre av desse sprekingane er frå Uskedalen.
10.08.2018
Godt elvefiske etter opninga 4. august.
Med lite nedbør og vatn har Uskedalelva vore stengd i store deler av denne sommaren. Då er det gledeleg at etter opninga 4. august er det alt registrert fangst på meir enn 20 fiskar, om lag likt fordelt på aure og laks. Den største registrerte fangsten til no er laks på 6 kg. Det er elles teke fisk på 4,1 kg, 2,2 kg og 1,5 kg.  I snitt ligg vekta kring 2 kg. 
09.08.2018
Vakkert pynta ved thai-vogna.
At det er vakkert pynta i sentrum av bygda vår, er av stor verdi.  Det legg både fastbuande og tilreisande merke til, og alle set pris på at det er fint og ryddig.   Alle er nok einige i at sentrumsbildet fekk eit skikkeleg løft etter at Gro opna blomsterbutikk.  Derfor er det kjekt å sjå at andre følgjer opp for å gjera sentrum så fint som mogeleg.
09.08.2018
Ny trafo er på plass i Sekundærstasjonen.
Den nye trafoen vart løfta og jekka på plass i Sekundæren i går, onsdag 8. august. Arbeidet med oppgradering av stasjonen og linenettet har stort sett gått etter oppsett plan. Den nye trafoen er på 46 tonn og har ei yteevne på 30 MVA ( mega volt ampere ). Trafoen frå 1971 vog mest like mykje, men hadde ei yteevne på 20 MVA. Arbeidet vert gjort for å auka kapasiteten og sikra ei stabil drift.
08.08.2018
Uskedalen - vår andre heimplass.
Noreg er vårt andre heimland og Uskedalen er vår andre heimplass, seier ekteparet Christa og Lothar Hannuschka til Uskedalen.no på den siste dagen før avreise frå Rabben Feriesenter i Uskedalen til Dortmund i Tyskland. Frå 1990 og kvart år framover har Christa og Lothar lagt ferien sin til Uskedalen. På desse 28 åra har dei knytta kontakt med bygda og folkelivet her. Dei har mange minne og gode opplevingar å sjå tilbake på.
08.08.2018
Trivleg hagekonsert for 90-årig æresmedlem.
I 1986 var Trygve A. Haugland utnemnd til æresmedlem i Uskedal musikklag.  Den 13.juli runda den spreke tidlegare musikaren 90 år.  Då han feira dagen med ope hus i Helgheim var musikklaget forhindra i å spela då storparten av grovmessingen var bortreist på ferie.  Dermed vart øvingskvelden tirsdag brukt til å heidra æresmedlemmen med ein liten konsert.
07.08.2018
Cruisebåtsesongen held fram til ut i september.
Cruisebåtsesongen er ikkje over. Det var meldt inn i overkant av 25 anløp til Rosendal denne sommaren og av desse er det fem anløp som står att på på lista. Nokre av skipa i mellomstorleiken går gjennom Storsund. Dette gjeld særleg på seglasen ut fjorden på ettermiddagen og kvelden. Fred Olsen sitt cruiseskip MS BRAEMAR passerte Uskedalen i kveld i 18.30 tida. Skipet hadde eit kort stopp i Rosendal og plukka opp passasjerar som kom med buss frå Eidfjord.
Sponsorar
S. Rødsten Bilforretning A/S
Tysnes Sparebank
Brødrene Hjønnevåg AS
iDrift AS
grenda
Kvinnherad Breiband
Spar
Stord Lufthamn
Uskedal Båtlag
Elins Matgleder
Kvinnherad Elektro
Sparebank 1 SR bank ASA
kvinnheringen
Gros Blomster
Auto 88
Kvinnherad Renhold service
Zjakk Frisørsalong
Byggeriet
Kvinnherad Energi AS
Kvinnherad Vekstbedrift AS
Solheim Turiststajson
Uskedal Røyr og Multiservice
Kvinnherad Breiband
Utvikla av iDrift AS