Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
Vidar Haugland
Tlf nr:488 91 464
Hans Ordin Østebø
Tlf nr:907 56 032
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Oppgraderer standarden til feriesesongen.

12.05.2017
Klikk på bilete for full storleik
Magne Heggøy framfor servicebygget.
 
Magne Heggøy som driv Rabben Feriesenter saman med kona Tove, har mykje å hengja figrane i også før sesongen startar for fullt.  Kvart år er det både vedlikehald og oppgraderingar som må gjerast.  Denne våren har det mellom anna kome nytt kjøkken i to hytter og nytt bad i ei av dei.
 
Klikk på bilete for full storleik
To hytter har nyleg fått nytt kjøkken, ei har fått nytt bad.

Då uskedalen.no var innom fredag ettermiddag var Tove M. Heggøy i arbeid med stelling og planting i bed ved servicebygget for å pynta opp til 17.mai og til turistsesongen.  Underteikna fekk omvisning i ei hytte som hadde fått nytt kjøkken.  Det var både fint og praktisk med integrerte løysingar og store, gode skuffer.  I tillegg var det kome nytt golvbelegg(vinylklikk). 

I nabohytta var det kome både nytt bad og kjøkken.  Den var opptatt, og feriegjestene sat på terrassen og nytte eit sjølvfiska fiskemåltid til middag.  Dei var svært fornøgde der dei sat og kosa seg, og gav klart uttrykk for at dei syntest hytta var blitt veldig bra.  Av Magne fekk eg vita at dette var gjester som var gjengangarar og hadde vore på Rabben mange gonger.

 

Det har også vore fornying av terrassar, kome nokre nye vidauge og nye ytterdører i nokre hytter. Magne Heggøy har gjort mykje godt vedlikhaldsarbeid dei seinare åra. Han seier at det er viktig å ta vare på hyttene som er der på ein best mogeleg måte på grunn av store kostnader med å byggja nytt.  Dette året har han også bygt ny utvendig trapp på sanitærbygget.  Først vart det tanken å bruka 2.etasjen som lager, men då han såg kor stort det vart, valde han å søkja om bruksendring.  Han såg at det kunne verta ein grei hybel.

 

Elles er det eit velstelt Rabben Feriesenter som går ferietida i møte. Det er ikkje berre planting i beda som pågår.  Plenen var også nyslått då eg var nedom.  Magne fortel om godt belegg framover.  Neste helg ventar han storinnrykk i samband med den årvisse elghundutstillinga her i bygda.  Dei faste turistane kjem også, og då er dei 10 båtane med motor som er til utleige populære.  Sjølvsagt håpar Heggøy på ein betre sommar enn i fjor.  Får håpa han får det ønskjet oppfylt!!

 
 
Klikk på bilete for full storleik
Heggøy håpar på flott sommarver og stor aktivitet dei næraste månadene.

Tekst, foto og nett:  Thor Inge Døssland

 
 
 
  Tilbake

 
Lesarbilete
Notisar
23.06.2018
Jonsokbål i kveld - send bilete.
Redaksjonen er takksam om de sender bilete frå jonsokbålet i kveld. Send til: uskedalen.no@gmail.com

Red.
22.06.2018
Vanlege opningstider på Gros Blomster.
Gros Blomster er tilbake til vanlege opningstider. Blomebutikken har ope slik:
Måndag - torsdag: kl. 09 - 16.30
Fredag: kl. 09 - 18
Laurdag: kl. 09 - 15.

kb
21.06.2018
SMIL midlar til sauegjerde.
Løyving frå SMIL midlane er til særskilde miljøtiltak i landbruket. Kjelrun Eik  er løyvd kr. 19.600,- til sauegerde på Eik i Uskedalen. Det er Formannsskapet som står for denne tildelinga.

kb 
21.06.2018
Advokatane Lomheim/Døssland startar for seg sjølve.
Edle Lomheim og Bjarte Døssland sluttar i Borgen Advokater og startar eige advokatfirma heime på garden på Døssland. Oppstarten er frå hausten 2018. Det er Kvinnheringen som skriv om dette på si nettside.

kb
19.06.2018
Ny pubkveld i Dønhaugkjedlaren på fredag.
Det vert ny pubkveld i Dønhaugkjedlaren fredag 22. juni. Den vellukka kvelden i mai månad gav meirsmak. Opplegget er det same,- ein uformell kveld med ei sosial ramme som høyrer ein gardspub til. Alle er velkomne i Dønhaugkjedlaren på fredag.

kb
19.06.2018
Klargjort for asfaltering i Ospelunden.
Alt er gjort klart for asfaltering i byggefeltet Ospelunden. Dersom alt går etter oppsett plan, vert alle vegar i byggefeltet asfaltert i neste veke. Det er lokalt firma som gjer jobben.

kb
19.06.2018
Spelemidlar til Uskedal Idrettslag.
Det  er løyvd Spelemidlar frå Norsk Tipping til to anlegg i Uskedalen: Idrettsanlegget Kunstgrasbanen: kr. 772.000,- Nærmiljøanlegget Klatreparken: kr. 300.000,- Søkjar er Uskedal Idrettslag.

kb
17.06.2018
Nytt parkeringareal ved Uskedal skule.
I utdrag av kommunen sin vedlikehaldsplan finn vi nytt parkeringsareal ved Uskedal skule. Tiltaket er kostnadsrekna til vel 2 mill. kr og har oppstart i 2021. Det har lenge vore ynskje om meir parkeringsareal ved skulen og barnehagen.

kb
16.06.2018
Hugs gudstenesta i morgon med gjester frå India.
Gudstenesta i morgon, sundag 17, juni. kl. 11 vert litt utanom det vanlege.Ekteparet Essi og Mary David frå barneheimen i Umred i India vert med. I dei åra Lina Håland har vore sokneprest i Uskedalen, har soknerådet støtta arbeidet ho og familien gjer for born og ungdom i dette landet.

kb
15.06.2018
Paul Are Ljosnes - 4. plass i Mazdafinale.
Paul Are Ljosnes frå Uskedalen fekk saman med ein kollega frå Haugesund ein 4. plass i den norske Mazdafinalen for bilmekanikarar. Det er lagvis deltaking, ikkje individuell.

kb
Siste Nyhende
23.06.2018
Midtsumarskonsert i Helgheim i morgon, sundag 24. juni.
Uskedalen.no minner om GLIMRAH Vokalensemble sin Midtsumarskonsert» i Helgheim i morgon, sundag 24. juni kl. 19. Koret tek  imot publikum med blomsterkransar i håret, glittrande tonar og nykokt kaffi med sommarkake til.
Serveringa er inkludert i billetten.Det vart LODDSAL med gøyale gevinstar.

23.06.2018
Kongeskipet NORGE «uglesett» i Øredalen på Skorpo.
Vår maritime hoffotograf, Øystein Enæs, fanga eit motiv i det Kongeskipet NORGE sakte sig forbi Øredalen på Skorpo. Vi ser tydeleg ei landskapsform som ei ugla i bakgrunnen, som ser alvorleg på det staselege skipet i Storsund. Kongeskipet kom kl. 12.30 i sakte fart inn Gavelen på sin seglas til Rosendal med Dronninga om bord. NORGE gjekk dagen før gjennom Høylandssundet og låg natta over oppankra ved Klostervågen på Halsnøy. Dronninga vitja Halsnøy Kloster.
22.06.2018
Ivar Gundersen - ny banksjef i SpareBank1 SR bank.
Ivar Gundersen ( 52 år ) er tilsett som banksjef i SpareBank1 SR Bank på Husnes etter Synnøve Handeland. Gundersen kjem frå stilling som logistikkansvarleg på Kværner Stord. Før det han han hatt ei rekkje sentrale stillingar både på Kværner, i Statoil og Hydro. Ei tid hadde han arbeidet sitt i Odda.
21.06.2018
Sondre Klyve - beste nynorskbrukar i 10. klasse.
Kvinnherad mållag har dei siste 15 åra delt ut ein nynorskpris til den beste nynorskbrukaren på Rosendal ungdomsskulen. Etter samanslåinga med Husnes mållag gjeld ordninga også for Øyatun og Husnes ungdomskular. I går kveld, på avlsutningsfestane, vart utdelinga markert. Sondre Klyve frå Uskedalen fekk prisen på Rosendal ungdomsskule.
21.06.2018
Ei venare bygd trur eg ikkje er i Noreg enn Uskedal.

Ei venare bygd trur eg ikkje er i Noreg enn Uskedal. Ja, slik startar Uskedalssongen. Songen som blei skriven av Søren Feet for over 100 år sidan. Like aktuelt i dag. Uskedalen er i dag ei av dei finaste jordbruksbygdene på Vestlandet. Velstelte gardsbruk på rekkje og rad frå Eik og Steinsletto til Musland øvst oppe i dalen.

21.06.2018
Ein skuledag på Haugland skulemuseum.
I dag var det 4 klasse på Uskedal skule som la skuledagen til det som var Haugland skulekrins med skulestove frå 1893. 19 elevar, ein lærar og ein assistent var med i fylgje. Alle fekk ei innføring med praktiiske øvingar om skuledagen slik det var på ein liten krinsskule for 50 år sidan. Elevane var lydige og ingen vart sett i skammekroken eller fekk stryk.
20.06.2018
300 bilar kontrollerte i Uskedalen - ei begjering.
Statens vegvesen med fire inspektørar var i Uskedalen i dag og kontrollerte 300 køyretøy. Det vart skrive ut ei begjering, noko som er eit godt resultat. Av alle desse var det berre ein som ikkje brukte bilbelte. Ein kunne ikkje syna fram vognkortet. Målet med kontrollen i Uskedalen i dag er fokus på trafikksikkerhet og førebyggjande arbeid. Då er alt like viktig, sjølv om ein berre skal ein kjapp tur på butikken.
20.06.2018
Siger til J17 jentene mot Odda 9er
Tysdag kveld spelte J17 jentene til Rosendal/Uskedal (R/U) kamp på Uskedal kunstgrasbane mot Odda 9er. Også i denne kampen har R/U måtta låna spelarar frå J14 laget, deriblant er Maria som fekk sin debut kamp for J17 laget. Ina som til vanleg spelar med G15 laget, stilte også kampklar.
19.06.2018
Maria Larssen, lærar på Uskedal skule, går for mastergrad.
Maria Larssen, lærar på Uskedal skule i praktisk estetiske fag, presenterer masterarbeidet sitt i morgon, 21. juni, på Høgskulen på Rommetveit. Masteroppgåva hennar har tittelen: Langt fra perfekt - et undervisningsdesign i utvidet tegning. Maria Larssen er tilsett i 80 % stilling i Uskedalen og har studert parallelt ved å jobba i skulen. Ho har brukt fire år på studiet fram mot ein mastergrad.
Sponsorar
S. Rødsten Bilforretning A/S
Tysnes Sparebank
Brødrene Hjønnevåg AS
iDrift AS
grenda
Kvinnherad Breiband
Spar
Stord Lufthamn
Uskedal Båtlag
Elins Matgleder
Kvinnherad Elektro
Sparebank 1 SR bank ASA
kvinnheringen
Gros Blomster
Auto 88
Kvinnherad Renhold service
Zjakk Frisørsalong
Byggeriet
Kvinnherad Energi AS
Kvinnherad Vekstbedrift AS
Solheim Turiststajson
Uskedal Røyr og Multiservice
Kvinnherad Breiband
Utvikla av iDrift AS