Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
Vidar Haugland
Tlf nr:488 91 464
Hans Ordin Østebø
Tlf nr:907 56 032
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Kvinnhersminne med solid Uskedals-innslag.

12.10.2017
Klikk på bilete for full storleik
Viktige bidragsytarar til boka: Lars Jostein Røyrvik(f.v.), Audun Eik, Kristian Bringedal, Bjarne Lilleaas og Frode Sæbø.
 
Rundt 30 sogelagsfolk var samla i årestova på prestegarden i Rosendal då det var bokslepp på Kvinnhersminne - årbok XVIII torsdag kveld.  Sogelagsleiar Anny Nygård Mehl sa innleiingsvis at arbeidet med årboka er det viktigaste arbeidet til sogelaget, og det er eit verdfullt og rikt mangfald av kulturminne som er samla i dei 18 årbøkene til no.
 
Etter at skriftstyrar Lars Jostein Røyrvik hadde framført songen Ta meg heim, signaturmelodien til songgruppa Sundegutane med tekst av Ivar Vaage, fortalde han kort om arbeidet med boka som no vert utgjeven.  Han fortalde at det som skulle vera hovudtemaet, I utanriksteneste, vart litt mindre omfattande enn først tenkt.  Fem ulike forfattarar hadde dekka dette temaet godt.  I tillegg hadde dei fått plass til mykje anna interessant stoff innanfor eit breitt felt.  Naturleg nok er det vanskeleg å få så godt bildemateriale som ønskjeleg sidan handlingane ligg tilbake i tid.
 

Røyrvik fortalde at det var første gong Varaldsøy hadde fått plass i bøkene.  Det var på høg tid at det skjedde, då det er 35 år sidan første årboka kom ut.  Det var uskedelingen Frode Sæbø, som vart rosa for eit stort arbeid om Islandsfisket som sytte for dette, gjennom intervju med to personar frå denne øya.  Elles skal fleire uskedelingar ha sin del av æra for den innhaldsrike og interessanne boka.  Bjarne Lilleaas fortel interessant frå tida han tenestegjorde i Libanon, Kristian Bringedal har formidla historien til 100 årsjubilanten Fjelly medan Audun Eik har fortalt om Baking og bevaring av mat.  Saman med Lars Jostein Røyrvik har Audun også skrive om Borghild Gjertsen sitt lage liv på telegrafen medan Bjørgulv Eik har fortalt om den første telefonen på Eik til Lars Jostein Røyrvik.

 
I tillegg er det mykje anna interessant stoff av stor kulturhistorisk verdi i boka som er på vel 120 sider.  Vi kan lesa om bryllup og giftarmål i eldre tider og gamle juletradisjonar.  Om kolerakyrkjegarden på Hamarhaug, Skottabygdo og jernaldergarden på Hatlestrand kan vi også lesa.
 
 
Klikk på bilete for full storleik
Bjarne Lilleaas hadde eit interessant innlegg om utanrikstenesta.
 
 
I boka er det til saman 24 historiar, og ein av artikkelforfattarane, Bjarne Lilleaas, fortalde om sitt tema, Utanrikstenesta.  Han fortalde at over 100.000 hadde gjort utanlandsteneste, og dermed har ein stor del av Noregs befolkning vore berørt av det.  Han tok for seg historien frå det starta med Tysklandsbigraden før han har innom Gaza, Libanon, Balkan og Afghanistan.  Har fortalde frå eiga teneste i Libanon, og her hadde han også nokre artige historiar. Vi fekk m.a. høyra om avslutningsfest for ein kar frå Granvin med innsmugla smalahovud.  Kokkane var ikkje vane med den slags kost, det vart som gummi og dermed gjekk det mest av akevitten som høyrde til.
 
Etter kaffi og kaker fortalde Øystein Skåla om historien til årestova som møtet var i, og prestegarden, og han krydra det med forteljingar om den allsidige og fargerike presten Nils Hertzberg.
 
No gler eg meg til å lesa i Kvinnhersminne - Årbok XVIII.  Medlemmer i Kvinnherad sogelag får kvar sitt eksemplar.  Andre vil få kjøpt den på bokhandelen på Husnes og i Rosendal.  Det skal også ordnast med salg på Ølve og Varaldsøy.  Det er Salikat Design ved Åshild Snilstveit som har hatt ansvar for lay out og trykk.
 
 
Tekst, foto og nett:  Thor Inge Døssland
 
 
 
  Tilbake

 
Lesarbilete
Notisar
20.07.2018
Tverrelva Kraftverk er stengd ned.
Mange av småkraftverka i Kvinnherad er stengde ned grunna turre elvar og lite magasin. Dette gjeld også for Tverrelva Kraftverk på Haugland. Med stengd produksjon kan ein ikkje dra nytte av dagens høge straumpris.

kb
19.07.2018
Leppefiske er i gang.
Jostein Legland er fiskar på heiltid. Han har starta leppefiske med opning på landsbasis tysdag i denne veka. Legland har teiner ståande i Storsund og på nordsida av Skorpo. Leveringa er til oppdrettsnæringa.

kb
19.07.2018
Marit Sjøvangen på STATSRAAD LEHMKUHL.
Sjukepleiar Marit Sjøvangen frå Uskedalen er mønstra som medisinsk ansvarleg på seglskuta STATSRAAD LEHMKUHL og skal vera med på to etappar i The Tall Ships Race. Fyrste turen går frå Esbjerg til Stavanger. Neste tur går til Healingen i Nerderland. 65 skip er påmeld.

kb
17.07.2018
Rustne Menn til Huglo 28. juli.
Song- og musikkgruppa Rustne Menn skal ha allsongprogram på Huglo laurdag 28. juli. Framføringa vert på kaien ved Huglabutikken.  Motbakkeløpet Varden Opp vert skipa til same dagen.

kb
15.07.2018
Kristian Øvstebø vann Kvasshovden Opp.
Av 6 deltakarar i sin klasse vann Kristian Øvstebø Kvasshovden Opp i Ulvik, med tida 1.03.34. Nr. 2 fekk tida 1.09.35. Kristian er ein suveren vinnar og tida fortel litt om kor sterk løpar han er for tida.

kb
14.07.2018
Monsen passerte Eldbjørg og Lars langs stien.
kl. 13.30 i dag fekk vi sjå Eldbjørg og Lars Myklebust langs turstien mot Heinsæter i programmet Monsen minutt for minutt. Monsen og TV temaet gjekk forbi og uskedelingane vinka og vart zooma inn. Det var eit gildt møte. Dersom nokon har bilete, send til e-posten vår.

kb
14.07.2018
Bilete frå Uskedalen i BTsommar.
I BT laurdagsavisa finn vi to sommarbilete frå Uskedalen. Fotograf er Harald Sætre. Motiva er frå Beinavikjo i solnedgang og frå skiltet Bortover - Andre vegen ved SPAR. Nokre blinkskudd vert lagt ut i papirutgåva.

kb
13.07.2018
Eldbjørg og Lars er lenger framme på stien enn NRK teamaet og Monsen
I ei melding frå Hardangervidda og programmet Monsen minutt for minutt får vi vita at Eldbjørg og Lars Myklebust nett no er lenger framme på stien enn det som vert synt på NRK. I går såg vi nokre glimt av uskedelingane. Turen i dag går fram til Rauhelleren.

kb
12.07.2018
Hjortejaktvald med meir enn 20 dyr.
Av totalt 86 jaktvald på hjort i Kvinnherad har to vald i Uskedalen løyve til å skyta meir enn 20 dyr. Det er Kjærland/Myklebust/Ytre Rød med 30 dyr og Øvre Feet/Døssland med 20 dyr. Dei andre jaktvalda i Uskedalen har mindre enn 20 dyr i sine løyve.

kb
10.07.2018
Monsen minutt for minutt.
Uskedalen.no er kjend med at to uskedelingar skal vera med på NRK programmet Monsen minutt for minutt, 1. etappe frå Dyranut til Tuva. Start torsdag 12. juli. Fylg med. Meir og utfyllande innlegg kjem torsdag morgon.

kb
Siste Nyhende
21.07.2018
Skøyta NJØTHOLM med oselevarmodell på dekk.
Mange fekk eit vakkert syn i dag på Sandakaien. Motorskøyta NJØTHOLM frå Ålfjorden var inne på sitt faste sommarbesøk i Uskedalen. Ein oselvarmodell i 1/3 storleik stod på dekk i ei vogge. Modellen er bygd av Egil Mæland på Tysnes og er ein nøyaktig kopi av ein original færing av typen Oselvar. Eigar av NJØTHOLM er Aud (f. Hindøy) og Per B. Østensen.
21.07.2018
Ikkje stopp klipparane på Heio, men ta kontakt med dei ansvarlege.
Grasbanen på Heio vert i år klipt av to robotklipparar som vart kjøpt inn etter at Uskedal IL vart tildelt 68.000 kr frå Sparebankstiftinga til føremålet.  Dette har vist seg vellukka, og dei to klipparane samarbeider godt om jobben.  Einaste problemet har vore at klipparane har vorte parkert utan om ordning, og det har ført til at dei har vorte ståande i ro.
19.07.2018
Harald Sætre er ute med si 4. bok om veteranbåtar.
Boka 61 VETERANBÅTAR PÅ VESTLANDET vert lansert på Hamnadagane og Kysten si landsstemne i Haugesund i helga. Boka er Harald Sætre si 4 bok om veteranbåtar og fartyvern. Kapabel forlag med Otto Ertsland er utgjevar. Sætre er frå Uskedalen. Det vert arbeidd med å finna ei høveleg tid der forfattaren kjem til heimbygda for sal og presentasjon.
19.07.2018
Sommmarjobben min - Ida Marie og Christoffer på SPAR.
Innlegget i dag i serien Sommarjobben min handlar om Ida Marie Eidsvik ( 16 ) og Christoffer Støle ( snart 18 ). Begge har sommarjobb på SPAR Uskedalen, ein jobb  dei trivst godt i. Før har det vore meir tilfeldige sommarjobbar som plenklypping og anna form for hjelp. No er det meir alvor i den fyrste regulære sommarjobben der ein kan få tena sine eigne pengar.
18.07.2018
Minnerike dagar med Monsen minutt for minutt.
Eldbjørg og Lars Myklebust er tilbake i Uskedalen etter fem minnerike dagar på Hardangervidda saman med NRK og Lars Monsen. Turen starta på Dyranut og gjekk via Stigstuv, Rauhelleren, Heinsæter og fram til Tuva. DNT saman med NRK var arrangør og så langt vi veit, var det til saman sju kvinnheringar med i turfylgje.
17.07.2018
Knapt 50 % avling på 2. slåtten fører til formangel.
Fyrste slåtten var dårleg. Andre slåtten vert langt verre. Med rundt rekna 50 % avling så langt ser mange av bøndene myrkt på framtida. Det vert formangel og ein må leita etter mat og få kjøpt inn kraftfor med mykje fiber. Det er ikkje betre på beita. Graset visnar og turkar bort. Mange køyrer vatn til dyra på beite. 
16.07.2018
Sommarjobben min - Hanna og Amalie på Campingen.
Uskedalen.no held fram serien Sommarjobben min. Dette innlegget handlar om Amalie Hovden Rød og Hanna Tvilde, begge 16 år og nett ferdige som elevar på Rosendal ungdomsskule. Amalie og Hanna har vore ekstrahjelp på Rabben Feriesenter frå påsketider og framover. Begge vart spurde om å vera sommarhjelp, noko dei er svært glade for.
15.07.2018
Airbnb - internasjonalt bookingsystem for overnatting.

Uskedalen med to destinasjonar så langt er ein del av boookingssystemet Airbnb. Uskedalen.no har møtt nøgde kundar som har funne Uskedalen som eit reisemål på Airbnb. Ekteparet Vestad/Timofejera med dottera Kaja har budd i Beinavijkjo knapt ei veke. Dei kjem frå Stavanger og har berre godt å sei om leilegheten, bygda, naturen og daglege turmål i kommunen. På Airbnb finn vi to utleigeobjekt i Uskedalen, i Beinavikjo og på Skorpo.
15.07.2018
Forsongar i sin eigen 90 års dag.

Mange gjester, slekt og vener,  var samla i Trygve Haugland sin 90 års dag i Helgheim i går. Jubilanten var sjølv forsongar og song solo på Å, Vestland, Vestland. Trygve Haugland har ei djup og markert basstemme. Han vert ofte bedd om å ta tonen og leia allsongen i forsamlingar. Den eldste gjesten i 90 års dagen var Klara Døssland, snart 101 år.
Sponsorar
S. Rødsten Bilforretning A/S
Tysnes Sparebank
Brødrene Hjønnevåg AS
iDrift AS
grenda
Kvinnherad Breiband
Spar
Stord Lufthamn
Uskedal Båtlag
Elins Matgleder
Kvinnherad Elektro
Sparebank 1 SR bank ASA
kvinnheringen
Gros Blomster
Auto 88
Kvinnherad Renhold service
Zjakk Frisørsalong
Byggeriet
Kvinnherad Energi AS
Kvinnherad Vekstbedrift AS
Solheim Turiststajson
Uskedal Røyr og Multiservice
Kvinnherad Breiband
Utvikla av iDrift AS