Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
Vidar Haugland
Tlf nr:488 91 464
Hans Ordin Østebø
Tlf nr:907 56 032
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Lambasleppet - Festidalen

18.05.2017
Klikk på bilete for full storleik
Katarina Lunde er ein av deltakarane på Lambasleppet. Ho kjem før det til Oska 25.mai.
 
Det er ikkje noko nytt at regionen vår avlar talent. Festidalen har saumfart instagram, facebook, UKM, musikkmiljø og følgt med på noko av det som rører seg rundt om i Sunnhordland og Hardanger.
Og me har funne gull.
 

Artistane til årets Lambaslepp er no klare. Oppsummert er artistane mellom 16 og 25 år, dei boblar over ar ambisjonar, dei lagar sin eigen musikk, og dei gjer det steike bra.

Torsdag, 3.august, er det klart for årets musikalske oppleving, med hovudfokus på ungdom. Ei heilproff scene vert reist i Uskedalen båthavn, og på denne vil det stå sju unike, dyktige, lokale artistar og band, som har stjerner i blikket og historier dei vil formidla gjennom musikken. Det vert alt frå 80-talets kule rock’n roll, til melodiøs elektronika. Ein svingar innom også innom jazz, pop og viser, alt framført på både engelsk og nynorske dialektar.

Festidalen ønsker å gi noko tilbake til lokalmiljøet, og visjonen er å laga ein inspirerande møtestad for dei som har ein ambisjon i magen om å kunna driva med musikk.
Difor er me no überstolte over å kunna presentera eit slikt lokalt mangfald til publikum. Dette er spennande saker, folkens! Sjå på det som ein premiere, for mange, eller alle desse, vil me truleg sjå og høyra mykje til i åra som kjem.

Konserten er gratis, det er inga aldersgrense, og det vert høve å kjøpa mat på staden.
#lambasleppet #festidalen #springbrett #ungdom #musikkmiljø 

SYMRA (Stord/Bømlo/Tysnes)

At musikklinja på Stord avlar gromgode artistar er eit etablert faktum. Symra består av elevar frå nettopp denne linja, og planane deira er å ta over verdshegemoniet med sin sjarm og råkule musikkstil. Lambasleppet blir dermed ein god plass å ta sats.

Dei lagar musikk dei sjølv tykkjer er kul, og befinn seg innanfor eit alternativt pop-rock landskap. Når ein gjer det ein sjølv diggar, blir det ofte slik at fleire også likar musikken. Lambasleppet står greitt bak bandet under denne fana. #Kult!

Bandet består av Øyvind Kleppe (17) på vokal, Morten Stokke (19) og Henrik Vatle (19) på gitar, Ole Martin Hauan (18) på bass og Henrik Sebastian Epland (17) på trommer. Dei har nyleg spelt på UKM, og var blant dei lokale banda som fyrte i gong ei musikalsk heilaftan på minifestivalen Bountyfest på Arena på Leirvik i april. Der spelte dei sitt første lengre sett, og tok på ingen måte skrekken.

Sidan hausten 2016 har dei jobba med å produsera feite låtar, me gler oss til å få fleire av desse servert på gullfat under Lambasleppet i august.

 
AADLAND (Stord/Kristiansand)

 

Aadland er ein rykande fersk trio med fokus på energi, aggressive riff og deilige lydlandskap - alt bunde saman gjennom nynorsk formidlingsevne. Landskapet blir måla fram med keyboards/vokal, trommer og bass.

Musikken Aadland produserer er inspirert av mykje forskjellig, og vert av bandet sjølv oppsummert som ein slags energisk kombinasjon av Deep Purple, Elephant9, Jaga Jazzist og Bjørn Eidsvåg. Alle tre i bandet har for tida base i Kristiansand grunna studier, men både bassist og keyboardist/vokalist er frå Stord. Sjølv om Aadland eit heilt ferskt prosjekt, har alle tre i bandet mange års erfaring med å spele i andre band og med andre prosjekt.

Aadland har høge ambisjonar, og jobbar iherdig med å skriva låtar på klingande nynorsk. #Nynorsk!

Trioen består av Øystein Heide Aadland (22) - keyboards, vokal, Ørjan Lægreid (24) - bass, vokal ogJens Persheim Kola (26) - trommer, vokal.
Får dei det slik dei ønskjer, er debutalbumet klart til slepp i løpet av 2018, men først blir det fokus på å spela mykje live. Eit spanande prosjekt, som me gler oss til å høyra meir frå. 

MARION WOODSETH (Kvinnherad/Kristiansand)

Det byrja tidleg for Marion Skogseth Bjørsvik (24), som har jobba seg opp ifrå musikkskulen i Kvinnherad til å no halda på med ein master i utøvande musikk og spesialisering i Music Management. Vegen har gått via ulike skular, med innhald som musikkproduksjon og stort fokus på låtskriving, song og piano.
«Eg er over gjennomsnittet glad i alt som har med musikk å gjere. Det er livet!»

Med seg på laget har ho Alf Vaksdal (23), som ho har har laga musikk saman med sidan dei gjekk på musikklina i lag. Han er produsent og multiinstrumentalist, med laptop som hovudinstrument. Dei byrja å spele ilag for 3 år sidan på høgskulen Stord/Haugesund, og har sidan det hatt fleire konsertar i Bergen, Stord og omegn.

Nylig var dei to i New York hos produsent Joel Hamilton og spelte inn sin kommande EP,  og am-bisjonane handlar om å få musikken deira ut i verda; vakre og intrikate elektroniske melodiar kom-binert med fløyelsmjuk vokal og pulserande 80-talls beats.

Dei gler seg veldig til å vise fram første smakebit frå oppholdet i New York heime i kjente omgivnadar, og på Lambasleppet. Stor musikk i lita bygd - dette vert eit #elektronisk_eventyr.

 
Klikk på bilete for full storleik
Marion Woodseth er tilbake. Ifjor spela ho i orkesteret til Andreas Bjørsvik.

KATARINA LUNDE (Stord/Kvinnherad/Bergen)

Katarina Lunde er ikkje den typiske vokalisten med backingband. Ho komponerer og arrangerer musikk i eit spanande musikalsk landskap, prega av sterke melodiar som festar seg, og stadige overraskelsar både harmonisk og rytmisk. La deg bli dratt med inn i Katarinas musikalske univers og opplev magien.

Slik lyder tidlegare omtalarar sitt ord. #magi

Bandet oppstod på Høgskulen Stord/Haugesund for tre år sidan, og består av dyktige musikarar som er kjent fra Bergen og gjennom band som Seven Impale, Shaman Elephant, Kongle og Ossicles:
Katarina Lunde (25), låtskriver/vokalist, Jonas Særsten (23) på keyboard, Andreas Tangen (24) på bass, Henrik Nesse (24) på trommer, Morten E. Olsen (23) på gitar/synth og Benjamin Mekki Widerøe (24) på saxofon.

Katarina Lunde skal gi ut en EP i september, og bandet satsar på å spela så mykje som mogleg framover. I løpet av 2018 er målet å spela inn og gi ut eit fullt album.
Me gler oss til både EP og album, men først og fremst til å høyra den melodiøske pop-jazzen deira strøyma ut over Uskedalen på Lambasleppet.

LINN (Karmøy)

Linn Mæland (22) er ein singer/songwriter frå Karmøy. Det siste året har ho budd i Liverpool, der ho har studert Songwriting på Liverpool Institute for Performing Arts, kanskje betre kjent som Paul McCartney-skulen. Etter eitt semester der, er ho no klar for å ta fatt på livet som sjølvdrivande artist.

LINN starta karrieren med songtimar i kulturskulen som fjortenåring, og deltok i fleire lokale musikaloppsettingar. det største ho har vore med på så langt er å varme opp for den norske artisten og rapparen Kaveh, samt å gi ut ein song saman med rap-duoen Demeo, som no har bytta namn til Kalo. Låta dei gav ut heiter See Me Now.
I framtida vil LINN halda fram å utvikla seg innanfor musikk og finna sin stil. Målet er sjølvsagt å få så mange jobbar som mogleg, både i studio og på scena. Som artist blir ho inspirert av artistar som Tori Kelly og Carrie Underwood, men er tydeleg på at ho vil setta sitt eige preg på musikken og skrive låtar ut frå sitt eige livs erfaringar og opplevingar. 

Med gitaren i fanget, eller ved pianoet sit ho, og lar vakker musikk oppstå. Settet ho skal servera på Lambasleppet vert akustisk, med gitarakkompagnement. Det er spesielt eitt ord som kan oppsummera det som ventar, dette vert absolutt #nydeleg. 

TWOFACE (Kvinnherad)

Brede Grønningen og Lasse Digranses er de unge herrer bak produsentduoen TwoFace.

Brede og Lasse byrja i fjor sommar og forfølje ein felles draum. Å bli proffe musikkprodusentar med musikk som alle går å nynnar til. Dei har begge spelt i rockeband og Lasse har tidlegare spelt på Festidalen med bandet The Wave. Begge har spelt mykje gitar, og har no gått over til digital produksjon.
 
Meldinga frå duoen er som følgjer:
«Vi har eit felles mål i å nå så mange som mogleg med musikken vår, og gi lyttarar ei god oppleving. Vi vil lage musikk som dei kan spele til seg sjølve og draume seg vekk i, få dei til å senkje skuldrene og berre nyte livet.»
TwoFace gler seg til å visa Kvinnherad deira potensiale, og me gler oss til å høyra!
#nyt_livet

SLEEPWALKERS (Fusa)

Me er eit rock'n roll band frå Fusa, og har spelt saman i om lag to år. Me har blant anna gått heilt til bergensfinalen på Emergenzafestivalen, og klatra der opp blant dei 5 beste. Me speler sjølvskrivne låtar i 80-tals stil.

Det som er fint med åttitalet, er nettopp dette. Sleepwalkers har energinivå og attitude som ein blir riven med av. Her får ein skinnbukser og baris, mykje hår og headbanging, og på toppen av kirsebæret; feite riff. Beint fram rock’n roll, servert akkurat slik me likar det, av eit knippe ungdommar som tydeleg diggar å herja på scena.
#attitude_of_rock

Bandet består av Natasja Smørholm (16) på vokal, Marius Nilsen Kleppe (19) på gitar, Idar Rolland (17) på slagverk, Even Engevik Lygre (16) på gitar og Andreas Nilsen Kleppe (17) på bass.

 
Klikk på bilete for full storleik
Brede Grønningen og Lasse Digranes i TwoFace frå Husnes deltar

Tekst:  Festidalen

Pressefoto

Nett:  Thor Inge Døssland

 
 
  Tilbake

 
Lesarbilete
Notisar
26.04.2018
Soknerådet inviterer til dugnad, torsdag 3. mai.
Det vert dugnad ved kyrkja torsdag 3. mai kl. 18. Det er utearbeid som måling. vasking, luking, raking og rydding som skal gjerast. Kaffi og noko å bita i høyrer med.
Møt fram og ver med på dugnad for kyrkja.

kb
24.04.2018
Knallsterkt av Kristian Øvstebø!!
Då motbakkeløpet Kaldestadåsen Opp vart arrangert for andre gong sist søndag, imponerte 14 år gamle Kristian Øvstebø kollosalt.  Han vart nr. 2 i herreklassen, og nådde toppen på sterke 13.31 berre 3 sek. bak den tidlegare løyperekorden.  Det var den sterke maratonløparen Erlend Nymark Jensen frå Bergen løpeklubb som vann på ny løyperekord, men Kristian var klart føre(14 sek.) ein så sterk løpar som Johannes Heien frå Ternen.

tid
24.04.2018
Allsong på Kafe Tiaren i dag, tysdag.
Siste tysdagen i månaden og det er Allsong på Kafe Tiaren. Song- og musikkgruppa er fulltalige og klar for ei ny økt med allsong mellom kl. 12 og 12.30. Alle er velkomne.

kb
23.04.2018
Alle plassene fylt opp på Cheercamp Uskedalen 2018.
Cheercamp Uskedalen 2018 er populær.  På mindre enn ei veke vart alle plassene fylt opp.  På facebook-sida melder arrangørane: «Da var alle plassene fyllt opp! Utrolig kjekt at så mange vil være med på campen! Det endte opp med nesten 60 utøvere. Alle som har meldt seg på, skal nå ha fått bekreftelse og faktura på mail. Dersom dere ikke har mottat det - send oss en melding så ordner vi det. Påmelding er nå stengt»

tid
22.04.2018
Ukraina trailaren til Uskedalen måndag 30. april.
THK traileren med innsamling til Korosten i Ukraina kjem til Uskedalen neste måndag, 30. april. Tormod Myklebust og Leif Jarle Bergstø deler på køyringa. Transporten skal vera framme i Korosten alt laurdag i den same veka. Med denne kunngjeringa kan alle rydda og finna fram klede og andre høvande gåver.

kb
21.04.2018
Heldt opningstalen på UKM-festivalen.
UKM-festivalen for Hordaland vert arrangert i Kulturhuset Husnes heile denne helga. På storarrangementet med 89 sceneinnslag, 26 bildekunstinnslag og 6 filminnslag var det Anna Elisabeth Øyrehagen Akselvoll som hadde fått den ærefulle oppgåva å halde opningstale.  Det gjorde ho på ein framifrå måte.  Ho er dotter til uskedelingen Jørn Øyrehagen Sunde.  Dermed kan vi trygt seie at eplet har ikkje falle langt frå stamma.

tid.
21.04.2018
Gudsteneste v/ Reidar Ådnanes.
I morgon, sundag 22. april kl. 11, er det gudsteneste i Uskedal kyrkje v/ soknepresten i Husnes, Reidar Ådnanes. Ved orgelet sit kantor Eva Megyesi. I kyrkjeåret er ein komen fram til 4. sundag i påsketida. Gudstenesta inneheld også dåp og nattverd.

kb
21.04.2018
Årsmøte i Kvinnherad sogelag i dag, laurdag.
Det er årsmøte i Kvinnherad sogelag i dag, laurdag, kl. 13 på DILL, Sæbøvik. Audun Eik er styremedlem. Han vart i fjor vald for to år og er difor ikkje på val i år. Tema på møte er Skottehandelen i Sunnhordland på 16- 1700 talet. Det er lagt inn tur til Høylandsbygd der Johannes G. Eide vil syna Radioholo og og den private steinsamlinga han har i heimen sin.

kb
19.04.2018
MATHILDE sine leirskuletokter er i gang.
I denne veka la hardangerjakta MATHILDE turen til Uskedalen med den fyrste leirskuleklassen i vår. Etter dusjing og proviantering i Uskedalen la skuta til kai på Skorpevågen i går kveld. Det var avgang midt på dagen i dag, torsdag. Kvar onsdag/torsdag i veka fram til skuleferien kan vi rekna med skute- og klassebesøk i Uskedalen.

kb
19.04.2018
Rektor for tre skular.
Bjørn Olav Tveit vert rektor for tre skular,- Malmanger, Mauranger og ungdomsskulen i Rosendal. Det er eit prøveprosjekt over fire år. På kvar skule vert det avdelingsleiarar. Tveit vil ha det overordna ansvaret.

kb
Siste Nyhende
26.04.2018
Gull av Grus - opningsfest 1. mai.

Gull av Grus med alle sine aktivitetar vert offisielt opna tysdag 1. mai. I forkant av sjølve opninga vert det frå kl. 10 sykkelrebus rundt dalen. Start og mål er på Uskedal skule. Så må alle vera på plass kl. 12 då Uskedal musikklag spelar og straks etter er sjølve opninga av prosjektet ved representant frå Sparebank1-stiftinga, Kvinnherad.
26.04.2018
Rosendal Event kjem til møte i Uskedal utvikling.
Laila og Sjur Langesæter i Rosendal Event kjem til møte i Uskedal utvikling onsdag 2. mai kl. 19 i Gamleskulen. Møte er ope for alle og det er særleg aktuelt for alle som driv næring med eit natur- og kulturbasert innhald. På møte vert det mellom anna lagt vekt på kva Kvinnherad og Uskedalen har å by på av naturopplevingar.
25.04.2018
Ferdigstilling av arbeidet med kraftline frå Matre.
Haugland Kraft melder frå om at arbeidet med oppgragering 66 kV frå Opstveit til Uskedalen held fram. Alt arbeidet ein ikkje fekk gjort i vinter, vert no ferdigstillt. Arbeidet tek til i denne veka og er rekna å vera ferdig i juli månad. I denne tida vert det brukt helikopter og såkalla eksplosjonsarmatur, sprengskjøt på lina.
25.04.2018
Bytte fotballtreninga ut med strandrydding.
11 gutar og jenter frå foballlaga G14 og G14 valde strandrydding i staden for fotballtening i går ettermiddag. Trenarane deira gav dei valet, anten fotballtrening eller strandsrydding. Mange valde å gjera eit samfunnsnyttig arbeid for miljøet i nærområde. Audun Eik og Kristian Bringedal hadde båt og var med på ryddinga.
25.04.2018
På landstoppen i mjølkeavdrått
Kvart år kjem bladet Buskap ut med ein oversikt over dei 50 mest høgtytande besetningane i landet. Det er tredje året på rad at Hans Reidar Kjærland er på denne lista. I sin klasse er han på 4. plass av 3500 produsentar. I dag møtte kunderådgjevar i Fiskå Mølle, Etne, Audun Økland fram på Kjærland med diplom og blomehelsing for å heidra denne prestasjonen.
24.04.2018
Imponert over musikklæraren sin!
Mellom publikum på den flotte konserten som Husnes og Holmedal sokneråd arrangerte i samarbeid med Høyåker musikklag i Valen kyrkje i kveld, var det også i underkant av 10 fornøgde uskedelingar.  Ein av dei var den lovande skulekorpsmusikanten Nils Rainer Strüter Vågen(14).  Han likte konserten svært godt, og var nok ekstra imponert av spelet til kulturskulelæren sin, Linas Dakinevicius.
23.04.2018
Kom og ver med på plastrydding.
Uskedal uvikling oppmodar alle om å ta del i plast- og bosrydding. Det kan gjerast så enkelt at alle ryddar sine private område og felles areal i nærmiljøet. Alt i morgon startar den fyrste delen av strandryddinga. Seinare kjem Elveeigarlaget på banen med rydding av plast langs elva. På årsmøte vart det sett av kr. 10.000,- på budsjettet til dette føremålet.
22.04.2018
Sauelembinga er i full gang.
Sauelembinga er i full gang. I fjor valde Uskedalen.no å skriva om Kjærland gard med moderne sauedrift. I år tok vi turen til Berit Harriet og Ivar Kåre Døssland som driv meir på gamlemåten med sau, geit, ammekyr og ein jaktande katt etter rotte og mus. Med gode kunnskapar frå Snåsamannen la Ivar Kåre opp til sein lembing i år, eit godt val då våren let venta på seg.
22.04.2018
Siger til Rosendal/Trio damene
Årets første heimekamp for Rosendal/Trio (R/T) var mot Askøy. Det vart ein trillar av ein kamp der R/T først eit minutt på overtid i 2. omgang klarte å sette ballen i mål til sluttresultat 2-1.
Sponsorar
S. Rødsten Bilforretning A/S
Tysnes Sparebank
Brødrene Hjønnevåg AS
iDrift AS
grenda
Kvinnherad Breiband
Spar
Stord Lufthamn
Uskedal Båtlag
Elins Matgleder
Kvinnherad Elektro
Sparebank 1 SR bank ASA
kvinnheringen
Gros Blomster
Auto 88
Kvinnherad Renhold service
Zjakk Frisørsalong
Byggeriet
Kvinnherad Energi AS
Kvinnherad Vekstbedrift AS
Solheim Turiststajson
Uskedal Røyr og Multiservice
Kvinnherad Breiband
Utvikla av iDrift AS