Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Utstillingsopning i særklasse!

23.05.2015
Klikk på bilete for full storleik
Gallerieigar Gøril Guddal ønskjer velkommen og har nett overrekt velkomstgåve til kunstnarane.
 
Det var svært folksamt då kunstutstillinga til Sigrid Øyrehagen og Tom Gundersen vart opna i Galleri G Guddal i dag.  Nok ein gong hadde gallerieigar Gøril Guddal ordna i stand til eit flott arrangement på det usedvanleg vakre gardstunet i Guddal.  Veret var også i godlune, og dei frammøtte kosa seg storleg!
 
Klikk på bilete for full storleik
Miann Eylegard og Turid Valvatne serverer gulrotsuppe frå Elins Matgleder til kunstnarparet.

Stemninga var god alt frå dei første kom til tuns.  Kafèen var open med god servering.  Ute serverte gallerieigaren velsmakande gulrotsuppe med godt brød til.  Suppa var Elins Matgleder meister for, og brødet kom frå nyopna Brødskreppa i Omvikdalen.  Sistnemnde hadde også salg av ulike typar steinomnsteikte brød.  Det var populært. Vi kan trygt seia salget gjekk minst unna som om det var varmt kveitebrød.

Sjølve utstillingsopninga føregjekk inne i galleriet.  Etter at Gøril hadde ønskt velkommen, gav ho ordet til professor Jørn Øyrehagen Sunde.  Han gav dei frammøtte ei framifrå framstilling av bakgrunnen til kunstnartanta, Sigrid Øyrehagen. Han trekte trådane tilbake til oppveksten på Døssland og alle dei fargerike personane der. Spøte-brekken, Heia-Peren, Hartvigs-Torjaren, Ole Døss, Åsto på Døssland, Rinda-Jakopen og fleire.  Jørn hadde og noko spesielt!  Han hadde ei tante som var kunstnar som sykla rundt på ein combi-damesykkel med korg på, og akvarellfargar og penslar i ei sigareske.  Det var det ingen andre som hadde!

 
Klikk på bilete for full storleik
Svært interessant å høyra Jørn Øyrehagen Sunde då han opna utstillinga.(Foto: Vibeke Birkeland)

Når Jørn ser bileta til tanta kjenner han ofte att personane frå Døssland. Dei balar alltid på med noko.

- For meg vart Døssland verden, og verden vart Døssland. Tante Sigrid har tatt Døssland ut i verda, gjort Døssland universell, sa han mellom anna.

Han var også inne på utvikling i bileta hennar.  I den samanheng nemnde han at han kunne sjå at ho og ektemannen Tom Gundersen hadde påverka kvarandre i utvikling.

 

Jørn Øyrehagen Sunde er ein meister i formidling, utan tvil i nasjonal toppklasse.  Humørfylt og tydeleg utan manus.  Dei som ikkje har høyrt han, har verkeleg gått glipp av noko.  Heldigvis er det ein del muligheter her i kommunen m.a. i Baroniet.

 
Klikk på bilete for full storleik
Nokre av dei mange frå Døsslandsio som var på utstilling

Kunstnarane sette stor pris på Jørn si vinkling i opningstalen.

- Eg syns det var så flott!  Då eg vaks opp var det så stemningsfullt.  Vi opplevde den ville natur.  Det var nesten skummelt.  Døsslandsio lever i ting, personane lever i bildo.  Der dei ikkje er med, er dei nett farne.  Dei handlar om folk i lag med naturen, sa mellom anna Sigrid då eg snakka med ho, etter at nevøen hadde opna utstillinga.

Publikum sette pris på både kunsten og opningstalen.

- Ei inspirerande opning der han alminneleggjorde kunsten hennar og beskreiv henne som ei spesiell tante i eit miljø med mange fargerike personar, sa ei begeistra Astrid Eikeland som gledde seg over bilda til begge kunstnarane.

 

Det var mykje vellæta å høyre.  Tydeleg at både maleria og monotypi-bileta til Sigrid og metalltrykka til Tom fall i smak.  Ho stiller ut 26 bilde medan ektemannen har 19.  Salget såg også ut til å gå bra.  Utstillinga vert ståande til 28.juni.  Når vi får gjester frå andre stader, vil garantert eit besøk i Galleri G Guddal verta populært. Dette flotte gardstunet er eit framifrå turistmål. 

 
Klikk på bilete for full storleik
Uskedelingar kosar seg på Galleri G Guddal.

Eg har ikkje teke med foto av kunstverka.  Det krev betre utstyr.  Derimot anbefalar eg alle å ta turen til Galleri G Guddal for å få den gode kunstopplevinga

Til slutt seier eg takk til alle involverte for ein strålande dag.  Fantastisk!!

Og til Jørn og Sigrid: Det er så flott å høyra at de held så godt på dialekten etter at de begge flytta frå bygda i ung alder!

 
Klikk på bilete for full storleik
Kunstnarar med familie i vakker innramming i Guddal:Tom Gundersen(bak f.v.), Jørn Ø. Sunde og kona Elisabeth Akselvoll, Sigrid Øyrehagen(framme f.v.), Sunniva Sunde og Anna Elisabeth Sunde.(Foto: Stig Tveito)

Tekst og nett: Thor Inge Døssland

Foto: Vibeke Birkeland, Stig Tveito og Thor Inge Døssland.

 
 
 
 
 
 
 
  Tilbake

 
Lesarbilete
Notisar
24.09.2020
Maria Malmsten har nokre ledige songtimar på torsdagar.
Det er nokre ledige songtimar på torsdagar etter kl. 13.00. Maria Malmsten er songpedagog. Dette songtilbodet er for alle, ikkje berre for dei som syng i kor. Undervisninga er i Gamleskulen, i den perioden møterommet på Stemneplassen vert renovert. Interesserte: Ta kontakt på mobil 976 99 887.

kb
21.09.2020
Varsel om politiøving i Uskedalen.
I området Uskedalen vil det bli gjennomført ei øving for politiet onsdag 23. september. Øvinga vil vera synleg i sentrum, både med kjøretøy og personell. Trafikken vil stort sett gå som normalt. Grunnen til at øvvinga er lagt til Uskedalen, er tilgang til eigna øvingsobjekt.

Knut Olav Myklebust - koordinator for operativ trening, Vest Politidistrikt.
20.09.2020
Ny bokbuss - stopp ved Grano i morgon, måndag kl. 17.05
Den nye bokbussen er på plass. Bussen har alt vore på Uskedal skule med bokutlån til elevane. I morgon, måndag 21. september, er det lagt inn stopp i sentrum, ved Grano, mellom kl. 17.05 og kl. 17.30. Møt fram. Lån bøker. Lever inn bøker eller du kan tinga bøker for lån. Bruk bokbussen.

kb
18.09.2020
Jan Morten Myklebust - gjest i sofapraten i Nysæter kyrkje.
Nysæter kyrkje på Stord har eit fast innslag dei kallar I sofakroken. Tidlegare prest i Kvinnherad, Reidar Ådnanes, inviterer utvalde personar til prat om viktige spørsmål i livet. Tittelen i møte med flyhamnsef Jan Morten Myklebust ( frå Uskedalen ), er: Høgt og lågt - i medvind og motvind. Samtalen vil mellom anna handla om det å takla ulukker. Nysæter kyrkje - tysdag 29. september.

kb
17.09.2020
Anja Njøten Leite - nytilsett lærar på Uskedal skule.
Anja Njøten Leite er tilsett i den ledige stillingen på Uskedal skule. Det var stor interesse. Heile 15 personar var på søkjarlista. Anja har takk ja og vil ta til i den nye jobben med det fyrste. Det er rektor, Odd Steinar Arnesen, som fortel dette til Uskedalen.no.

kb
17.09.2020
Søk gåve frå SpareBank 1-stiftinga Kvinnherad innnan 13. oktober.
Det er fram til fristen 13. oktober høve til å søkja om gåve frå SpareBank 1-stiftinga Kvinnherad. Midlane skal gå til ålmennyttige føremål. Alle søknader skal fyllast ut og sendast elektronisk. Meir informasjon finn du på stiftinga si heimeside. www.kvinnheradstiftinga.no

kb
17.09.2020
Fornying av nettsida uskedalen.no.
Ei gruppe i Uskedal Utvikling gjer førebuande arbeid til ei fornying av nettsida Uskedalen.no. Bakgrunnen er ei kommunal løyving på kr. 30.000,- til profilering av Uskedalen. iDrift har det tekniske driftsansvaret og vil uansett fasa ut dagens modell, noko som gjer at ein må finna fram til ny modul med meir fleksible løysingar. Meir informasjon kjem i oktober.

Red.
16.09.2020
Hugs den viktige REFLEKSEN.
Det haustar, og det er verkeleg på tide å ta fram refleksvesten og andre refleksar.  Ein lesar melder at han i dag møtte to mjuke trafikantar, ein syklist og ein gåande, på kvar si side av vegen på eine brua i Uskedalen.  Begge var på rett side av vegen, men dei var svært vanskelege å sjå på litt avstand i grålysninga.

tid
15.09.2020
Rustne Menn utset pubkvelden som var tillyst på fredag 18. sept.
Slik koronaen har utvikla seg vert den tillyste pubkvelden i Dønhaugkjedlaren på fredag utsett inntil ein veit meir om smittesituasjonen. Rustne Menn avventar og ser korleis ein kan få til ein song- og presentasjonskveld for nytt allsonghefte ved eit seinare høve. Innbetalte billettar på VIPPS vert refundert.

kb
14.09.2020
Mykje ros og scoring til Harald Nilsen Tangen.
Harald Nilsen Tangen scora det viktige andremålet då Åsane imponerte ved å slå Kongsvinger 4-2 på bortebane på Gjemselunden i kveld.  I Eurosportstudioet var dei rause med rosen til den talentfulle Viking-spelaren som er på korttidslån til Obosliga-klubben Åsane. I følge panelet hadde han blomstra og verkeleg sett sitt preg på Åsane-laget i kampane han har spelt.  Låneperioden varer ut september månad.

tid
Siste Nyhende
24.09.2020
Reguleringsplan - fyrste steget fram mot eit ferdig prosjekt.
Det er varsla oppstart av arbeidet med reguleringsplan for eit utvida aktivitetshus med klatrehall. Uskedal Idrettslag ved Klatregruppa inviterte til eit to timars informasjonsmøte, organisert som som stand, i går. Alt kl. 19.00 var naboar og andre intereresserte møtte fram for å få vita meir om innhaldet og prosessen. Det er rekna fire steg i sjølve prosjekteringa. Fase ein er reguleringsplan.
23.09.2020
Skonnerten IDEAL av Kristiansund i Storsund i dag.
Det var ei staseleg skute som i 15 tida i dag, onsdag 23, september, kom inn Storsund på sin seglas til Rosendal. IDEAL er kopi av skonnerten ROSENHEIM, bygd på Skaaluren Skibsbyggeri 1910. Det vart bygd fire farty av denne typen tidleg på 1900 talet. Originale teikningar frå perioden 1903 - 1910 er lagt til grunn, men bygginga er tilpassa dagens krav til styrke og passasjersertifikat.
23.09.2020
Melding om oppstart - invitasjon til møte om detaljregulering for Aktivitetshuset.
Uskedal Idrettslag, konsulentfirma Civitas og arkitekt frå Lala Tøyen inviterer til oppstartmøte/stand i kveld, onsdag 23. september kl. 19 - 21, som gjeld detaljregulering knytta til utbygginga av Aktivitetshuset i sentrum av Uskedalen. Det vel 10 dekar store planområde omfattar både offentleg og privat areal. Uskedal Idrettslag er forslagsstillar. Civitas AS er plankonsulent. Lala Tøyen er arkitekt og landskapsarkitekt.
22.09.2020
Ny bokbuss med tre stopp i Uskedalen.
Den nye bokbussen i Kvinnherad er på plass og har starta køyreruta for hausten. Uskedalen er lagt inn med tre plassar for stopp. Det er Uskedal skule, sentrum v/ Gamleskulen/Grano og Dønhaug Gardsbarnehage. Bussen er svenskbygd, frå Fellvings i Billesholm. Det er ei lita verksemd som har spesialisert seg på bussar for mobile tenestetilbod, som blodbankbuss, tannlegebuss og bokbuss.
22.09.2020
Gode helsingar til Carsten Mrusek - ny sokneprest i Uskedalen.
Carsten Mrusek er tilsett som sokneprest i Uskedalen, Ænes og Åkra sokn, førebels for eit år. På innsetjingsgudstenesta sist sundag vart det sagt fram helsingar med gode ynskje for den tenesta han skal gjera i vår norske kyrkje. Soknerådsleiar, Sigmund Myklebust, las brevet frå biskopen  Bjørgvin, Halvor Nordhaug. Prosten i Sunnhordland, Svein Arne Theodorsen, henta orda frå 1. mosebok, kap. 32 om å leva i nåden og dela Guds ord med alle.
21.09.2020
Bruk 1,B på Skorpo - innspel til Kulturminneplan.
Ei gruppe på fem medlemer, som har arbeidd etter metoden Gjestebod, har sendt innspel til ny kulturminneplan i Kvinnherad kommune. Gruppa har samla seg om bruk 1, B på Skorpo, det som ofte vert kalla Tunet i det blå, etter tittelen på Herbrand Lavik sin roman på John Griegs forlag 1945. Arbeidsgruppa har vurdert den kulturhistoriske verdien ved å ta vare på gardsbruket etter at den siste eigaren, Johannes Hauge, døydde i 2019.
21.09.2020
Konfirmantåret startar med felles sykkeltur og samling på Varaldsøy.
Ni konfirmantar 2021, ikkje 10 slik vi har skrive før, vart presentert på gudstenesta i kyrkja i går. Alle, saman med foreldra, møtte fram. Namna vart lesne og kvar einskild fekk Bibelen i gåve frå Den norske Kyrkja. Etter gudstenesta var det orientering. Nytt er det at soknepresten i Kvinnherad, Kjersti B. Boge, tek konfirmantane med på sykkeltur frå Ølve til Varaldsøy med overnatting og undervisning i Hestviken på Varaldsøy.
20.09.2020
Audun Eik attvald som leiar i Kvinnherad Sogelag.
Audun Eik frå Uskedalen vart på årsmøte i Kvinnherad Sogelag attvald som leiar. Med seg i styret har han: Lars Jostein Røyrvik, Rita Martens Meyer, Borgny Særstein, Egil Steinar Tofte, Frøydis Fjellhaugen og  Margun Malmanger. Ny varamedlem: Astrid Haugse. Frå årsmeldinga 2019 tek vi med:
18.09.2020
To vikepliktskilt køyrde på i Uskedalen.
Skilt vert frå tid til anna rivne ned eller køyrde på. Litt uvanleg er det at dette skjedde med to vikepliktskilt i ei og same veke, eit på Seinsletto og eit i sentrum. Uskedalen.no kjenner ikkje til bakgrunnen, men reknar med det eit uhell i det vogntog, traktorar med hengarar eller lastebilar har svinga ut på Fylkesvegen.
Sponsorar
Rabben feriesenter
Eidsvik Eigedom AS
Kvinnherad Vekstbedrift AS
Kvinnherad Elektro
Uskedal Båtlag
Spar
Gros Blomster
Solheim Turiststajson
Kvinnherad Renhold service
Uskedal Røyr og Multiservice
Auto 88
Ospelunden
Brødrene Hjønnevåg AS
Kvinnherad Energi AS
S. Rødsten Bilforretning A/S
Kvinnherad Breiband
Stord Lufthamn
Zjakk Frisørsalong
kvinnheringen
Sparebank 1 SR bank ASA
Grenda
Tysnes Sparebank
iDrift AS
Kvinnherad Breiband
Utvikla av iDrift AS