Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
Vidar Haugland
Tlf nr:488 91 464
Hans Ordin Østebø
Tlf nr:907 56 032
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Spar Uskedalen sitt herlege sylteflesk er i salg.

08.11.2017
Klikk på bilete for full storleik
Du får det ikkje betre; - Spar Uskedalen sitt heimelaga sylteflesk!
 
Årets julebrus og julemenn har vore på plass i butikkane lenge utan at eg har følt meg frista til å smaka.  Men då Gunn Mari Moberg sitt sylteflesk kom i hyllene på Spar Uskedalen, pirra førjulsstemninga i meg.  Første dag eg oppdaga det, måtte eg berre kjøpa.  Eg måtte smaka!! Og aldeles herleg var det i år òg.
 
Etter at faren, Harald Nilsen, døydde for 20 år sidan, er det Gunn Mari Moberg som har sikra at kundane framleis kan kjøpa det velkjende og gode sylteflesket på butikken.
 
- Eg fekk heldigvis laga saman med han dei siste åra han levde, og det var derfor naturleg at eg heldt fram produksjonen.  Sylteflesket var alt då kjempepopulært og mange strøymde til Sanden for å sikra seg det, fortel Gunn Mari om oppstarten sin.  Ho fortel at faren i starten laga sylta heime på kjøkkenet, og det begrensa det til at det vart laga ei form i gongen. No brukar Gunn Mari det gode kjøkkenet i butikken, og ho lagar 8-10 former i slengen.  Ho skryt av den nye omnen og fortel at dei kan koka opp til 30 kg kjøt i gongen.
 
-  Det har no vorte tradisjon at vi startar første helga i november.  Eg har ikkje fast oppskrift, men brukar håndamål så smaken kan variera litt frå gong til gong, ja, faktisk frå form til form.  Ofte er eg litt for forsiktig med krydder i starten av sesongen, seier ho altfor beskjeden, og legg til at ho i år syntest det var litt for mykje salt og litt for lite pepar i første runden.
Underteikna kan avkrefta dette!  Det smaka knallgodt!  Middagen vart sløyfa denne dagen, og den gode erstatningen var skiver med sylteflesk.  Mmmmmmmmm....  Det set ikkje berre tankane mot ei jul med julestemning og mykje god mat.  Det får og fram gode minne om sylteflesket og all den gode heimalaga maten mor mi laga.  Gunn Mari sitt sylteflesk minnar meg sterkt om mi mat- og kjøkkenflinke mor.  Eg finn ikkje sylte i andre butikkar som kan måla seg med Gunn Mari si!
 
- Det er jo ei enkel oppskrift.  Eg passar på at svinekjøtet ikkje vert for feitt, og av og til brukar eg litt oksekjøt for å redusera feittet.  Elles er det berre salt, pepar og nellik i forhåpentlegvis passande dosar, fortel ho og prøver å få meg til å tru at det er enkelt, men eg veit noko anna Eg har endeleg prøvt!!
 
I dag har eg heldigvis kjøpt nytt brett med sylteflesk.  Det er mange som gjer det same.  Dei kjem ikkje berre frå heile Kvinnherad.  Gunn Mari fortel at mange som ferierer i Uskedalen om sommaren, kjøper julesylteflesket i Uskedalen. 
- Eg fekk forresten nett bestilling frå nokre som bur i Bergen, seier ho om det.  Underteikna kjenner også til sommarferiegjester frå Nordhordland som må ha ein Uskedalstur før jul.  Julesylteflesket frå Nilsen er eit must!  Det blir ikkje jul utan det!
 
Avslutningsvis spør vi Gunn Mari om det er annan lokal julemat som dei sel, som utmerkar seg.  Då svarar ho kjapt:
- Hjønnevåg sin lutefisk.  Den får vi mange gode tilbakemeldingar på!
 
Nei, julemenn, julebrus og anna kan berre venta, men sylteflesket klarer eg ikkje å styra unna.  Det må eg berre ha, også no i førjulstida!
 
Tekst, foto og nett:  Thor Inge Døssland.
 
 
 
 
 
  Tilbake

 
Lesarbilete
Notisar
21.09.2018
Strikk og drikk i Helgheim i kveld, fredag 21. sept.
Strikk og drikk har si fyrste samling for hausten i Helgheim i kveld, fredag 21. septnber, kl. 19.30.Det vert enkel servering med kaffi og te. Anna drikke på ein ha med sjølve. Ta med strikketøy eller anna handarbeid.

kb
19.09.2018
Ny butikk - kaffi og kake i morgon, torsdag 20. sept.
SPAR ynskjer velkomen til markering for at arbeidet med renovering og nye installasjonar er på plass. Det vert servert kaffi og kake frå kl. 10 i morgon, torsdag 20. september. I tillegg til tilboda denne veka, går SPAR ut med ekstra gode tilbod på nokre varer, mellom anna på kylling.

kb
19.09.2018
RYGERFONN til kai på Børneset.
Sterk vind i kveld og i natt gjer at RYGERFONN og MATHILDE ligg til kai i Uskedalen. RYGERFONN kom til Uskedalen kl. 19 etter endt rute frå Bergen til Rosendal. Vinden frå sørvest er varsla med styrke storm i vindkasta. Hardangerjakta MATHILDE ligg ved Sandakaien.

kb
19.09.2018
Bingoen startar i dag, onsdag kl. 19.
Bingoen i ungdomslaget startar i dag, onsdag 19. september, kl. 19 i Helgehim. Bingoen er eit fast innslag i Uskedalen, kvar onsdag. Frammøte er godt og tiltaket gjev ungdomslaget gode inntekter til lagsdrifta.

kb
19.09.2018
Ei travel veke for kyrkjekoret Nordsaang.
Neste veke vert ei travel veke for kyrkjekoret Nordsaang  og kantor Eva Megyesi med tre oppdrag. Bakgrunnen er bispevisitasen med mange arrangement. Tysdag kveld er det salmekveld i Husnes kyrkje, onsdag temakveld i Uskedalen og til slutt visitasgudsteneste i Kvinnherad kyrkje sundag kl. 11.

kb
18.09.2018
Kafe Tiaren 11 år i dag.
For nøyaktig 11 år sidan opna Kafe Tiaren, tysdag 18. september 2007, i Gamleskulen. Kafeen har vore i drift i alle år etter oppstarten og det utan stopp. Kafe Tiaren er open kvar tysdag heile året, bortsett frå nokre tysdagar i jula. Mellom 25 og 30 frivillige står for drifta.

kb
18.09.2018
Seniorgruppa med tur til Mannsvatn.
Seniorgruppa i Kvinnherad Turlag skipar i morgon, onsdag 19. september, til tur til Mannsvatn. Det er frammøte ved Grano i sentrum kl. 10. Turen vert rekna som middels krevjande.

kb
17.09.2018
Forvaltningskomiteen sa nei til tilbygg.
Jan Helge Pile fekk for andre gong nei i Forvaltingskomiteen til å utvida fritidsbustaden sin i Beinavikjo. Grunngjevinga for avslaget er omsynet til strandsonevernet. Søknaden omfatta også oppføring av bod og sauna.

kb
15.09.2018
Fotballjenter vert med på Demensaksjonen 2018.
Fleire jenter frå fotballen i Uskedalen vert med som bøsseberarar på Demensaksjonen 2018. Det har sin bakgrunn i at Nasjonalforeningen sentralt har avtale med Serieforeningen for jentefotball om støtte og profilering. På måndag vil ein dra nytte av denne avtalen lokalt i Uskedalen.

kb
15.09.2018
Hugs jazzkvelden på Dønhaug.
Det går slag i slag på Dønhaug. I kveld, laurdag 15. sept. kl. 20, er det jazzkveld med Torunn Eriksen. Med seg på bass har ho Kjetil Dalland. Tilskipar er Husnes Jazzklubb.

kb
Siste Nyhende
20.09.2018
Tropestormen Helene herja i Uskedalen.

Tropestormen Helene med vindstyrke opp mot 30 meter i sekunden førte til skade fleire plassar i Uskedalen. På fylkesvegen mot Ljosnes låg knekte greiner tidleg torsdag morgon. Vegen vart kjapt rydda. Eit tuntre hos Elin og Geir Enes rotvelta. To postkassehus i Ospelunden var flytta mange meter og kilte seg fast i busskuret. Ein bil på Kråkehaugen fekk bakruta knust, ikkje av flygande gjenstandar, men truleg av sterke vindkast.
20.09.2018
SPAR investerer 3 millionar i nye kjøle- og frysediskar.
SPAR har lagt ned eit stort og omfattande arbeid med oppgradering og fornying av butikken. Den totale kostnaden med å byta ut alt kjøle- og fryseutstyr til CO2 gass vert rekna til heile 3 millionar kroner. Investeringa omfattar alle diskar og skåp på kjøle- og frysevarer. Dei ny diskane er energisparande og investeringa er med og sikrar tilsette ein trygg og sikker arbeidsplass.
19.09.2018
Røysterett for Alle gjer Krakow
Som ein lekk i 30-årsjubileet til Røysterett for Alle sto ein tur til Krakow i Polen på agendaen 13.-16. september. Det vart ei opplevingsrik langhelg i ein region med ei svært så variert og interessant fortid og notid.Turnemnda hadde, saman med reisebyrået, fått snikra eit opplegg som femna det meste, både historie, kultur og det å oppleva byen og interessante stader i området rundt.
19.09.2018
Ønskjer å flytta frå Oslo til Uskedalen.
For få år sidan kom ein flott familie flyttande frå hovudstaden til Uskedalen etter at dei mellom anna hadde brukt uskedalen.no i førebuingsprosessen.  No er det mogeleg at det kan verta ein reprise.  I dag tikka ei ny melding inn til redaksjonen om ein familie som ønskjer å flytta til Uskedalen eller ein annan stad i Kvinnherad.
19.09.2018
Over 30 turglade seniorar på veg til Mannsvatnet.
Klokka ti i dag var over 30 turglade seniorar i Kvinnherad Turlag klar for avgang til Mannsvatnet i Uskedalen. Frammøte og parkering var ved Grano i sentrum. Turen er lagt opp som ein rundtur med start på Haugland og retur over Langhaugane og Storhaug attende til sentrum. Turleiarar er Steinar Kroka og Helen Sandvik Røssland.
18.09.2018
Bøkkerverkstaden - ein læringsarena for kystkultur.
I veka som var, strøymde det 130 elevar frå 7 skular til Rød og Bøkkerverkstaden for å læra meir om fartybygging og kystkultur. Det er Sunnhordland museum som kvart år gjestar alle 6. klassane i Sunnhordland med programmet Eg byggjer meg ein båt. Instruktørane var Bjørn Arve Lunde og Torhild Falk Berger.
18.09.2018
Demensaksjonen gav eit resultat på meir enn kr. 20.000,-

Det vart samla inn i overkant av kr. 20.000,- i går til Nasjonalforeningen for folkehelsen sitt arbeid mot demens. Det er om lag på same nivået som åra før, men då må vi ta med at talet på dei, som brukar Vipps, aukar. Nokre støttar aksjonen ved å betala inn på sentral konto. Vippsdelen vert ikkje registrert lokalt. To bøsser i andre bygder vert henta inn i dag.
17.09.2018
Etterspør historiar og bilete av doktor Haugen.
Det vert snart sett strek for innsamling av historiar om den legendariske doktor Haugen. Innsamlinga har vore overveldande med over 80 historiar så langt, frå 50 informantar i det som var Kvinnherad fram til kommunesamanslåinga på 1960 talet. For dei som ikkje har sendt inn sine historiar, er det enno tid, men det bør gjerast innan 1.oktober.  Det same gjeld om nokon sit på gode bilete eller anna arkivmateriale.
16.09.2018
Demensaksjonen - ta vel imot bøsseberarane frå kl. 17.
I dag kl. 17 startar årets demensaksjon i Uskedalen i regi av Helselaget. Nytt i år er at jenter frå fotballen er med som bøsseberarar. Innsamlinga dei siste åra og oppnådd eit resultat rundt kr. 22.000,- I tillegg kjem det som mange sender sentralt eller betaler på Nasjonalforeningen, Hordaland, sitt Vippsnummer 221612.
Sponsorar
Uskedal Røyr og Multiservice
Solheim Turiststajson
kvinnheringen
Brødrene Hjønnevåg AS
Stord Lufthamn
Byggeriet
Kvinnherad Breiband
Kvinnherad Elektro
Zjakk Frisørsalong
Kvinnherad Renhold service
S. Rødsten Bilforretning A/S
Tysnes Sparebank
iDrift AS
grenda
Spar
Uskedal Båtlag
Elins Matgleder
Sparebank 1 SR bank ASA
Gros Blomster
Auto 88
Kvinnherad Energi AS
Kvinnherad Vekstbedrift AS
Kvinnherad Breiband
Utvikla av iDrift AS