Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

5års-jubileum hos Elins Matgleder.

19.11.2017
Klikk på bilete for full storleik
Det var mykje folk opningsdagen for 5 år sidan.
 
Det er no 5 år sidan Elins Matgleder vart opna med korpsmusikk av Uskedal musikklag, opplesing av stuntpoet Arne Torget og eit stort publikum.  Elins Matgleder har no vore eit aktivum i bygda til glede for mange i desse fem åra, og komande helg vert det stor jublileumsfeiring på Nedre Feet.
 
Klikk på bilete for full storleik
Elin Enes styrte butikken saman med dottera Anine. Etter det har det blitt mange timar i bakehuset på dei to.
 
 
Det vert lagt opp til feiring i minst 3 dagar, ja, no i førjultida er det så mykje fint og godt der at vi kan vel mest seia at feiringa varer heilt fram til jul.  Det offisielle jubileumsprogrammet startar fredag 24.11.  Då vert det opning av julesiloen.  No har ikkje butikken 'avdeling' i berre ein silo.  Husbonden, Geir, er nemleg nett ferdig med innreiinga av den andre siloen til butikk, og denne er klar til opning til jubilèet. Dermed er det to 'silobutikkar'. Elles vert det eit innhaldrikt program der m.a. dei flinke syngedamene i vokalensemblet Glimrah kjem og syng fredag.  Laurdag kjem Gina Hella Berge-Soldal med dei fine klea Laga på Holmen.

Elles ser programmet for dei 3 dagane slik ut:

Fredag:
kl 10.00: Opning av julesiloen
Kl 16.00-19.00 Pizzabuffet kr 129,-
Kl 19.00: Glimrah syng julesongar
Heile dagen: Skulebollar kun kr 10,-!!!
Trekning av ein julekalender med 24 flotte gåver på slutten av dagen
Kl 20 stengjer butikken.

Laurdag:

Kl 10.00:Gina kjem med klea Laga På Holmen
Kl 11.00-15.00: Julegraut med mandel kr 75,- pr pers
Heile dagen: Skulebollar kun kr 10,-!!!

 
Søndag:
Familiejulabord til jubileumspris 250,- pr pers (barn u 10 år 125,-)
To bordsete: Bestill bord til kl 14.00 eller til kl 16.00 Tlf: 470 12 125
Me serverer pinnakjøt med godt tilbehør, riskrem der du kan finna mandelen, frukt, julekjeks og konfekt. 
Flotte premiar.
 
 

Det vert heilt sikkert koselege dagar der det er råd å få gjort unna ein god del av julegåvehandelen.  Julestemning vert det også.

 
Arne Torget framførte dikt opningsdagen.
Diktet Arne Torget framførte under opninga for 5 år sidan:


Elin Enes er ei flotte jente og heilt unik
når ho jobbar med mat, ja då føler ho seg rik.
Ho lagar kunstverk av maten sin
sjølv ei skjeva laga av Elin er noko du
får lyst å ramma inn 
 
Eg spår Elins Matgleder gode tie
for Uskedalen blir det det nye Baronie
ho lagar mat med glimt i auga og humør
så kvifor ikkje tinga noko
du ikkje har smakt på før! 
 
Uskedalen har det beste frå fjelll til fjord
med råvarer til å dekka det lekraste bord
du er så kreativ at eg har ikkje ord
blir det neste lutafisk frå
Hjønnevåg med sprø svor? 
 
No har du fått det tøffaste mathuset i Noregs land
som er utforma og bygd med kjærleg hand
mannen din Geir har vore med å heia 
og sett sitt preg
han kjeme snart te å bli større enn meg 
 
Gaute Haugland har malt ein flott fasade
som gjer oss forbipasserande stolte og glade
det ligg der bak Kapteinsgarden som eit fata morgana
og er eit smykke med symbolverdi som uskedalegrana
 
Gratulerer med ein draum som blei sann
med hjelp av familie, vener, ungar og mann
no står det her, klar til matgledeproduksjon
må di gje oss kulinariske
opplevelser og inspirasjon!
 

Foto, frå opningsdagen:  Ola Matti Mathisen
Tekst og nett:  Thor Inge Døssland
 
 
 
  Tilbake

 
Lesarbilete
Notisar
28.09.2020
Vil du vera med i Gjestebod for ny kulturminneplan.
Gjestebod er ei arbeidsform som vert brukt for å koma med innspel til kommunale planar. No gjeld det Kulturminneplan for Kvinnherad kommune. Ei gruppe på 4 - 6 personar jobbar nokre timar og finn fram til nokre prioriterte kulturminne i Uskedalen med tanke på vern og formidling. Samlinga er torsdag 1. oktober. Meld frå til underteikna. Anten e-post: kristian.bringedal@gmail.com eller mobil: 915 31 487.

kb
27.09.2020
Berga turgåar i Ulvanoso med helikopter
Ein person på tur til Ulvanoso i Kvinnherad måtte bergast ned av redningshelikopter kring klokka 18 søndag kveld. Skadeomfanget er uklart, men hovudredningssentralen i Sør-Noreg opplyser at ingenting indikerer at vedkomande er alvorleg skadd. Det er NRK Hordaland som melder dette.

kb
26.09.2020
Saknar du katten din - kontakt Karianne Foss på øvre Fet.
Ein ukjend, ung og svart katt er teken hand om på øvre Fet. Saknar du katten din, ta kontakt med Karianne N. Foss på mobil 454.29.558.

Siste: Eigaren har meldt seg og er svært glad og takksam for at Karianne tok ansvar for katten. Alle er nøgde.

kb
25.09.2020
Har du salmeynskje - kom på Salmekveld onsdag 14. oktober kl. 18.00.
Soknerådet saman med kantor Eva Megyesi skipar til ny salmekveld onsdag 14. oktober kl. 18.00. Dersom du har salmeynskje, meld frå til Kristian Bringedal på e-posten: kristian.bringedal@gmail.com. Eller mobil: 915 31 487. Kyrkjekoret Nordsaang og kvartetten ÆRE syng. Eva Megyesi på orgel og klaver.

kb
24.09.2020
Fylkesmannen stadfestar vedtak om avslag i vegsak på Flatholm.
Karl Otto Gravdal klaga på vedtak i Forvaltningsutvalet i møte 11.03.20, sak 2020/21, om å sei nei i søknad om dispensasjon frå LNF krava for å laga tilkomstveg til fritidsbustad på Flatholm, gbnr.123/109. Fylkesmannen stadfestar vedtaket i Kvinnherad kommune, og seier med dette nei til søknad om dispensasjon. Fylkesmannen sitt vedtak er endeleg og kan ikkje klagast på. 

kb
24.09.2020
Maria Malmsten har nokre ledige songtimar på torsdagar.
Det er nokre ledige songtimar på torsdagar etter kl. 13.00. Maria Malmsten er songpedagog. Dette songtilbodet er for alle, ikkje berre for dei som syng i kor. Undervisninga er i Gamleskulen, i den perioden møterommet på Stemneplassen vert renovert. Interesserte: Ta kontakt på mobil 976 99 887.

kb
21.09.2020
Varsel om politiøving i Uskedalen.
I området Uskedalen vil det bli gjennomført ei øving for politiet onsdag 23. september. Øvinga vil vera synleg i sentrum, både med kjøretøy og personell. Trafikken vil stort sett gå som normalt. Grunnen til at øvvinga er lagt til Uskedalen, er tilgang til eigna øvingsobjekt.

Knut Olav Myklebust - koordinator for operativ trening, Vest Politidistrikt.
20.09.2020
Ny bokbuss - stopp ved Grano i morgon, måndag kl. 17.05
Den nye bokbussen er på plass. Bussen har alt vore på Uskedal skule med bokutlån til elevane. I morgon, måndag 21. september, er det lagt inn stopp i sentrum, ved Grano, mellom kl. 17.05 og kl. 17.30. Møt fram. Lån bøker. Lever inn bøker eller du kan tinga bøker for lån. Bruk bokbussen.

kb
18.09.2020
Jan Morten Myklebust - gjest i sofapraten i Nysæter kyrkje.
Nysæter kyrkje på Stord har eit fast innslag dei kallar I sofakroken. Tidlegare prest i Kvinnherad, Reidar Ådnanes, inviterer utvalde personar til prat om viktige spørsmål i livet. Tittelen i møte med flyhamnsef Jan Morten Myklebust ( frå Uskedalen ), er: Høgt og lågt - i medvind og motvind. Samtalen vil mellom anna handla om det å takla ulukker. Nysæter kyrkje - tysdag 29. september.

kb
17.09.2020
Anja Njøten Leite - nytilsett lærar på Uskedal skule.
Anja Njøten Leite er tilsett i den ledige stillingen på Uskedal skule. Det var stor interesse. Heile 15 personar var på søkjarlista. Anja har takk ja og vil ta til i den nye jobben med det fyrste. Det er rektor, Odd Steinar Arnesen, som fortel dette til Uskedalen.no.

kb
Siste Nyhende
27.09.2020
Tilbygg og lettare tilkomst til lagshytta Fjelly.
Arbeidet med tilbygg til lagshytta Fjelly er godt synleg. Ramma, reiseverket og taket er på plass. Bordkledning og golv er det neste. Tilbygget skal brukast til lagring av ved og anna naudsynt utstyr. Stien frå Hauglandsfjellet og ned til Mannsvatn er lagt litt om og utbetra på det våtaste plassane. Dugnadsgruppa og hyttestyre har stått for arbeidet.
26.09.2020
Busstreiken er eit faktum - ingen ruter gjennom Uskedalen.
Frå kl. 06.00 i dag er busstreiken eit faktum. Ingen bussar i ordinær trafikk vert å sjå i Uskedalen. Det gjeld all busstrafikk, også skulerutene. Krava til sjåførane går på løn, arbeidstid og sikkerhet. I Skyss sitt rutehefte les vi at Uskedalen har 11 avgangar i kvar retning måndag til fredag. I tillegg kjem skuleskyssen til og frå Steinsletto, Rød og Musland.
25.09.2020
Gapahuken på Flåtene er klar til bruk.
Dugnadsgruppa med Pål Haugland som leiar er i innspurten på arbeidet med gapahuken på Flåtene i Eikedalen. Berre noko lite står att. Det er lagt ned eit stort arbeid, nøye gjennomtenkt i materialval, utføring og plassering. Arbeidet med gapahuken på Klepp på Hauglandsfjellet er i full gang.
24.09.2020
Reguleringsplan - fyrste steget fram mot eit ferdig prosjekt.
Det er varsla oppstart av arbeidet med reguleringsplan for eit utvida aktivitetshus med klatrehall. Uskedal Idrettslag ved Klatregruppa inviterte til eit to timars informasjonsmøte, organisert som som stand, i går. Alt kl. 19.00 var naboar og andre intereresserte møtte fram for å få vita meir om innhaldet og prosessen. Det er rekna fire steg i sjølve prosjekteringa. Fase ein er reguleringsplan.
23.09.2020
Skonnerten IDEAL av Kristiansund i Storsund i dag.
Det var ei staseleg skute som i 15 tida i dag, onsdag 23, september, kom inn Storsund på sin seglas til Rosendal. IDEAL er kopi av skonnerten ROSENHEIM, bygd på Skaaluren Skibsbyggeri 1910. Det vart bygd fire farty av denne typen tidleg på 1900 talet. Originale teikningar frå perioden 1903 - 1910 er lagt til grunn, men bygginga er tilpassa dagens krav til styrke og passasjersertifikat.
23.09.2020
Melding om oppstart - invitasjon til møte om detaljregulering for Aktivitetshuset.
Uskedal Idrettslag, konsulentfirma Civitas og arkitekt frå Lala Tøyen inviterer til oppstartmøte/stand i kveld, onsdag 23. september kl. 19 - 21, som gjeld detaljregulering knytta til utbygginga av Aktivitetshuset i sentrum av Uskedalen. Det vel 10 dekar store planområde omfattar både offentleg og privat areal. Uskedal Idrettslag er forslagsstillar. Civitas AS er plankonsulent. Lala Tøyen er arkitekt og landskapsarkitekt.
22.09.2020
Ny bokbuss med tre stopp i Uskedalen.
Den nye bokbussen i Kvinnherad er på plass og har starta køyreruta for hausten. Uskedalen er lagt inn med tre plassar for stopp. Det er Uskedal skule, sentrum v/ Gamleskulen/Grano og Dønhaug Gardsbarnehage. Bussen er svenskbygd, frå Fellvings i Billesholm. Det er ei lita verksemd som har spesialisert seg på bussar for mobile tenestetilbod, som blodbankbuss, tannlegebuss og bokbuss.
22.09.2020
Gode helsingar til Carsten Mrusek - ny sokneprest i Uskedalen.
Carsten Mrusek er tilsett som sokneprest i Uskedalen, Ænes og Åkra sokn, førebels for eit år. På innsetjingsgudstenesta sist sundag vart det sagt fram helsingar med gode ynskje for den tenesta han skal gjera i vår norske kyrkje. Soknerådsleiar, Sigmund Myklebust, las brevet frå biskopen  Bjørgvin, Halvor Nordhaug. Prosten i Sunnhordland, Svein Arne Theodorsen, henta orda frå 1. mosebok, kap. 32 om å leva i nåden og dela Guds ord med alle.
21.09.2020
Bruk 1,B på Skorpo - innspel til Kulturminneplan.
Ei gruppe på fem medlemer, som har arbeidd etter metoden Gjestebod, har sendt innspel til ny kulturminneplan i Kvinnherad kommune. Gruppa har samla seg om bruk 1, B på Skorpo, det som ofte vert kalla Tunet i det blå, etter tittelen på Herbrand Lavik sin roman på John Griegs forlag 1945. Arbeidsgruppa har vurdert den kulturhistoriske verdien ved å ta vare på gardsbruket etter at den siste eigaren, Johannes Hauge, døydde i 2019.
Sponsorar
Rabben feriesenter
Eidsvik Eigedom AS
Kvinnherad Vekstbedrift AS
Kvinnherad Elektro
Uskedal Båtlag
Spar
Gros Blomster
Solheim Turiststajson
Kvinnherad Renhold service
Uskedal Røyr og Multiservice
Auto 88
Ospelunden
Brødrene Hjønnevåg AS
Kvinnherad Energi AS
S. Rødsten Bilforretning A/S
Kvinnherad Breiband
Stord Lufthamn
Zjakk Frisørsalong
kvinnheringen
Sparebank 1 SR bank ASA
Grenda
Tysnes Sparebank
iDrift AS
Kvinnherad Breiband
Utvikla av iDrift AS