Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
Vidar Haugland
Tlf nr:488 91 464
Hans Ordin Østebø
Tlf nr:907 56 032
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Reisebrev frå Lina i India.

20.10.2017
Klikk på bilete for full storleik
Lina Håland saman med tre av jentene på barneheimen.
 
Soknepresten vår, Lina Håland, har no vore på reise i India i om lag 3 veker.  Sentralt i turen er besøk på Umred Children Home, barneheimen der famileien hennar har gjort ein stor innsats for oppbygging og drift.  Vi vart svært glade då Lina lova å senda oss reisebrev før ho reiste, og nedanfor kan de lesa om opplevingane hennar, og det kjem fleire bilete seinare.
 

Då har eg endeleg fått Wi-Fi og er i Rishikesh, også kalt The Gateway to Himmelayas. Her bur eg på eit hyggeleg hostel, Bandhari Swiss Hostel. Og i dag er det Diwali, the festival of lights. Det betyr at i kveld kjem himmelen til å vera opplyst av fireworks. Dei øvte på Diwali i går. Sit no med kaffien og venter på nokre lokale venner eg har fått besøke, så og sei alle eg kjenner i India. I tillegg til å ha fått vere omlag 2 veker på barneheimen. Og eit gjentakende og velkjent spørsmål eg fekk frå dei fleste 'when do you plan to get married?'  Nokon trur eg og prøvde å tilby meg sonen deira...Men eg kjenner spørsmålet så altfor godt etter så mange gonger i India så denne gongen svara eg dei berre med 'that my friend, is a very good question.' Og så lo me godt.

 
 
Diwali Rangoli design, noko alle lagar.
 
 
Denne turen har gått utruleg fort. Eg kom til Delhi seint laurdag 30.sept. Og etter to timar ie-visa passkontroll, kom eg meg til hotellet. Dagen etter gjekk med på å kvile ut. Tidleg morgon 2.oktober satte eg meg på flyet sør til Nagpur. Der blei eg møtt av Effi, Mary, Moses, Christina, Evangalina og Elisha.
 

Dei hadde med seg roser og smykke av velduftende blomar. Gule indiske blomar.

Så etter ein varm velkomst satte vi oss i Tata Sumoen, det er eit bilmerke du berre finn i India. Bilen har blitt godkjent for 3 år til. Men som alt anna i India så går den som ei klokke, skranglar litt i dashbordet og dører som ein ikkje bør lene seg inntil sjølv om vi har låst dei. Alt har sin sjarm.

 

Vel framme i Umred og barneheimen blei eg møtt av barna. Dei hadde gleda seg, og det vart meir blomar. Gutane tok sekkane mine og fekk dei opp på rommet. Dei hadde fiksa eit gjesterom til meg og til fremtidige gjester frå Noreg. Det var veldig fint.

 

Eg brukte resten av dagen på barna. Om kvelden kjøpte eg ispinner til alle. Det ble eit godt mottatt avbrekk i studeringa. Og ein forfriskning i varmen. Eg må innrømme at eg burde reist til Umred Children Home i november, desember. No i oktober var det dei kalte Second Summer. Altså ganske så varmt. Nagpur er og kjent som ein av dei varmaste plassene i India.

 

Barna hadde og eksamensperiode dei to vekene eg var der.  Men det betyr ikkje at eg ikkje fekk vere med barna. Når dei leste engelsk, måtte eg gjerne høyre på dei. Ein gut, Rukesh, leste eit langt stykke på engelsk for meg. Skikkelig flink. Barna studerer utrolig hardt.Dei har alle drømmer om å bli noko, pilot, ingeniør, politi, bonde, lærer,sjukepleier for å nemne nokre. Det er ikkje uvanleg at dei står opp kl 04/05 og les fram til frukost og morgonbøn kl 07. Så skule, og når dei kjem heim att har dei fri fram til 17. Då studerte dei fram til middag kl 19. Og no i eksamensperioden, kunne dei lese halve natta i tillegg.

 

Ellers var eg med dei å fekk fly drage. Det var kjekt. Dei blei imponert når eg kunne sykle. Og deler av vegen eg sykla var rimelig humpete etter regn og gjørme.

Jentene pynta hendene mine med mendi eller henna. Og lærte meg til å kjevle chapatti. Indisk brød som spises til nesten hvert måltid.

 

Alle barna hjalp til med oppgaver på barneheimen, saman med dei vaksne.

Dei får ferie til å reise heim, men ikkje alle vil heim.  Hos nokre er heimen veldig ustabil.

 

Effi hadde og planlagt ei pastorsamling første laurdagen eg var der.  Talarane for dagen var ein pastor frå Nagpur og ei prest frå Noreg. Det var utrolig gøy å få vere med på.

 

Ellers fekk eg ein liten tur med Delhibelly. Trur det var på grunn av vatnet. Men då blei eg herda for resten av turen. Barna blei ganske så bekymra når dei høyrde at eg ikkje var i form. Så dei kom i døra, vinka og smilte til meg. Jentene kom heilt inn på rommet mitt, og Suno, ei av jentene, sa gå å ta på litt makeup det hjelper. Skulle gjerne gjort det, men fekk magekrampe berre eg rørte på meg.  Men ved hjelp av gode medisiner og ein utruleg hyggeleg doktor, kom eg meg fort på beina.

 

Ein liten gut, Yash, fekk eg synga med. Han hadde ein av dei finaste stemmene eg har høyrt til no. Skulle ønske eg hadde eit opptak!   Yash kom og til meg nesten dagleg og gav meg noko han hadde laga av papir.

 

Siste kvelden på barneheimen blei feira med god vegetarris, skikkeleg Sør Indisk. Og barna overauste meg med gåver, nokre av dei eldste gutane hadde kjøpt eit bilete til meg. Det sa eg Effi og Mary må ta med seg når dei kjem til våren. Dei skal og besøke Uskedalen.

 

Eg fekk øredobber og masse sjølvlaga kort som eg skal pryde kontor og heim med.

Og etter å ha hengt blomsterkrans rundt meg, gitt meg roser så måtte eg stille meg i midten og dei kasta konfetti av roseblader på meg.

 

Det er verkeleg noko spesielt å besøke barneheimen i Umred. Minnene sit igjen lenge, og det er sikkert meir eg skulle nemnt no. Men eg må spare litt og. Plutseleg blir nokon av dykk med på ein tur til India og barneheimen i Umred?

 

Eg planlegg allereie neste tur.

 

Med vennleg helsing,

Lina Håland

 
 

Nett:  Thor Inge Døssland

 
 
 
  Tilbake

 
Lesarbilete
Notisar
13.12.2018
Uskedal skulemusikk sin adventskalendar 13.des. 2018
I dag vinn eigar av kalendar nr. 142 DVD og 2 par sportssokkar, verdi 600,-kr, gjeve av Sport1, Husnes. Den andre gevinsten er 2 termokoppar med godis, gjeve av Kvinnherad elektro/Uskedal skulemusikk.  Den er vunnen på nr.244. Vi gratulerer dei to heldige vinnarane!!

USM
12.12.2018
Julefri på Kafe Tiaren - fram til tysdag 8. januar.
Berit Harriet Døssland frå Kafe Tiaren melder frå om at det er julefri fram til tysdag 8. januar. Hugs difor at det ikkje er kafe tysdag i neste veke. Uskedal utvikling og frivillige på Kafe Tiaren helsar alle god jul og ynskjer velkomen til nye samlingar i 2019.

Kafe Tiaren
12.12.2018
Flaske knust på Skårhaug og ved Lavvoen.
Ein lesar melder om flaskeknusing på Skårhaug og i stien ned til lavvoen. Område vert ofte brukt av barnehagen og det er uheldig om nokon skjer seg på glasbråta. Dersom nokon misser ei flaske på berget, plukk opp, ta glasbitane med og kast i kontainer. Område er rydda i dag, onsdag.

kb
12.12.2018
Uskedal skulemusikk sin adventskalendar 12.des. 2018
I dag er to gevinstar som er gjevne av Tysnes sparebank trekt ut på skulemusikken sin kjekke adventskalendar.  Eigar av nr.308 har vunne gåvekort til verdi av 300,-kr medan den som har kalendar nr. 239, er heldig vinnar av 2 stk, termos.Vi gratulerer vinnarane!!

USM
11.12.2018
Rev med skabb skoten på Haugland.
Svein Ottar Rørheim har jakta på rev med skabb den siste veka. I går kveld vart reven skoten. Det er ikkje den same reven som var observert på Døssland i helga. Det tyder på at det er fleire smitta revar i område. Alle med hund må vera merksam på smittefaren. Berre ved at ein hund stryk seg på ei flate der reven har vore, er nok til å overføra smitte.

kb
11.12.2018
Uskedal skulemusikk sin adventskalendar 11.des. 2018
Også i dag er det trekt ut to heldige vinnarar på skulemusikken sin adventskalendar.  I dag ha vi ein livreddande gevinst, nemleg refleksvest.  Saman med den er ei hue trekt ut på kalendar nr.186.  Desse gevinstane er gjevne av Jvinnherad Energi/Kvinnherad Breiband.  På nr.483 er Bulbe on a rope, gjeven av Power, Husnes, vunnen.Vi gratulerer dei heldige vinnarane.  Samstundes håpar vi at alle brukar refleks/refleksvest slik at dei er godt synlege i trafikken!

USM
10.12.2018
Søkjar om tilbygg på eksisterande løe.
Marita Kjærland søkjer om tilbygg på eksisterande løe, 129/4 på Døssland. Tilbygget skal brukast til ammedyrproduksjon og kaldlager. Søknaden er sak i Forvaltningskomiteen onsdag i denne veka. Rådmannen er positiv og rår til at tilbygget vert bygd slik det er omsøkt. Det er kome ein merknad til tiltaket. I forkant av møte er det lagt opp til synfaring.

kb
10.12.2018
Kan brannstasjonen bli berga ? Ny utsetjing av saka.
Saka i Formannsskapet sist torsdag om nedlegging av fire brannstasjonar vart på nytt sendt tilbake til administrasjonen. Dette kan tyda på at det er ei vanskeleg sak som treng ei grundig utgreiing. Det er ikkje kjend kva tid saka vert sett på sakskartet for 3. gong.

kb
10.12.2018
Uskedal skulemusikk sin adventskalendar 10.des. 2018
Også i dag er det trekt ut 2 heldige vinnarar.  To temokoppar med godis, gjevne av Kvinnherad Elektro/Uskedal skulemusikk er vunne på nr.426, og Dolce Gusto kaffimaskin, verdi 300,-, gjeven av Uskedal eigedom, er vinnen på nr.123.Vi gratulerer dei heldige!!

USM.
09.12.2018
Juletresalet startar i morgon, måndag 10. desember, ved Elins Matgleder.
Juletresalet ved Elins Matgleder startar i morgon, måndag 10. desember, kl. 08. Det er sal av nordmanna edelgran frå skog i Sandeid. Salet varer heile dagen, fram til kl. 17.00. Elin Enes fortel at ho vil ha ekstra ope laurdag og sundag komande helg.

kb
Siste Nyhende
13.12.2018
40 juletre av beste kvalitet vert selde ved Elins Matgleder.
Juletresalet er i full gang. Geir Enes har vore i Sandeid og henta heim 40 edelgran av beste kvailitet. Dersom omsetnaden er god, vert det henta meir. Juletrebonden heiter Svein Bjarte Slåke og har spesialisert seg på produksjon av juletre av typen Nordmanna edelgran. Juletresalet i Uskedalen starta måndag i denne veka og held fram til jul.
12.12.2018
Rustne Menn på Rehab.
Song- og musikkgruppa Rustne Menn hadde eit spesielt oppdrag i går. Gruppa valde å ta turen til Stord sjukehus med konsert på Fysikalsk medisin og rehabiliteringssenter. Konserten var på dagstova og samla brukarane og personale på avdelingen. Det er kjend for dei fleste ar Reidar Myklebust, ein av gruppa sine faste medlemer, er på opptrening etter eit slagtilfelle tidlegare i haust.
11.12.2018
Julekonsert med kor, korps, solistar og gjester.
Alt er klart for ny julekonsert i kyrkja sundag 16. desember kl. 19. Målet med konserten er å skapa refleksjon og julestemning gjennom ord og tonar. Leif Inge Heimvik frå Utåker les juleevangeliet som ein monolog der han formidlar julebodskapen på på ein trygg og god måte utan manus. Tre korps, trekkspelklubb og eit kyrkjekor er med på konserten. Det same er gjester og ikkje minst kantoren Eva Megyesi.
10.12.2018
Bibliotek- og bokbussjubileum.
Kvinnherad bibliotek markerte på laurdag at det var 30 år sidan dei kom inn i nye lokale på Husnes. Før den tid hadde hovudbiblioteket vore i kjellaren i det som den gong var Samfunnshuset Husnes. Mobil bibliotekteneste i Kvinnherad med bokbuss har vore i 25 år. Per Myklebust var bokbussjåfør i nær på 10 år før han vart pensjonist.
09.12.2018
Julevandring i kyrkja - tilbod til barnehagane.
Kvart år er barnehagane i Uskedalen med på Julevandrig i kyrkja, ei dramatisering av juleavangeliet og Jesu fødsel. Det er tilsette i kyrkja med Jan Ove Fagerheim i rollen som Keisar Augustus. Med seg har han trusopplærar Torild Langeland og kantor Eva Megyesi. Julevandringa er eit tilbod til dei eldste borna i Dønhaug Gardsbarnehage og Uskedal barnehage.
08.12.2018
Kven saknar ny barnesykkel ?
Attgløymde syklar langs vegen er eit aukande problem, noko vi på Uskedalen.no har skrive om mange gonger. No gjeld det ny barnesykkel, lilla med merke MOGUL, som står i Kleivadalen. Tom Haugland fortel at sykkelen ein dag tidleg i veka vart attgløymd ved garasjen hans. Ingen har meldt seg som eigar så langt.
07.12.2018
Laga middag til 15 born i Dønhaug Gardsbarnehage.
Kjøttkaker i brun saus var middagen borna i Dønhaug Gardsbarnehage fekk i går, torsdag 6. desember. Ideen er henta frå Omvikdalen barnehage der Bygdekvinnelaget lagar middag til alle borna ein gong i månaden. I Uskedalen vert det same prøvd i gardsbarnehagen med Målfrid Myklebust, Inger Naterstad og Else Mari Huse som frivillige hjelparar.
06.12.2018
Avrunda jubileumsåret med ein imponerande julekonsert.
Blandakoret Røysterett for Alle skuffar ikkje sitt publikum, heller ikkje i kveld med ein variert og innhaldsrik førjulskonsert i Uskedal kyrkje. Eit nær på fulltalig kor, dyktige solistar og gjester og ikkje minst ein inspirerande og trygg musikalsk leiar, då er grunnlaget lagt for det som truleg er den beste julekonserten i år. For den som ikkje hadde høve til å få dette med seg, ja, då er Ølve kyrkje plassen neste torsdag, 13. desember.
06.12.2018
Hundeskilta er sparka og rivne ned for 3. gong på tre år.
Audhild Lie og Magne Grindheim er plaga med at hundeskilta vert sparka eller rivne ned og det for tredje gong på tre år. Eigendomen deira ligg langs Fylkesvegen og Magne gjer alt han kan for å halda ein fin hage utan hundeskit. Hundeskilta har god effekt og ekteparet forventar at skilta får vera i fred utan vandalisme.
Sponsorar
Uskedal Røyr og Multiservice
Solheim Turiststajson
kvinnheringen
Brødrene Hjønnevåg AS
Stord Lufthamn
Byggeriet
Kvinnherad Breiband
Kvinnherad Elektro
Zjakk Frisørsalong
Kvinnherad Renhold service
S. Rødsten Bilforretning A/S
Tysnes Sparebank
iDrift AS
grenda
Spar
Uskedal Båtlag
Elins Matgleder
Sparebank 1 SR bank ASA
Gros Blomster
Auto 88
Kvinnherad Energi AS
Kvinnherad Vekstbedrift AS
Kvinnherad Breiband
Utvikla av iDrift AS