Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
Vidar Haugland
Tlf nr:488 91 464
Hans Ordin Østebø
Tlf nr:907 56 032
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Jubilanten Røysterett for Alle - historikken.

12.04.2018
Klikk på bilete for full storleik
Røysterett for Alle i jubileumsåret 2018.
 
Svein Rimestad var i mange år skrivar i Røysterett for Alle. Årsmeldingane hans var noko meir enn berre turre fakta om lagsdrifta. Frå programhefte til jubileumskonserten på laudag tek vi med det Rimstad skriv i kortfom om oppstarten og utviklinga fram til det koret er i dag. Gjestekoret Rosendal songlag vert også omtala i dette innlegget.
 
Klikk på bilete for full storleik
Koret på Stemneplassen 1989. Songgleda og den nasjonale fridomskjensla var stor.

Røysterett for Alle

  

Blandakoret Røysterett for Alle vart til ved eit slumpetreff, høyr (les) berre:
 
Hausten 1987 vart det vedteke at kulturprisen skulle tildelast Bjørgulv Eik, Uskedalen. Kristian Bringedal og fleire med han tykte at her laut ein på eitt eller anna vis og gje ein lokal honnør til prisvinnaren. Bjørgulv hadde i lang tid hevda svært så hardnakka at bygda absolutt skulle hatt eit songkor att. Det vart då semje om at eit høveleg innslag i det minste laut vera å heidra han med firstemt song. 

  

Rundt 15 kvinner og menn vart difor tromma saman til intens øving fram mot prisutdelinga. Folket rakk å øva så pass at innslaget ved kulturpristildelinga vart positivt, både for dei som høyrde på og for dei som song.

I ettertid var det semje om at synginga hadde gjeve meirsmak. Det vart difor vedteke at her måtte ein berre setja i gang.
 
Eit intenst arbeid vart gjort med å få til framlegg til vedtekter, og skipingsmøte vart halde 19. mars 1988.  Styre vart valt, namneframlegg stemt over, og blandakoret Røysterett for Alle vart eit faktum frå denne dagen.

  

I starten var me eit kor på snautt 20 - berre uskedelingar.  Etter kvart har det kome til medlemer frå vidt om: Frå Sunde til Løfallstrand – to medlemer reiser til og med over fjellet frå Matre og Åkra for å vera med på øving og framføring. For tida har me rundt 30 medlemer.
 
Som det går fram av plakaten til konserten, er røysteurna ein logo me nyttar ein del, og namnet vårt indikerer i tillegg at me tek imot interesserte songarar (røyster) med opne armar.
 

Me har vore med på ulike prosjekt opp gjennom åra, og har både reist og halde konsertar utanlands.
 
Til hausten står Polen for tur.
 

 
  

Rosendal Songlag
 

Rosendal Songlag vart stifta i 1883, og er eit av dei eldste blandakora i Noreg. 

Medlemstalet har variert, men er no ca. 20-25. 
 

Koret sitt overordna mål er å skapa interesse for god korsong og arbeida for musikalsk utvikling i eit sosialt miljø slik at koret kan stå fram som eit interessant kulturtilbod i lokalsamfunnet. Repertoaret skal vera variert, både profant og religiøst. Alle som har interesse for song og lyst til å syngja, kan verta medlem.
 

Koret har konsertar og deltek i arrangement i lokalsamfunnet. Dei siste åra har koret mellom anna samarbeidd med Hardanger Big Band og Jazzverket. Koret har og reist utanlands og hatt konsertar i Italia, Irland, Latvia og Polen, og i juni står Ungarn for tur.

  

Koret har gjennom åra hatt mange dirigentar, men dei siste 15-20 åra kan vi nemna Sjur Magnus, Dagfinn Reinertsen, Maria Malmsten og noverande dirigent Eva Megyesi.
 
 

Tekst/foto: Svein Rimestad/ Unni Nedrevåg
Foto Røysterett for Alle 1989: Helge Sunde
Nett: Kristian Bringedal
 
 

 
 
 
Klikk på bilete for full storleik
Gjestekor: Rosendal Songlag med sin dirigent Eva Megyesi.
 
 
  Tilbake

 
Lesarbilete
Notisar
24.01.2019
Elins Matgleder utvidar i Skålagato.
Elins Matgleder utvidar sine restauranttilbod i Skålagato. Frå påske overtek ho nabokafeen. Det er Grenda som skriv dette i dag på si nettside.

kb
23.01.2019
Nordsaang til Åkra på Nyttårskonsert.
Neste månag vert kyrkjekoret Nordsaang med på Nyttårskonsert i Åkra kyrkje. Sokneprest Kjersti Brakestad Boge les dikt og dottera Elisabeth spelar trompet. Eva Megyesi sit ved orgelet i tillegg til å vera musikalsk leiar for Nordsaang. Soknerådet i Åkra er tilskipar.

kb
22.01.2019
Valkurs for sokneråda i Sunnhordland.
Førebuingane til Kyrkjevalet 2019 er starta. I dag vert det skipa til valkurs på Leirvik for soknerådsmedlemer og for tilsette på kyrkjekontora i Sunnhordland prosti. Ein medlem frå soknerådet i Uskedalen er påmeld.

kb
21.01.2019
Glatte sidevegar - ikkje strøing eller salting enno.
Kommunale sidevegar i Uskedalen er glatte og mest uframkommelege. Særleg vanskeleg er det i Eikevegen, vegen ned til Beinavikjo og vegen opp i Halsane. Alle må vera merksame på det vanskelge føre og helst bruka broddar om ein skal på gåtur.

kb
20.01.2019
Målingar syner for høg fart i Korsneset.
Statens Vegvesen sine målingar i Korsneset syner ein snittfart på 67 km/timen. Heile 85 % av alle køyrande har ein fart på 67 km/timen eller høgare. Fartsgrensa er 60 km. Målingane er ein del av dokumentasjonen før ein iverkset trafikksikring ved kryssing av Fylkesveg 48 ved Korsneset/Ospelunden byggefelt.

kb
20.01.2019
Søknadsfristen nye Hydrojobbar er i dag.
Hydro Husnes treng 90 nye medarbeidarar ved oppstart av B hallen. Søknadsfristen er i dag, sundag 20. januar. Alle kan søkja, sjølv om ein helst ynskjer fagarbeidarar.

kb
19.01.2019
Fleire hus til sals i Uskedalen.
Ein lesar gjer oss merksam på at det er fleire enn 6 hus til sals i Uskedalen. Dersom du går inn på Finn.no og søkjer opp Bolig - Uskedalen, vil du finna alle salsobjekta som er lagt ut av hus/bustader.

kb
19.01.2019
Karusellrenn i Fjellhaugen i morgon, sundag 20. januar.
Det er skirenn i Fjellaugen i morgon, sundag 20. januar. Uskedal idrettslag er tilskipar. Det er eit karusellrenn klassisk. På Uskedal idrettslag si heimeside finn du skjema for påmelding.

kb
17.01.2019
Kjell Yri er med og går opp nye turløyper på La Gomera.
Kjell Yri har i denne veka vore med i eit turfylgje for å gå opp nye ruter på den kanariske øya La Gomera. Det er gjort i regi av reiseselskapet Rundtomkring. Mona Enes og Kjell Yri er engasjert som turleiarar på Kreta. No vert turtilbodet utvida til også å ta med La Gomera.

kb
17.01.2019
Kommunen, bygdelaga og utviklingsselskapa.
Kva rolle og funksjon skal kommunen ha i høve til bygdelag og utviklingsselskap ? Kvifor er Kvinnherad kommune medlem i og har luter i Rosendal utvikling og ikkje i Uskedal utvikling. Det er det som er spørsmålet i sak i F.skapet i dag. Rådmannen rår til utmelding og at det er lik praksis overfor alle bygdeutviklingslaga i kommunen.

kb
Siste Nyhende
23.01.2019
Ny varebil med logo for kvar avdeling.
Kvinnherad Vekstbdrift er i sterk utvikling med varelevering og nye tiltak. For nokre månader sidan fekk verksemda ny varebil, ein Mercedes Sprinter, varebil 2016 modell med lift. Bilen vert definert som varebil i klasse B. Med lastekapasitet på 1000 kg vert bilen nytta til transport av møblar og transport av varer ut og inn til vaskeriet. Kvinnherad Vekstbedrift har nyleg fått ein større kontrakt på levering av varer frå vaskeriet, noko Uskedalen.no kjem tilbake til i eige innlegg.
22.01.2019
God start på årets skikarusell og barneskirenn.
Årets skikarusell og barneskirenn er i full gang. Med heile 34 born i barneskirennet og 30 born i karusellrennet er Knut Johannes Ripel i arrangørgruppa godt nøgd. Det har rett nok vore ein liten nedgang i deltakinga dei siste åra, ein tendens ein prøver å snu. Uskedal Idrettslag var teknisk arrangør for det fyrste karusellrennet denne sesongen.
21.01.2019
Det dagast i Noreg med sol på tind.
Overskrifta er henta frå Jens Tvedt sin song Solfest eller mest kjend som Det dagast i Noreg. På fine dagar ser vi glytt av sola, meir og mindre sol alt etter kor du bur i Uskedalen. På Fjellandsbø/ søre Musland og Skorpo har dei sol heile året. Liv og Audun Eik på søre Kjærland og Håkon Haugland i Urdo har ein liten solglytt, faktisk berre 4 minuttar sol på det minste. Nokre på Haugland ser i sola straks etter. På nokre veker auka tida til ein time.
21.01.2019
Hydroutbygginga har positiv næringseffekt i Uskedalen.
Den store Hydroutbygginga på Husnes har positiv effekt på næringslivet i Uskedalen. Dette er mest synleg på vareleveranse og på overnatting. Sist veke fekk Uskedal Trelastlager anbodet på levering av materialer til det som skal vera understellet på brakkeriggen på Bogsnes. Det er Stord Innkvartering ved dagleg leiar Leif Trygve Nilsen som er utbyggjar og som valde Uskedal Trelastlager som leverandør.
19.01.2019
Skiløparar frå Uskedalen hevdar seg på kretsnivå.
Fire skiløparar i alderen 11 til 15 år gjer det godt på kretsnivå. Dei er med i eit fast gruppe frå Kvinnherad som reiser på kretsrenn. Dei har det kjekt sosialt og hevdar seg svært godt med alle sine prestasjonar. Anna Elisabet Samland Eik har faktisk 3. plassen i kretscupen så langt i sesongen. Alle går klassisk stil.
18.01.2019
Byggesteg 3 i Ospelunden med veg,vatn og kloakk er godt i gang.
Ospelunden AS ved Oddbjørn Kroka har starta arbeidet med veg, vatn og klokakk i det som er byggesteg 3 i Ospelunden. Musland Maskin gjer arbeidet med eigne og innleigde maskinar. Ein reknar med å bruka tida fram til sommaren før alt er på plass og ferdigstilt. Innan to månader skal høgspentlina ned og leggjast i vegbanen. Prosjektet er i samarbeid med Kvinnherad Bygg og ein legg vekt på å bruka lokale firma på bygg, elektro og røyr.
17.01.2019
Hus og bustader som vert selde i Uskedalen.
I ein oversikt i Kvinnheringen nyleg kom det fram at 6 hus/bustader ligg ute for sal i Uskedalen. Tre av desse ligg på Tveitane langs Uskedalsvegen, del av tremannsbustad ligg i Halsabrotet 7B og del av tomannsbustad ligg i Ospelunden 9A. Det har til tider vore god omsetnad på husvære i Uskedalen. Det som er av leilegheter, er delvis utleigd i samband med Hydroutbygginga på Husnes.
15.01.2019
kr. 180.000,- av grasrotmidlane til Uskedalen.
Knappe kr. 180.000,- av Grasrotmidlane går til 8 ulike laga og organisasjonar i Uskedalen. Midlane kjem frå Norsk Tipping. Dersom laget er registrert i Frivilligregisteret, kan 7 % av det tipparen spelar for gå til eit lokalt lag. I Uskedalen er det åtte organisasjonar som vert overført midlar for 2018. Uskedal Idrettslag toppar lista med ei løyving på kr. 91.332,- frå tilsaman 136 brukarar. Minst overføring er det til Uskedal Friluftslag med berre ein tippar.
14.01.2019
Kommunen inviterer til Dialogkafe i Helgheim, onsdag i denne veka.
Representantar frå Uskedal Helselag og Uskedal Utvikling vil vera med på Dialogkafe i Helgheim, onsdag 16. januar på dagtid. Det er Kvinnherad kommunen som inviterer til samlinga som vil ha fokus på den eldre delen av befolkninga. Dialogkafeen vert skipa til for å få innspel til arbeidet med ny kommunedelplan for omsorg, helse og sosiale. Det som før har vore delplanar, vil no bli samla i ein felles helse- og sosialplan.
Sponsorar
S. Rødsten Bilforretning A/S
Spar
Kvinnherad Vekstbedrift AS
Brødrene Hjønnevåg AS
Gros Blomster
Stord Lufthamn
Uskedal Båtlag
Auto 88
Kvinnherad Breiband
Kvinnherad Elektro
Zjakk Frisørsalong
Elins Matgleder
Uskedal Røyr og Multiservice
Solheim Turiststajson
kvinnheringen
Byggeriet
Kvinnherad Energi AS
Tysnes Sparebank
iDrift AS
grenda
Kvinnherad Renhold service
Sparebank 1 SR bank ASA
Kvinnherad Breiband
Utvikla av iDrift AS