Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
Vidar Haugland
Tlf nr:488 91 464
Hans Ordin Østebø
Tlf nr:907 56 032
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Internasjonal kulturfest for fullsett sal.

20.10.2017
Klikk på bilete for full storleik
250 gjester fylte festsalen under den internasjonale kulturfesten.
 
Med eit rikt, godt og tankevekkjande kulturprogram, ein fullsett, festpynta sal og og eit rikhaldig internasjonalt matbord vart den internasjonale kulturfesten i Kulturhuset Husnes fredag ettermiddag ein suksess.  Publikum hadde sitt opphav frå mange ulike kulturar, og blant dei 250 var det ein fin mix av nordmenn og innvandrarar.
 
Klikk på bilete for full storleik
Gode programinnslag frå kulturskuleelevar, m.a. ei flott danseoppvisning.
 
 
Programmet vart leia av Anne Sofie Bjelland Kjeka, og først var det appellar med 4 elevar frå 6. og 7.klasse ved Undarheim skule.  Framføringane var framifrå, og det understreka det gode, viktige og tankevekkjande innhaldet.  Etter dette fortsette rekkja med gode innslag, og svært gledeleg var det at det var den yngre garde som stod for hovuddelen av programmet på ein fest som denne.
 
Kulturskulen hadde gode bidrag.  Vi fekk høyra to rockegrupper, Cold Chase og Vegan Monkey Soup, som begge kom flott frå opptredenane sine.  I tillegg fekk vi ei glitrande danseoppvisning av to danseelevar.  Kulturskulen er ei investering i framtida, og programleiar Anne Sofie B. Kjeka trekte linja til at årets innsamling er nettopp ei svært viktig investering i framtida, nemleg skulegang til barn i Syria, Sør-Sudan, Colombia, Mali og Pakistan.  Til saman er det 24 millionar barn i verda som ikkje får gå på skule.
 
Dei flinke kulturskuleelvane våre er også ei påminning om kva ressursar frå andre kulturar vi kvinnheringane får stor glede av.  Lærarane som bidrog i kveld var Mauricio Weimar frå Brasil og Koshiwayi Sabuneti frå Zimbadve(som nyleg flytta inn i nykjøpt leilighet i Ospelunden).  I tillegg til dei 2 kjem i alle fall 6 lærarar samt rektor frå andre land.
 
 
Klikk på bilete for full storleik
Amal(t.v.) hadde eit svært godt og tankevekkjande føredrag med god teknisk hjelp av søstera Sham.
 
 
Elevar ved vaksenopplæring bidrog også med gode innslag.  Amal frå Syria hadde eit innslag som gjorde sterkt intrykk.  Ho fortalde frå heimlandet sitt og understreka innhaldet med musikk, bilde og korte videoar.  Til det siste fekk ho teknisk hjelp av den yngre søstera si, Sham.  Det var ei svært god framføring av eit gjennomarbeidd føredrag som sette følelsane og tankane våre i sving.
 
Ei gruppe framførte arabisk dans, og her viste dansarane både glede og temperament.  Eit flott innslag før ein stor flokk entra scenen og hadde eit svært så passande avslutningsnummer på denne fine kvelden.  Dei framførte ein arabisk song for oss.  Slik vart denne internasjonale kulturkvelden avrunda, og det var ein skikkeleg flott opptakt til innsamlingsaksjonen søndag.  På veg ut kunne dei som ønskte det støtta UNICEF og innsamlingsaksjonen med å putta pengar i bøssene som ungdommar stod med.
 
No gløymde eg mest å nemna maten.  Den var jo fantastisk slik den alltid er på slike internasjonale festkveldar.  Rikeleg var det og!
 
 
Feststunda vart avslutta med flott arabisk song.
 
 
Tekst, foto og nett:  Thor Inge Døssland.
 
 
 
 
 
  Tilbake

 
Lesarbilete
Notisar
13.12.2018
Uskedal skulemusikk sin adventskalendar 13.des. 2018
I dag vinn eigar av kalendar nr. 142 DVD og 2 par sportssokkar, verdi 600,-kr, gjeve av Sport1, Husnes. Den andre gevinsten er 2 termokoppar med godis, gjeve av Kvinnherad elektro/Uskedal skulemusikk.  Den er vunnen på nr.244. Vi gratulerer dei to heldige vinnarane!!

USM
12.12.2018
Julefri på Kafe Tiaren - fram til tysdag 8. januar.
Berit Harriet Døssland frå Kafe Tiaren melder frå om at det er julefri fram til tysdag 8. januar. Hugs difor at det ikkje er kafe tysdag i neste veke. Uskedal utvikling og frivillige på Kafe Tiaren helsar alle god jul og ynskjer velkomen til nye samlingar i 2019.

Kafe Tiaren
12.12.2018
Flaske knust på Skårhaug og ved Lavvoen.
Ein lesar melder om flaskeknusing på Skårhaug og i stien ned til lavvoen. Område vert ofte brukt av barnehagen og det er uheldig om nokon skjer seg på glasbråta. Dersom nokon misser ei flaske på berget, plukk opp, ta glasbitane med og kast i kontainer. Område er rydda i dag, onsdag.

kb
12.12.2018
Uskedal skulemusikk sin adventskalendar 12.des. 2018
I dag er to gevinstar som er gjevne av Tysnes sparebank trekt ut på skulemusikken sin kjekke adventskalendar.  Eigar av nr.308 har vunne gåvekort til verdi av 300,-kr medan den som har kalendar nr. 239, er heldig vinnar av 2 stk, termos.Vi gratulerer vinnarane!!

USM
11.12.2018
Rev med skabb skoten på Haugland.
Svein Ottar Rørheim har jakta på rev med skabb den siste veka. I går kveld vart reven skoten. Det er ikkje den same reven som var observert på Døssland i helga. Det tyder på at det er fleire smitta revar i område. Alle med hund må vera merksam på smittefaren. Berre ved at ein hund stryk seg på ei flate der reven har vore, er nok til å overføra smitte.

kb
11.12.2018
Uskedal skulemusikk sin adventskalendar 11.des. 2018
Også i dag er det trekt ut to heldige vinnarar på skulemusikken sin adventskalendar.  I dag ha vi ein livreddande gevinst, nemleg refleksvest.  Saman med den er ei hue trekt ut på kalendar nr.186.  Desse gevinstane er gjevne av Jvinnherad Energi/Kvinnherad Breiband.  På nr.483 er Bulbe on a rope, gjeven av Power, Husnes, vunnen.Vi gratulerer dei heldige vinnarane.  Samstundes håpar vi at alle brukar refleks/refleksvest slik at dei er godt synlege i trafikken!

USM
10.12.2018
Søkjar om tilbygg på eksisterande løe.
Marita Kjærland søkjer om tilbygg på eksisterande løe, 129/4 på Døssland. Tilbygget skal brukast til ammedyrproduksjon og kaldlager. Søknaden er sak i Forvaltningskomiteen onsdag i denne veka. Rådmannen er positiv og rår til at tilbygget vert bygd slik det er omsøkt. Det er kome ein merknad til tiltaket. I forkant av møte er det lagt opp til synfaring.

kb
10.12.2018
Kan brannstasjonen bli berga ? Ny utsetjing av saka.
Saka i Formannsskapet sist torsdag om nedlegging av fire brannstasjonar vart på nytt sendt tilbake til administrasjonen. Dette kan tyda på at det er ei vanskeleg sak som treng ei grundig utgreiing. Det er ikkje kjend kva tid saka vert sett på sakskartet for 3. gong.

kb
10.12.2018
Uskedal skulemusikk sin adventskalendar 10.des. 2018
Også i dag er det trekt ut 2 heldige vinnarar.  To temokoppar med godis, gjevne av Kvinnherad Elektro/Uskedal skulemusikk er vunne på nr.426, og Dolce Gusto kaffimaskin, verdi 300,-, gjeven av Uskedal eigedom, er vinnen på nr.123.Vi gratulerer dei heldige!!

USM.
09.12.2018
Juletresalet startar i morgon, måndag 10. desember, ved Elins Matgleder.
Juletresalet ved Elins Matgleder startar i morgon, måndag 10. desember, kl. 08. Det er sal av nordmanna edelgran frå skog i Sandeid. Salet varer heile dagen, fram til kl. 17.00. Elin Enes fortel at ho vil ha ekstra ope laurdag og sundag komande helg.

kb
Siste Nyhende
13.12.2018
40 juletre av beste kvalitet vert selde ved Elins Matgleder.
Juletresalet er i full gang. Geir Enes har vore i Sandeid og henta heim 40 edelgran av beste kvailitet. Dersom omsetnaden er god, vert det henta meir. Juletrebonden heiter Svein Bjarte Slåke og har spesialisert seg på produksjon av juletre av typen Nordmanna edelgran. Juletresalet i Uskedalen starta måndag i denne veka og held fram til jul.
12.12.2018
Rustne Menn på Rehab.
Song- og musikkgruppa Rustne Menn hadde eit spesielt oppdrag i går. Gruppa valde å ta turen til Stord sjukehus med konsert på Fysikalsk medisin og rehabiliteringssenter. Konserten var på dagstova og samla brukarane og personale på avdelingen. Det er kjend for dei fleste ar Reidar Myklebust, ein av gruppa sine faste medlemer, er på opptrening etter eit slagtilfelle tidlegare i haust.
11.12.2018
Julekonsert med kor, korps, solistar og gjester.
Alt er klart for ny julekonsert i kyrkja sundag 16. desember kl. 19. Målet med konserten er å skapa refleksjon og julestemning gjennom ord og tonar. Leif Inge Heimvik frå Utåker les juleevangeliet som ein monolog der han formidlar julebodskapen på på ein trygg og god måte utan manus. Tre korps, trekkspelklubb og eit kyrkjekor er med på konserten. Det same er gjester og ikkje minst kantoren Eva Megyesi.
10.12.2018
Bibliotek- og bokbussjubileum.
Kvinnherad bibliotek markerte på laurdag at det var 30 år sidan dei kom inn i nye lokale på Husnes. Før den tid hadde hovudbiblioteket vore i kjellaren i det som den gong var Samfunnshuset Husnes. Mobil bibliotekteneste i Kvinnherad med bokbuss har vore i 25 år. Per Myklebust var bokbussjåfør i nær på 10 år før han vart pensjonist.
09.12.2018
Julevandring i kyrkja - tilbod til barnehagane.
Kvart år er barnehagane i Uskedalen med på Julevandrig i kyrkja, ei dramatisering av juleavangeliet og Jesu fødsel. Det er tilsette i kyrkja med Jan Ove Fagerheim i rollen som Keisar Augustus. Med seg har han trusopplærar Torild Langeland og kantor Eva Megyesi. Julevandringa er eit tilbod til dei eldste borna i Dønhaug Gardsbarnehage og Uskedal barnehage.
08.12.2018
Kven saknar ny barnesykkel ?
Attgløymde syklar langs vegen er eit aukande problem, noko vi på Uskedalen.no har skrive om mange gonger. No gjeld det ny barnesykkel, lilla med merke MOGUL, som står i Kleivadalen. Tom Haugland fortel at sykkelen ein dag tidleg i veka vart attgløymd ved garasjen hans. Ingen har meldt seg som eigar så langt.
07.12.2018
Laga middag til 15 born i Dønhaug Gardsbarnehage.
Kjøttkaker i brun saus var middagen borna i Dønhaug Gardsbarnehage fekk i går, torsdag 6. desember. Ideen er henta frå Omvikdalen barnehage der Bygdekvinnelaget lagar middag til alle borna ein gong i månaden. I Uskedalen vert det same prøvd i gardsbarnehagen med Målfrid Myklebust, Inger Naterstad og Else Mari Huse som frivillige hjelparar.
06.12.2018
Avrunda jubileumsåret med ein imponerande julekonsert.
Blandakoret Røysterett for Alle skuffar ikkje sitt publikum, heller ikkje i kveld med ein variert og innhaldsrik førjulskonsert i Uskedal kyrkje. Eit nær på fulltalig kor, dyktige solistar og gjester og ikkje minst ein inspirerande og trygg musikalsk leiar, då er grunnlaget lagt for det som truleg er den beste julekonserten i år. For den som ikkje hadde høve til å få dette med seg, ja, då er Ølve kyrkje plassen neste torsdag, 13. desember.
06.12.2018
Hundeskilta er sparka og rivne ned for 3. gong på tre år.
Audhild Lie og Magne Grindheim er plaga med at hundeskilta vert sparka eller rivne ned og det for tredje gong på tre år. Eigendomen deira ligg langs Fylkesvegen og Magne gjer alt han kan for å halda ein fin hage utan hundeskit. Hundeskilta har god effekt og ekteparet forventar at skilta får vera i fred utan vandalisme.
Sponsorar
Uskedal Røyr og Multiservice
Solheim Turiststajson
kvinnheringen
Brødrene Hjønnevåg AS
Stord Lufthamn
Byggeriet
Kvinnherad Breiband
Kvinnherad Elektro
Zjakk Frisørsalong
Kvinnherad Renhold service
S. Rødsten Bilforretning A/S
Tysnes Sparebank
iDrift AS
grenda
Spar
Uskedal Båtlag
Elins Matgleder
Sparebank 1 SR bank ASA
Gros Blomster
Auto 88
Kvinnherad Energi AS
Kvinnherad Vekstbedrift AS
Kvinnherad Breiband
Utvikla av iDrift AS